ولدي في مدرسة اكسفورد...لنجليزيه والسنه الجايه خامسه....بطلعه باومر من ابو الشباب وقالي وديه مدرسة محمد الشايجي اللي جنب بيتنا ...؟؟؟ودخلتها انا يوم الانتخابات مبناها حلوووو...بس الهيئه التدريسيه اشلون؟؟؟
هلا حبيبتي انا ولدي فيها ناظرتها ممتازة السيدة فتوح الكوت ومدرساتها زينيين بالامانة ومستواهم قوي خاصة اوراق المتابعة علي طول يعطونه بالاسبوع شنو ندرس اعيالنا يعني المنهج شنو راح ياخذون باكر وجذيه وانا ولدي الحين بيروح ثالثة انشاء الله والله يوفق ولدك امين
والله اعتقد 25تلميذ لان توني سائلة ولدي قال كنا 26 وانتقل واحد والله يوفقهم كلهم ويعطيهم الصحة والعافية وشوفي اختي انا بحكم شغلي بالمدارس في بداية السنة تروحين حق الاخصائية او الوكيلة المديرة المساعدة وتبلغينهم عن ولدك انه من مدرسة اجنبية هذا اللي فهمته من كلامك وتقولين لهم يبلغون المعلمات يكون عندهم خبر علشان يراعونه وخاصة من الناحية النفسية والتعليمية لان الولد الله يحفظه كبير فصعب عليه التغيير والله يوفقه
والله صراحه المدرسة روعه وفيها انضبااط خاصه ان ناظرتهم شدييده وحاطه بالها عالطلبه عدل اسمه فرح الكوت,, والمدرسات اكثر من ممتازات طبعا في جم وحده اللي مو وايد بس الحمدلله انا الحين ولدي بثالثه وماشي الحمدلله والله يوفق الجميع انشالله.....
بسم الله الرحمن الرحيم
مدرسه محمد الشايجي كانت من المدارس النموذجية وكانت التدريس فيها من اروع ما يكون ولكن الان وللأسف نزل مستواها والمعلمات الممتازات انتقلن من المدرسة واكثر المدرسات الان من الجالية المصرية .....اما الادارة شديدة وغير عادله ومستوى الاولاد من سيء الى أسوأ وحتى المدرسة فيها قصور من ناحية النظافة........
المهم الله يعين المعلمات اللي فيها والله يفرج عليهم......آآآآآمين