مدرسه الابداع بحووووووووووولي

[om.aboodi]

السلام عليكم ورحمه الله وبركاته
امهات اللي عيالها بالابداع ومستمرين يليت يقولون لي رايهم فيها
لان سمعت انها صارت ماديه والمدرسات قلبوهم عرب متجنسين ويلوعون الجبد ومصاخه زايده وليلحين اعرف عايلتين طلعوا عيالهم فياليت تفيدوني ملاحضين هالشي
انا موباط جبدي الا الطلبات عيل هالمبلغ اللي يندفع اشحقه حتي كلينكس منتو يايبين زبالروضه شدعوه كراتين هالاقلام والمساحات جنه يجهزون عيالهم على افانا استغفرالله

 

[om.aboodi]

شدعوه محد يعرفها وانصدمت من تعامل المدرسين صراخ وعلى مصاخه عيل نوديهم حكومه

 

[جنى الحمد]

السلام عليكم أم عبودي للأمانة الشي الوحيد الي اقدر أفيدك فيه هو انه جميع المدرسين أجانب الأصل أما المساعدات عربيات

 

[om.aboodi]

عزيزتي انا بنتي هناك كرهوها بالمدرسه ابله فلسطينيه جنسيه امريكيه والثانيه المساعده سوريه وكلهم ضيم

 

[ليلى رمضان]

والله يااختي مالاحظت هالشي لحد الان يمكن لكون بنتي صغيره بهالمدرسه هذي ثاني سنه وياهم بالابتدائي ومدسراتها اجانب اصليين وممتازين يمكن مرحله رياض الاطفال اللي مو مركزيين على اجانبً

وانا كذا مره اسال السكرتاريه يأكدون علي انه المدرسات اجانب اصليين
لكن مدرسه البنين ماني مرتاحه مادري ليش

 

[أمانيQ8]

اول شي انا ولدي بالروضه بمدرسه انجليزيه بحولي وصلته الصبح وعقب ما اوصله الطريق يجبرني امر صوب الابداع عشان اطلع من الدوار عالدائري الرابع ...
والله العظيم اني شفت منظر لوع جبدي..وانا بزحمة الدوار اللي يم الابداع صار باب الابداع على ايدي اليمين ويساري في بقاله والا طلع منها ولد فيه تقريبا 16سنه شايل جنطته وبيده عصير واليد الثانيه ((زقاره))وشكله امبهذل وعافس وجهه ويدخن ويمر بين السيارات قلت هذا اي مدرسه بيدخل!! ظليت اراقبه والا يوصل عند الباب الزجاج التابع للمدرسه ويوقف اشوي يمزمز بالزقاره تالي قطها بالارض وداس عليها وحذف قوطي العصير ودخل المدرسه...انا اعيوني اطلعت بصراحه قلت شنو هذا معقووووووووووول؟؟؟؟
انا كنت بدخل ولدي فيها وكنت محتاره والله العظيم بعدها لما سمعت ناس ثقه من الاهل اذكروا لي حادثه فيها وانهم طلعوا اعيالهم بسبة هالحادثه حطيت عليها xيعني هذا اللي فاتح ريجه بزقاره اشلون يدش المدرسه واهو امدخن وريحته كلها زقاير وبكل وقاحه واقف عند باب المدرسه ييدخن وينفخ بالجو!! الله لايبلانا يارب والحمدلله الذي عافانا والله يهديه ويصلحه

 

[رحيل المرافيء]

الابداع مدرسة اللي مايتسمى طويرق سويدان شتبون فيهم
اللي باع ديرته بالغزو بيفتح لكم مدارس ؟؟!!!
اسحبوا عيالكم بس