مدرسه الكويت الانجليزيه / والانجليزيه الحديثه

[ليلى رمضان]

بنــــــــــــات / أمهــــــــــــــات أبي تفيدوني بخصوص مدرستي

1) مدرسه الكويت الانجليزيه kuwait english school
2) المدرسه الانجليزيه الحديثه New english school


اللي عندها أي معلومات عن هالمدرستين بالذات أو أي وحده فيهم، بحكم تجربتها ويه عيالها أو لو كانو عيال خواتكم
ودي أعرف منو الأحسن من جمـــــــــــــيع النواحي ( من تأسيس اللغه الانجليزيه للطفل عمر 3 سنوات ، الى تخرج الطالب منها18 سنه ) ترا هذا مستقبل يا جماعه وبجد محتاجه مساعدتكم مو بس لي ، عندي أختي لها 4 عيال (2 روضه _2 ابتدائي) فحرام انقط الألوف على مدرسه ما تستهال .

انا كل شوي بجيك على الموضوع وأشوف آرائكم ،
وتكفون حبايبي اللي تعرف ومالها خلق ترد الحين وعيزانه ميخالف ناطره أي وقت يناسبكم بس لا تنسون موضوعي
انا ماخذه الموضوع بجد وضروري بعد .ومشكوورين

 

[أم عبد الله]

حياتي أقولك عن تجربة في وليدي حبيبي أول شئ سجلناه في المدرسة البريطانية وكانت تعبانة مو ولدي لانهم يوم سوو له اختبار حطوة في الصف الأول على طول مو روضة والغلط مني صدقتهم بس الولد كان يقرا ويكتب من الحضانه طلع منهم صفر:0bee2e8d89:
وبعدين نقلته إلى الانجليزية الحديثة (نيو انجلش سكول ) والحال من السيء إلى الأسوء والله ما شفت غير تردي في متسوى وليدي بعد عمري لاعت جبده قام يصيح وما يبي يروح المدرسة وغير المشاكل بين الطلبة كل يوم إييلي مرضوض من فوق لي تحت ورحت وكلمتهم شنو كان الرد الله يخليك ؟؟؟ أطفال ولازم يتصرفون بروحهم الله يخليك الولد تزورق من الطق المهم آخر شيء من بعد كل هذا العناء وتدني في المستوى الدراسي يعني من كل الجوانب العربي والانجليزي وكل حاجة حتى شكيت في الولد عرضته على أخصائي وسوينة أختبار ذكاء تدرين شنو كانت النتيجة الولد شاطر في الرياضيات ماشاء الله عليه فقمت و نقلته إلى العالمية الأمريكية وصج غالية بس ولله الحمد الولد تغير 180 درجة طلع كل الذكاء وإن كانوا نزلوه سنة بس الحمد لله على فهم والله المدرسة رائعة بل أكثر من رائعة من ناحية التعليم وكل شيء بصراحة ولدي صار عنده ثقة بنفسة وصار يقرأويكتب لا ويصحح لي ماشاء الله عليه هذه تجربتي مع المدارس ذات النظام البريطاني أنا عن نفسي أشوفة فاشل الأمريكي وايد وايد أحسن لانهم دائما يتابعون التطورات التربوية وولدي الثاني فيها بعد والله مرتاحة ولله الحمد لانه في رعاية واهتمام كامل وإنشاء الله أكون أفدتك:gathering:

 

[sondos]

الصراحه اثنينهم نفس المستوى ويعتبرونهم من التوب 5 بالكويت .........وعموما نصيحه اذا الام والابو مايعرفون انجليزى هالكثر مايسوى تخسرون فلوسكم لان تكمله المدرسه بالبيت وهوم ووركاتهم مو شويه وفى البدايه لالالالالالازم راح يحتاجون مساعده بس من 2 ابتدائى يشيلون عمرهم .......

 

[الفنانه79]

الكويت الانجليزيه عجييييييييييييييييييييييييبه

انا سجلت اعيالي فيها وتعتبر بوزارة التربيه ثاني احسن مدرسة على مستوى الكوييييييييييييت

واعيالنا كلهم فيها فيهاااااااااااااااااااااااااااااااا

 

[ليلى رمضان]

مشكورين حبايبي على ردودكم
أم عبدالله بصراحه خليتينه نعيد النظر بهالمدارس وخل أشوف هالأمريكيه ( بس خايفه انهم مايراعون العادات والتقاليد الاسلاميه ، انا ادري انه المدارس الانجليزيه فيها خلط بس مابي مدرسه تسمح بالمسخره وتقول عادي لانه أخوانه الأمريكان متحررين زياده عن اللزوم )
المهم انشالله راح أبحث عن هالمدرسه وافيديني أكثر ماعليج أمر .

sondos فعلا هالمدرستين يمدحونها اولياء الأمور وصج انا خريجه مدارس حكومي بس شاطره بالانجليزي وانشالله يقدرني أفهم مناهجهم .
الفنانه 79 ممكن تفهميني شنو يقصدون بهالرسوم

School Fees – Academic Year 2007/2008
Kindergarten: 1175 KD
Reception: 1835 KD
Infant: 1915 KD
Junior: 2210 KD
Senior Y7-Y9: 2480 KD
Senior Y10-Y11: 2580 KD
"A" level: 2945 KD
شنو reception ? infant? senior y7_9

 

[الفنانه79]

School Fees – Academic Year 2007/2008
Kindergarten: 1175 KD
Reception: 1835 KD
Infant: 1915 KD
Junior: 2210 KD
Senior Y7-Y9: 2480 KD
Senior Y10-Y11: 2580 KD
"A" level: 2945 KD
شنو reception ? infant? senior y7_9

reception ثانيه روضه

nfant اولى ابتدائي

senior y7_9 يعني من الصف السابع الى الصف التاسع

واتوقع جذي نظامهم وراح اتأكد واردلج خبر

 

[ليلى رمضان]

يا ينات يا حلوين ردو علينه الحين

 

[طيبة الكويتية]

سلام اختي
صديقاتي بالجامعه كانوا متخرجين من الانجليزيه الحديثه و ماشاءالله عليهم شطار
ووحده الحين استاذه بالتكنولوجيا و الثانيه بأمريكا تحضر الدكتوراه. و مره عاقده اسولف ويا الاستاذه اللي بالتكنولوجيا جان تقولي انه مدرستهم اهي اقوا وحده من ناحية التدريس و المناهج.

مدرسة الكويت الانجليزيه اخوي و مرته يبون يدخلون اعيالهم فيها, بس مو متأكده اهيه و لا البريطانية. لأنه مرت اخوي تقولي وايد قويه المدرسه و سنعه حتى ولد اختها عندهم الحين اهو ب Reception

و بعديت يا اختي نصيحه مني, خلي اختج تروح المدرستين و تشوفهم و تشوف المناهج و تشوف الصفوف و الحمامات و كل شي. و بعدها تقرر. ولدي قبل ما اسجله بالمدرسه جذي والله سويت و حست بالمدارس لين استقريت على الشويفات و الحمدلله اطلعت ممتازه. بس للأسف ماكو لها فرع بالكويت حسافه
و الله يوفق الجميع يارب

 

[ليلى رمضان]

كلامج عين العقل اهي راحت وشافت بس اشلون نعرف مستوى الـتأسيس عندهم / معاملتهم ويه الطالب /
عالعموم مشكووره وايد بس اللي فهمته من كلامج انه المدرسه الانجليزيه الحديثه قويه
بس اذا تقدرين تفهميني شنو
Fees – Academic Year 2007/2008
Kindergarten:
Reception:
Infant:
Junior:
Senior Y7-Y9:
Senior Y10-Y11:
"A" level:
شنو هذا ...؟؟؟

 

[أم عبد الله]

أختي ليلى أنا هذه السنة الثالثة معاهم ولله الحمد ماشفت شئ من هذا القبيل وانت على ما تاسسين وترشدين في البيت صج المدرسة لها تأثير بس حتى المدارس الحكومية فيها بعد والله يحفظ لنا عيالنا وبخصوص التدريس أنا عندي دبلوم لغة من أمريكا وجامعية خريجة الكويت وزوجي خريج أمريكا بخصوص المستوى التعليمي لنا يعني مواكبه التطورات اللغوية مع اليهال بس ساعات أختي نغلط ويصعب علينه الأمر ونرجع للقاموس لبعض المسطلحات وهذا شئ طبيعي في نظري
وأنا حماي خريج الانجليزية الحديثة وحاليا في فرنسا يقدم ماجستير ودكتوراه وخالتي ام زوجي عندها شهادة 4 ثانوي يعني ما كانت تعرف إلا البسيط القصد المستوى ماله شغل التوفيق من الله وإهيه عمرها ما ساعدته حسب كلامها لانها ماتعرف وحماتي ولدها حاليا في نفس المدرسة بالصف الخامس هذه السنة بس تدرين العام الماضي راحت مع زوجها أمريكا بما أن زوجها دكتور في الجامعة ( بس حبيت أبين مستوى تعليم الوالدين وحماتي بعد دارسة هناك لغة وعندها دبلومات غير شهادتها الجامعية من الكويت يعني على بينه بكل شئ) فدخلت ولدها تقوية تدرين شنو طلع مستواه والله الولد كان في الصف الرابع طلع انه في الصف الثاني حسب اختبار لتحديد المستوى والله اطلعت عيونها :tomato2: طبعا تكثيف من عندهم وساعات دراسية يعني رايح يستانس المسكين اطلعت من عيونة وإهيه تشهد على كلامي وكان ودها تنقل ولدها لمدرسة عيالي بس مشكلتها إن النظام الأمريكي ينزل سنة من إللي يايين من النظام البريطاني وملاحظاتها نفس ملاحظاتي وعلى قولتها إهيه تدبست بس أنا لحقت على وليدي وهذه تجربه إهديها لك شفتي يعني عندنا ولدين واحد خريج من الانجليزية الحديثة وما كان يعاني من أي مشاكل والثاني مازال مستمر والمشاكل هذه جديده على المدرسة الانجليزية يعني قبل ما كان فيها شئ و اثنين في العالمية الامريكية والله يشهد إن الكل لاحظ الفرق على وليدي عبدالله والتطور إللى وصل له من نقلته من الأنجليزية الحديثة

وانشاء الله البنات يفيدونك بس أنا حبيت أنقل تجربتي ومعاناة وليدي للفائدة ومو كل الناس يصير معاها إللى صار معانه ولا التجربة قاعدة شوفي إللى ترتاحين له والله الموفق

 

[dalprincess]

انا عيال اختي بالمدرسه الانجليزيه الحديثه ووايد مرتاحه منها ومستواها قوي واايد ويخلون الياهل يفكر ويصير ذكي حتى لو اهو ماكان ذاك الزود بس مشكلتهم بالعربي مو ذاك الزود مدرسين العربي...

 

[alhayen]

سلام اختي
صديقاتي بالجامعه كانوا متخرجين من الانجليزيه الحديثه و ماشاءالله عليهم شطار
ووحده الحين استاذه بالتكنولوجيا و الثانيه بأمريكا تحضر الدكتوراه. و مره عاقده اسولف ويا الاستاذه اللي بالتكنولوجيا جان تقولي انه مدرستهم اهي اقوا وحده من ناحية التدريس و المناهج.

مدرسة الكويت الانجليزيه اخوي و مرته يبون يدخلون اعيالهم فيها, بس مو متأكده اهيه و لا البريطانية. لأنه مرت اخوي تقولي وايد قويه المدرسه و سنعه حتى ولد اختها عندهم الحين اهو ب Reception

و بعديت يا اختي نصيحه مني, خلي اختج تروح المدرستين و تشوفهم و تشوف المناهج و تشوف الصفوف و الحمامات و كل شي. و بعدها تقرر. ولدي قبل ما اسجله بالمدرسه جذي والله سويت و حست بالمدارس لين استقريت على الشويفات و الحمدلله اطلعت ممتازه. بس للأسف ماكو لها فرع بالكويت حسافه
و الله يوفق الجميع يارب

الشويفات << الله هذي كانت مدرستي يوم كنا عايشين بالامارات ذكرتيني بما مضى ,,, اهي اللي بالشارجة طريق المطار صح ... قبل الشويفات كنت بالوردية من سنة اولى روضة لغاية 2 ابتدائي وبعدها ابوي نقلنا شويفات مستواها ممتاز ويقولون الحين طالعة عندكم المدرسة الاسترالية هم قوية ....

المهم نرجع لمدارس الكويت شوفي يا ليلى حبيبتي انا سجلت ولدي في النيو انجلش سكول لسبب انها من المدارس القوية بالكويت وثانيا منهجها بريطاني ثالثا على كلام واحد من التعليم العالي نعرفه قال انه اكثر مدرسة ناخذ منها طلبه للبعثات اهي نيو انجلش سكول والله اعلم .....

وبعدين مهما قالولج ترى التجربة خير برهان .....​

 

[برونزية رشيقة]

ممكن اعرف نيو أنجلش بأي منطقة ؟؟؟؟ وبعرف الكويت الإنجليزية أي وحدة ؟؟؟؟ واااااااااااااااااااايد أسامي المدارس مكررة ضيعتوني ؟؟؟؟؟

 

[طيبة الكويتية]

الشويفات << الله هذي كانت مدرستي يوم كنا عايشين بالامارات ذكرتيني بما مضى ,,, اهي اللي بالشارجة طريق المطار صح ... قبل الشويفات كنت بالوردية من سنة اولى روضة لغاية 2 ابتدائي وبعدها ابوي نقلنا شويفات مستواها ممتاز ويقولون الحين طالعة عندكم المدرسة الاسترالية هم قوية ....

المهم نرجع لمدارس الكويت شوفي يا ليلى حبيبتي انا سجلت ولدي في النيو انجلش سكول لسبب انها من المدارس القوية بالكويت وثانيا منهجها بريطاني ثالثا على كلام واحد من التعليم العالي نعرفه قال انه اكثر مدرسة ناخذ منها طلبه للبعثات اهي نيو انجلش سكول والله اعلم .....

وبعدين مهما قالولج ترى التجربة خير برهان .....​

ايه صح هذي اهي
زين حصلت احد بالكويت يعرف المدرسه هذي. و الاستراليه سمعت عنها و شفت صورها وواد حلوه بعد, ودي اودي اعيالي لها لكن ابوهم مصمم على الشويفات ما يبي يغير.

 

[طيبة الكويتية]

ممكن اعرف نيو أنجلش بأي منطقة ؟؟؟؟ وبعرف الكويت الإنجليزية أي وحدة ؟؟؟؟ واااااااااااااااااااايد أسامي المدارس مكررة ضيعتوني ؟؟؟؟؟

اللانجليزيه الحديثه بالجابريه على الخط السريع اللي عليها اعلام.
و الكويت الانجليزيه ما اعرف لكن اعتقد يا سلوى ولا حولي, و ان شاءالله البنات يعطونج الخبر الأكيد

 

[<Miss ROoSe >]

الكويت الانجليزيه عجييييييييييييييييييييييييبه

انا سجلت اعيالي فيها وتعتبر بوزارة التربيه ثاني احسن مدرسة على مستوى الكوييييييييييييت

واعيالنا كلهم فيها فيهاااااااااااااااااااااااااااااااا

حبوبة أى وحدة فيهم اللى بسلوى ؟
واذاكانت هى أتمنى تقوليلى شلون مستوى أولى ابتدائى عندهم ؟
وجم رسوم التسجيل ؟
وهل العربى عندهم مستواه زين والا ضعيف؟​

 

[الحلم العميق]

السلام عليكم بنات .... انا سويت دراس كامله عن المدارس قبل لا يدخل ولدى المرسه و لقيت نيو انجليش سكول زينه و كويت انجليش سكول زينه ..... لكن انا كانت ميولي لكويت انجليش سكول ... وى في سلوى ق 11 يم ماكدونالد

بالنسبه للمدارس الامريكيه ماحبيتها ولا حبيت نظامها


ذا عن رايي
ومشكورين

 

[سمبوسه2]

انا محتارة بين new englishوkuwait english اشرايكم

 

[سمبوسه2]

upup

 

[جزيلة العطا]

اب
اب
اب
يا ليت البنات يفيجونا يعد وابي اعرف في هالمدرستين اللغه العربيه شلون؟؟