مدرسة المعالي بتنتقل الى الفروانيه

[mooomooo]

انا بجابلهم باجر وبستخير قبل لا اسجلهم

لاني كنت ناويه هالاسبوع اسجلهم

والله يكتب اللي فيه خير

 

[Dalo3a in Texas]

بنااات ترى انا مو قاعده اشيشكم والله يشهد بس

انا ماشفت المدرسه ترى وقاعده احكم من اللي سمعته

قاعده اقولكم راي بس ترى ماجربتها

انتوا اللي جربتوها وتعرفون

والله يوفق عيالكم ياااااااارب

:tek:

 

[بناتي حياتي]

الله يوفقج ويوفقنا ويهدينا للمدرسه الصح

وياريت بنات اللي يستجد معاها سي او تسمع اي خبر تخبرنا وانا بعد بخبركم واذا رحت لاي مدرسه بقول لكم وبحط لكم الاسعار بعد

والتوفيق للجميع

 

[بناتي حياتي]

لا بالعكس هذا مو تشييش هذي نصيحه منج وحنا هنيه علشان ننصح بعض وكل وحده تستفيد من الثانية

 

[زوزو الحلوه]

يعطيكم العافيه

 

[بناتي حياتي]

بنات ياريت كل وحده يصير معاها شي يديد او تسمع اي خبر خلينا انبلغ بعض ونستفيد
وان شاء الله انا بقول لكم كل شي يديد يصير معاي وعن المدارس اللي ان شاء الله بروح لها واحط لكم الاسعار بعد

والله يوفق الجميع يارب

 

[بناتي حياتي]

يالله استأذن انا الحين واشوفكم عن قريب مع مغامراتنا مع المعالي

تصبحون على خير خواتي

 

[عنايد]

يعطيكم الف عافيه بصراحه حواركم حيل فاادنا وعندي جم سؤال اذا تسمحون

- المدرسه فيها روضه؟؟

- في تسجيل الحين؟؟

- اهي تبع طارق السويدان؟؟

- ممكن رقمهم؟

ودمتم

 

[زوزو الحلوه]

يعطيكم الف عافيه بصراحه حواركم حيل فاادنا وعندي جم سؤال اذا تسمحون

- المدرسه فيها روضه؟؟

- في تسجيل الحين؟؟

- اهي تبع طارق السويدان؟؟

- ممكن رقمهم؟

ودمتم

اي فيها روضه وتابعه حق المؤسسه الاهليه للتعليم الخاص ورقمهم 5624929 ومومتاكده اذا في تسجيل ولا لأ اذا تبين دقي عليهم انشالله يفيدونج وحياج الله:eh_s(8):

 

[بناتي حياتي]

السلام عليكم اختي عنايد
اي في تسجيل لاني امس كنت عندهم وفي ولية امر جديده قاعده اتسجل عيالها بالروضه

ترى المدرسه روعه واكثر من الروعه وانصح كل اللي بيتهم قريب من الفروانيه يسجل عياله فيها والله انا متحسفه لاني بطلع بناتي بس شسوي المكان صعب علي

ومستوى الابتدائي فوق الروعه

الله كريم

 

[xxx]

بنات وصلكم البيان التوضيحي ؟؟

شسالفته ؟

لاحظتو مو مكتوب فيه الفروانية

 

[بناتي حياتي]

بنات انا افتريت على جم مدرسه وحابة احط لكم الاسعار للي تحب تاخذ فكره

مدرسة الخليج الإنجليزيهGulf English SchooL
5757022-5758230-5757952
موقعهم بالسالميه خلف الفنار
الرسوم الدراسيه:

حضانه وروضه(1258)دينار
اولى وثانيه ابتدائي(1850)دينار
3ابتدائي - 6 (2071)دينار
7 - 10 (2366)دينار
ومن صف 11-12 (2673)دينار


مدرسة الابداع الامريكيه اللي بحولي
ماعندي رقمهم
مبنى الاولاد منفصل عن مبنى البنات

الرسوم الدراسيه:
التمهيدي (1350)دينار
اولى روضه (1504)دينار
روضه ثانيه (1623)دينار
الابتدئي من 1-4 (2274)دينار
الخامس(2467)دينار
المتوسط من6-8 (2567)دينار
الثانوي من 9-12 (2912)دينار
رسوم اختبار القبول10 دنانير

يمنح خصم للابن الثاني قدره 100 دينار



مدرسة كيمبردج اللإنجليزية
لها فرعين بحولي والمنقف
انا رحت اللي بحولي طبعآ موقعها خلف البنك الوطني المقابل لمجمع الرحاب

مدرسه كبيره وراقي مبناها
الرسوم الدراسية:

روضه 1-2 (890)دينار
صف اول ابتدائي (1310)دينار
ثاني (1420) دينار
ثالث (1520)دينار
رابع (1575)دينار
خامس (1630)دينار
سادس (1680)دينار
سابع (1785)دينار
ثامن (1890)دينار
تاسع (1995)دينار
خصم 10% عالولد الثاني
خصم 15% عالولد الثالث وفوق
رقمهم
2666650

 

[mooomooo]

يزاج الله خير بناتي حياتي

بس انا ريلي ذاك امس كلمته قتله نودي العود حكومه

مارضى قال بالباص يروحون ويردون

قتله البنت لاء انا اردها بس الولد يمكن بالرده نحطه بالباص

بنت الكويت امبله بالفروانية سئلتهم بس مابينوا بالريبورت اللي مطرشينا لنا

وسئتلهم قالوا مبناهم راح يكون بروح منفصل عن الصبيان وتقول ولا راح نشوفهم

بس هم بروح بقعد معاهم بسئلهم

انا مستغربه من ريلي لانه اهوا قبل كان مو راضي عالخاص بس من دخلتهم مستانس اهوا الحين اللي يبي يكمل

الله كريم والله يكتب اللي فيه الخير

 

[بناتي حياتي]

تسلمين مومو

الله يوفقكم بقراركم ويكون خير لكم ولعيالكم الله يحفظهم

والفال لي ان شاء الله الله يهدينا عالمدرسة المناسبه والقريبه

 

[mooomooo]

تسلمين مومو

الله يوفقكم بقراركم ويكون خير لكم ولعيالكم الله يحفظهم

والفال لي ان شاء الله الله يهدينا عالمدرسة المناسبه والقريبه

آمين يا رب
:tek:

 

[عنايد]

أمس دقيت عليهم وقالو انهم راح يرفعون الرسوم عالسنه الجايه فوق ال100 دينار تقريبا

شرايكم؟؟

 

[nanah]

منو اللي يبي يرفع؟ انشاء الله المعالي؟؟؟؟؟؟؟؟؟؟
والله لو يسون خصم 50% ما أروح لهم بمكانهم الجديد هذا اللي بالفروانية
مكان تعبان وسكيك ضيقة وطلعة وحدة للسيارات لا والمدرسة اللي مشاركينها فيها ثانوي,سألنا الجيران عن المدرسة قالوا ما ننصح فيها (قصدي المنصور) يقول يوميا الدورية تجي من المشاكل اللي تصير ؟؟؟؟؟؟؟؟؟؟؟؟
فرضا باجر نطوا على مدرسة عيالنا؟ يا مال الفقر على كثر فلوسهم مو لاقين لهم مدرسة سنعة! رايحين مشاركين مدرسة تعبانة علشان يتقاسمون رسوم أجار المبنى

 

[عنايد]

شلون يعني؟؟

ماتنصحون فيها؟؟

 

[Dalo3a in Texas]

والله مادري يابنااات ترى في مدارس وايد زينه ومستواها قوي بحولي والسالميه

عنايد اي مرحله انتي عيالج ولازم بالفروانيه

 

[زوزو الحلوه]

شوفي حبيببتي المدرسه مستواها زين ومنو المتفرغ ورايح عند الجيران وسائل عن المدرسه وحتى لو سائلين سائلين عن المدرسه القديمه مو مدرسه المعالي وشنو المدرسه مافيها بواب ينطون وين قاعدين
وبعدين المعالي الي برميثيه موسكيكه ضيجه ولا مشاركه مدرستين ؟؟؟؟؟؟؟؟؟