مدرسة رياض الصالحين

[* Miss Moony*]

مرحبا شخباركم ؟؟

ابي معلومات عن هالمدرسة المدرسات نظامهم رسومهم ابلاتهم كل شي ضروري واللي تساعدني لها دعوة بظهر الغيب

 

[&& قيثاره &&]

للرفع

 

[سيدة الكويت]

مدرسه اسلاميه

مدرساتهم مخلط عرب مصريات على اجانب

بس ما يخلونج تشوفين المدرسه والصفوف

وبعد رسومها رخيصه

هذا الى اعرفه

 

[الام المحبه]

حبيبتي
المدرسات فيها كل الجنسيات ( مصريات وفلسطينيات وسوريات وبريطانيات وامريكيات ... واذا في غيرهم بعد ما ادري )
الرسوم : كانت رسوم المدرسة معقوله اما الحين الرسوم ارتفعت في كل مرحله زياده 200 دينار ( يعني اولي روضة مو اقل من 1300 او 1400 ) ناسية المبلغ بالضبط
مناهجهم قوية وهالسنة طبقوا نظام يديد مطور وممتاز في تدريس اليهال والمناهج صارت صعبه والطفل يحتاج متابعه من الاهل بالبيت ( الروضة ) اما الابتدائي فلازم تكونين متابعه مع المرسات والطفل لان مناهجهم صعبه
الاطفال هناك ( الغالبية العظمي ) مستواهم ممتاز او جيد جيدا

 

[رنين]

وين مكانها ؟

و عندهم للأولاد؟
لغاية أي فصل؟

 

[سيدة الكويت]

سمعت انا واجباتها وايد

 

[جوز&لوز]

اي والله كل يوم واجبين على الاقل

 

[ام عبدالمحسن]

هذه رقمهم اتصالي وسألي عندهم اخصايئة تهبل أسمها أبله شرين
رقم روض الصالحين 22660165

 

[sky tears]

السلام عليكم
حبوبة انا كنت بشتغل اهناك و داومت اسبوع بس ماكملت شوفي المدرسات صج كوكتيل كل الجنسيات بس مشالله عليهم انا كنت بدرس روضه تدريسهم واااااااايد قوي يعني روضه يتكلمولج مع بعض بالانجليزي ابحصت الانجليزي و بلبل عربي بالعربي و يعطونهم املاء و بالعربي في قواعد و تحفيظ قران و رياضه يعني منهجهم واايد قوي و حلو و الي شفته في لي الثانويه و الروضه بس خلط باجي المراحل كل الاولاد ابروح و البنات ابروح و الاولاد رياييل ادرسونهم و البنات حريم و طبعا لبس المعلمات موحد عبايه سوده و شيله شوده او بيج بس كتدريس قوي وااااايد من ناحيه الانجليزي و العربي و الدين و الرياضيات من اللغتين
و عندهم يوم اجتماع الامهات احطون اليهال ابغرفه و اولياء الامور ابغرفه ثانيه اتطالعين اعيالج من خلال الدريشه العاكسه عشان لاينتبهون عليكم و اتشوفين تفاعلهم اشلون طبعا الواجبات المدرسه اتحل معاهم بالصف و هم تعطي حق البيت بس هذا كله عشان تقويه الطفل و الي صج عجبني ابطريقت المدرسه ليما اتكون مشغوله بتزهب شي اتخليهم اغنون بالانجليزيه عكس مدارسنا اخلين اليهال جنهم بالتجنيد

انشالله قدرت افيدج

 

[+بسبوسة+]

...
معلومات حلوة
بس ودي اعرف اساسيات تعاملهم مع اليهال شلون؟؟؟
الشدة؟؟ولا

والانشطة في؟؟انشطة حلوة ولا تقليدية مثل الحكومة؟

 

[hot caramel]

عساكم عالقوه خواتي وماقصرتوا يابعد عمري

بقيت اسأل هيه بأي منطقه ؟

وهل في باص يودي واييب ؟

لكن الاهم من هذا كله سؤال اختي الفاضله \بسمه عن نهج تعاملهم .. بالضبظ هالسؤال يطرح نفسه !!

شلون تعاملهم مع الطفل هل يحببه بالمدرسه يعني بمعني أصح لين وسلس أو بالقوه والتكفــخ وبالطق يمشون

صـارمقياسي لتقييم المدرسه عالطق اذا يطقون فإنهاموزينه و فاشله

خذيت موقف من قبل .. ولدنا بسم الله عليه حركي جدا ونوتي وفطين لكن مسخر هالفطانه والذكاعاللعب والشطانه

الله يصحله ويصلح عويلكم

كنامدخلينه المدرسه الباكستانيه بمرحله رياض الاطفال لانها جريبه وايد من بيتنا ابد حذفه عصا

سلملكم الله بمره من المرات أذى الابله وتقوم الله يهديها وتطق الولد وتدزه بس مانتهبت شلي يمه لمادزته أثاري البوردي الي هي السبوره

وتشق الحديده الي بالطرف اذن الولد وتصب دمامين وخيطوها له

ربي ستر وحفظه إلي مانصمخ الوليد

بس ظليمتهم شينه والله يعلمون صــح ويشتغلون بضمير

والحين بيدش الابتدائي بسم الله عليه ومانبي ندخله مدرسه خلط وكله انقلش مايعرف الولد كوعه من بوعه بالعربي​

والله يزاكم كل الخير إن شاالله


ويجعل منا ومن ابنائنا قره أعيننا ويهدينا إلي الخير والبر ويبعد عنادروب الاثام والشرور​

 

[سيدة الكويت]

بس ليش لما الوحده تبى تشوف المدرسه والصفوف ما يخلونها رغم هالشئ من حقها

عندهم حمام سباحه؟؟؟

وجم رسوم المراحل الدراسيه؟

 

[sky tears]

تعاملهم حلو و راقي مع الاطفال ماشفت اي شده معاهم بالعكس يهتمون بالطفل و اي طفل يتصرف بطريقة غلط افهمونه ان غلط او يعطونه شي اهجي من طاقته
و مكانهم ابحولي خلف نادي المعاقين
و صفوفهم صج اصغيره بس حلوه فيها لوحات تعليميه و تحفيزيه وايد و الي شفته عند ثانيه روضه اكثر من كتاب لمناهجهم بس اغلبهم اكونون بالصف ماياخذونه معاهم و بالصف في معلمه و مساعدتين لها طبعا يتكلمون مع الاطفال كله بالانجليزي هذا بخصوص الروضه اما باجي الاقسام ما شفت شي و صح الي شفته الكفتريا طبعا بفلوس و في اكلات وايد حتى بيتزا دومينوز فيها و اهيا للمعلمات و الاطفال بس اولى روضه ايبون اكلهم معاهم مايعطونهم شي و اوكلونهم بالصف اما الباجي يا ايبون اكلهم يا يشترون من عندهم و ساحه الاطفال بالفرصه معاهم كل المراحل البنات و الاولاد ساحتهم ابروح بس الروضه خلط مع البنات

 

[همامة]

للرفع

نبي معلومات اكثر

 

[+بسبوسة+]

تعاملهم حلو و راقي مع الاطفال ماشفت اي شده معاهم بالعكس يهتمون بالطفل و اي طفل يتصرف بطريقة غلط افهمونه ان غلط او يعطونه شي اهجي من طاقته
و مكانهم ابحولي خلف نادي المعاقين
و صفوفهم صج اصغيره بس حلوه فيها لوحات تعليميه و تحفيزيه وايد و الي شفته عند ثانيه روضه اكثر من كتاب لمناهجهم بس اغلبهم اكونون بالصف ماياخذونه معاهم و بالصف في معلمه و مساعدتين لها طبعا يتكلمون مع الاطفال كله بالانجليزي هذا بخصوص الروضه اما باجي الاقسام ما شفت شي و صح الي شفته الكفتريا طبعا بفلوس و في اكلات وايد حتى بيتزا دومينوز فيها و اهيا للمعلمات و الاطفال بس اولى روضه ايبون اكلهم معاهم مايعطونهم شي و اوكلونهم بالصف اما الباجي يا ايبون اكلهم يا يشترون من عندهم و ساحه الاطفال بالفرصه معاهم كل المراحل البنات و الاولاد ساحتهم ابروح بس الروضه خلط مع البنات

__شلون جنسيات مدرساتهم؟
=-تقريبا جم ياهل بالصف؟؟
-والمنهج صعب؟؟والواجبات وايد ولا شوية؟؟
-والقبول شلونه عندهم؟؟

 

[sky tears]

الجنسيات كويتيه مصريه سوريه لبنانيه انجليزيه يعني كوكتيل
و اليهال والله كانو وايد حدود 20 او 26 و الباجي ما ادري والله انا قلت الي شفته خلال اسبوع من مشاهدتي للفصول

 

[سيدة الكويت]

سألت رفيجتى عن المدرسه ...تمدحها من ناحيه الدين وانضباط الصبيان ..أهيه عيالها يالمتوسط والثانوى

لكن تقول عيالها كرهو المدرسه ولآن سالفه الطق زايده عندهم خاصه صوب الصبيان

تقول مسؤالهم الكويتى ....عقليته قديمه ويحب الشده حيل مع الصبيان

 

[برونزية رشيقة]

ما عجبتني تدرون ليش ؟؟؟؟؟



..


..



..


..



..




.. رحت أنقل ولدي لهم .. موظفات الريسبشن نفس(,,) .. هذا أولها ..

دشيت السكرتارية
أحاجي نفسي !!! محد يرد علي !!!

السلام عليكم أختي ؟؟؟

أختي لو سمحتي !!! بسألج عن التسجيل !!!

وحقرتني نص ساعة .. وتطبع عالكمبيوتر !!!1


بالغصب ردت هي والسكرتيرة الثانية ...


ردت: أصلا ما عندنا تسجيل .. حتى ويتنغغ ماكو 200 اسم ناطرين دور جدام ولدج !!!!


بالغصب سجلت ولدي ويتتننغ ..




** تم تعديل الرد بواسطة الإشراف **

 

[حلم الطفولة]

ما عجبتني تدرون ليش ؟؟؟؟؟



..


..



..


..



..




.. رحت أنقل ولدي لهم .. موظفات الريسبشن نفس(,,) .. هذا أولها ..

دشيت السكرتارية
أحاجي نفسي !!! محد يرد علي !!!

السلام عليكم أختي ؟؟؟

أختي لو سمحتي !!! بسألج عن التسجيل !!!

وحقرتني نص ساعة .. وتطبع عالكمبيوتر !!!1


بالغصب ردت هي والسكرتيرة الثانية ...


ردت: أصلا ما عندنا تسجيل .. حتى ويتنغغ ماكو 200 اسم ناطرين دور جدام ولدج !!!!


بالغصب سجلت ولدي ويتتننغ ..




** تم تعديل الرد بواسطة الإشراف **

تم تعديل الرد لمخالفته قوانين القسم .. حيث احتوى على تجريح لإدارة المدرسه وهذا غير مسموح.. يوجد تجمع خاص للمدرسه المذكوره تقدرون تكتبون فيه ,, وسيتم إغلاق هذا الموضوع وأي موضوع يفتح عنها للإنتقاد ,, حيث كثرت المواضيع عن نفس المدرسه وبنفس الغرض ,, وعلى هذا يعتبر هذا الموضوع مغلقا..

المدرسه إذا مو مريحتك لا تنقلين ولدج لها والـ ويتنغ 200 ماكو أمل حتى !! ,, وعفوا أتمنى احترام باقي الأمهات , ولولا اختلاف الأذواق لكسدت البضائع,, أكيد في أمهات مرتاحين فيها وعاجبتهم وإللا شلون يكون التسجيل عندهم دايما فل والويتنج لست 200 ؟؟

....