مدرسة الكويت ثنائية اللغه

[اثمان]

حبيباتى اللى عيالهم يدرسون بهالمدرسه:aha:

راح ينقلون الابتدائى والمتوسط للمبنى اليديد والا راح يظلون فى نفس المبنى؟؟لانى وايد سمعت كلام انهم راح يظلون بنفس المدرسه
والاداره اخر السنه اللى طافت وزعت اوراق انهم راح ينتقلون


والمبنى الحالى قاعد يبنون فيه طابق ثانى وشكله ما راح يخلص بنهايه رمضان وخصوصا انا عيالنا يداومون بعد العيد

فا ياريت اللى تعرف تفيدنا:aha:

 

[اثمان]

:aha:

 

[برونزية رشيقة]

حبيبتي ممكن توضيح ؟؟؟؟ هذي المدرسة في أي منطقة ؟ أنا اول مرة أسمع فيها .... ترى وايد بالكويت مدارس بنفس هالاسم !!!! انا مدرسة ولدي مدرسة الكويت الإنجليزية بس مو ثنائية !!!!!!!!!

وضحي مكان المدرسة ؟؟؟ وبأي منطقة لان احس البنات ودهم يساعدونج بس اختلطت عليهم الأمور !!!

 

[اثمان]

حبيبتى مدرسة الكويت ثنائيه اللغه فى منطقه الجهراء

اهى الوحيده هناك

واعتقد الوحيده بالكويت اللى ما داوموا للحين

 

[Dancing^Queen]

اعرف مدرسه الكويت ثنائيه اللفه بالسالميه
للشيخه ميمونه الصباح
ودوامهم بيكون تاريخ 14-10

 

[اثمان]

اعرف مدرسه الكويت ثنائيه اللفه بالسالميه
للشيخه ميمونه الصباح
ودوامهم بيكون تاريخ 14-10

مشكوره على الرد بس مو اهى نفسها:aha:

انا دقيت على المدرسه ما حصلت احد بالاداره

يمكن الاسبوع الياي يداومون

 

[اثمان]

up:eh_s(2):

 

[برونزية رشيقة]

ما عندي فكرة حبيبتي .. بس ما حبيت ادش وما ارد عليج .

 

[اثمان]

ما عندي فكرة حبيبتي .. بس ما حبيت ادش وما ارد عليج .

مشكوره

دوامو الاداره اخيرا

وعرفت انهم راح يظلون بنغس المبنى:001:

 

[اثمان]

بنات اللى اعيالهم بهالمدرسه يا ليت يشاركونا باى معلومه عندهم

اليهال للحين ما داوموا ووايد احاتى دوامهم مع البنيان اللى فوق رؤوسهم

 

[كويتية أصيله]

آنا عيالي مع عيالج والله إني أحاتي مثلج .....

أخاف باجر مع المطر المبني يصير فيه شي....

 

[اثمان]

آنا عيالي مع عيالج والله إني أحاتي مثلج .....

أخاف باجر مع المطر المبني يصير فيه شي....

تدرين اداره المدرسه ذابحهم البخل

يبيلهم احد يوقفلهم وقفه عدله:eh_s(14):

 

[ليالي نجد]

اثمان والله ولدي بهالمدرسه وخوفوني ان عليها مخالفات مع البلديه وقاطعين الكهربا عنها

ومادري شنو وضعنا الى الان ؟؟؟؟!!!!!!!!

صج دوامهم اي يوم بالضبط؟؟

 

[كويتية أصيله]

قوه دوامهم باجر ............ آنا توني يايه من المدرسه المدرسه متروووووووووووووسه عمال ورافعه وسقاله وقاعدين يركبون مكيفات ......... الوضع يخرع والله ما أظن راح أخلي أعيالي يداومون لين يخلصون .......... بس باجر إذا الله كتب ناويه أكلم عضو بمجلس الأمه ............. إذا المسأله فيها أمن وسلامة اليهال نخليهم يسكرونها ولو بأمر من المحكمه.... البنيان وااايد باقي عليه اليوم جيت منهم يبيلهم شهر على ما يخلصون.........بس ما أقول غير حسبنا الله ونعم الوكيل........

 

[ليالي نجد]

كويتيه من صجج؟؟؟؟

انا بودي ولدي باجر واشوف الوضع

لكن مستحيل اطلعه منها

المدرسه حلوه وتدريسها روووعه وتاسيسها قوي قوي قوي --------- بس يبي له متابعه خاصة الساينس

ابرك من المدرسين الخصوصيين وعبالتم

 

[اثمان]

up up

 

[اثمان]

بنات منو فيكم صعد فوق شاف الصفوف؟؟؟انا ما قدرت اصعد وايد الطلبه مزدحميين الصبح



ليالى نجد ولدج باى صف؟؟؟

 

[اثمان]

خل نتشارك ونتبادل الخبرات من ناحيه دراسه عيالنا بهالمدرسه

 

[كويتية أصيله]

آنا اليوم ركبت فوق غصب مو طيب منهم ..والله خرابه وشفت أربع صعايده راكبين معاهم أنبوبة غاز ........وصورت بكامرتي الطابق الثاني ........ الحمامات مافيها بيبان مكشوفه وبنيان والله تلصيق الممرات مفتوحه من فوق مافيها غطا والجو رطوبه خيسه .

نزلت وطلبت مقابلة المالك (صالح المخلف) لما قابلته كلمته عن التراخيص طلع باني بدون رخصه ولما أحتد النقاش بيني وبينه قالي ما نبي نتناقش بالممر تعالي المكتب وقامو يتغامزون أهو والمصري ...يحسبني عليميه وما أفهم بالتراخيص ...آخر شي قلت له راح أصعد الموضوع

تدرين شنو رد علي ؟؟ قالي آنا وراي ظهر .......

المهم آنا سحبت عيالي وخذيتهم المدرسة الأمريكيه ثنائية اللغه.......

بس ما راح أسكت حسيت أني مسؤؤؤؤؤؤؤؤؤله جدام الله عن اليهال ظحية الطمع والجشع وضحية جهل أهلهم بالأمن والسلامه...

نسيت لا أقولكم ....بعد ما رجعت البيت أتصل على مراقب المدارس الأجنبية السيد (عبد الله البصري) قالي اليوم رفعو كتاب ل د. نورية الصبيح ....... بوقف العمل في المدرسه......... بس تدرون الوزاره ما عندها علم إن الطلبه داومو على أساس قايلين للمالك أنها لااااااااااااااااااااا تصلح للطلاب والهيئه التدريسيه .......... على فكره بالصدفه شفت جارتي هم بعد أسحبت بنتها ودتها مدرسه حكوميه............... بس السنه وبعدين توديها خاص مره ثانيه .

الله يحفظ عيالنا ياااارب من كل مكروه ...

 

[برونزية رشيقة]

حسبي الله ونعم الوكيل عليك يا صاحب المدرسة كل هذا حب للدينار .... لاه ويهددج ويوقلج (( وراي ظهر )) ؟؟؟؟؟؟؟؟؟؟؟؟؟؟

عسى الله يخسف فيه قولي آمين ....

لا تسكتون هاليهال بذمتكم حراااااااااااام ... دقوا على وحدة من هالجرايد خل تروح هناك وتصور وفضحووووووووووهم !!!

وكلموا مجلس الأمة باجر يطيح المبنى .... لا وسالفة حمامات مكشوووفة ترضون أحد الله لايقوله ( يعتدي على ولدج وإلا بنتج ) من هالنفوس المريضة ؟؟؟؟؟