مدرسة البيان ثنائية اللغة.... تعالي و علمينا شنو الزود فيها..؟

[**Jumana**]

بنات... مرت اخوي ودها تودي عيالها درسة البيان ثنائية اللغة... اللي عندهم أو بالأصح كانوا بالجابرية واللحين في حولي...

واللي يرحم والديكم علموني شنو مميزات أو عيوب أو أي معلومة عنها؟؟

شكرا للمشاركات مقدما...

 

[سيدة الكويت]

اعرف وحده ولدها بالبيان تقول بطلعه تقول يعطونه اشياء اكبر من عمره

 

[* LOVE STORY *]

مدرسة البيان اول مدرسة خاصة بالكويت وأقوى مدرسة على المستوى التعليمي ..

عيال حماتي فيها عيني عليهم باردة ، الولد ثانية ابتدائي والبنت ثانيه روضه
بس يكلمونج جنه خريجين جامعه ،

موبس بالأنجليزي ، حتى ثقتهم بالنفس وشخصيتهم قوية ،
خاصة الولد تقول حماتي ماكان جذيه كان يبجي على اتفه الأسباب ويبي كل شي والحين لا جنه ريال ماشاءالله عليه ،

آنا حاطتها في بالي من زمان بس يكبر ولدي أدخله فيها باذن الله .

أتمنى اني أفدتج ..

 

[q8engineera]

جم أسعارهم...سمعت انها وايد غاليه!

 

[رفرف]

عيال اختي فيها ماشالله مستواهم وايد قوي ..

 

[**Jumana**]

اعرف وحده ولدها بالبيان تقول بطلعه تقول يعطونه اشياء اكبر من عمره

وييييييه مو بشارة.... اكبر من عمره شلون يعني .؟ يعلمونه اشياء صعبة والا يقولون له شي مو زين يعني؟؟؟ مو فاهمة عليج حبيبتي...

 

[سيدة الكويت]

والله ما فهمت منها بس تقول صعبه

يمكن تقصد يبى لها مجابل والله اعلم

 

[**Jumana**]

مشكورة سيدة الكويت ما قرصتي والله...

 

[سحابة خير]

عندي سته من عيال خالي بهالمدرسه وللامانه اهو ما دخلهم فيها الا بعد ما سوا استفتاء على كل المدارس الخاصه..وهو دكتور اكاديمي يعني فاهم بالمناهج اللي يعطون المدارس الخاصه اكثر مننا...ودخل عياله فيهم وصراحه ثقافه وثقه بالنفس ويعلمونهم عن الانسانيه والمبادي والاعمال الخيريه.. واستغرب من اللي يقولون ان اعيالهم بالمدارس الخاصه وما يعرفون يتكلمون عربي..بنات خالي يتكلمون عربي ويكتبون عربي ومع انهم وصلوا لمراحل المتوسط الا انهم يتكلمون مع كبار السن بدوي وبطلاقه.. يمكن هالشي يرجع لابوهم لانه مقابلهم اهو وامهم..واحنا يا بنات هالوقت على ابو اننا دخلنا عيالنا مدارس خاصه نكتفي بالوقت اللي يقضونه فيها ونظن ان الخاصه يعني تغني عن مجابل الاهل لعيالهم..انا لو الماده تسمح ادخل بنتي بيان بس العين بصيره والايد قصيره

 

[**Jumana**]

خوش حجي سحابة خير ما قصرتي ..

هي سجلت الكبير فيها حق السنة الجاية .. والله يستر

 

[E- buy.]

ابببببببببب

 

[jakoora2008]

وين بحولي ! هذه احسن من المدرسه دسمان الي بشرق عرفتوها منو احسن واقوي

 

[AVE.NJ]

وين بحولي ! هذه احسن من المدرسه دسمان الي بشرق عرفتوها منو احسن واقوي

دسمان حبيبتي وايد ضعيفه لانهم يقبلون كل الطلبه بدون امتحان والطلبه المفصولين يقبلونهم
يعني دخلي عيالج حكومه ثنائية اللغه احسن من دسمان
بس بيان انه قالو لي زينه انه ولدي ليه الحين صغير بس مفكره فيها وبين المدرسه الامريكيه
هم اللي بحولي هم قويه بس كل شي بوقته
واذا تبين حق الوناسه يقولون الحياة الياهل يتنح مايرضى يرد من المدرسه
واليوم حاطين بالجريده عن اكاديميه الابدع ماادري شنو

 

[أنهار الكويت]

بنات حبيت اسأل مدرسه البيان لها مبنين جني سمعت جذي فيها لها مبنى بالجابريه صح والا غلطانه
لاني عندي ولدي عالسنه اليايه يكون ب kg1وبنتي year1 فمادري بيكونون بنفس المبنى
لان ودي اسجلهم فيها
وحابه اعرف اهي نظامها انجليزي او امريكي؟؟
واذا ماعليكم امر منو الاقوى اهي او الابداع
عفيه فيدوني حدي محتااااااره
واللي يعرف شي عن المدرسه الانجليزيه الحديثه هم يفيدني
بليز بليز بليز ساعدوني
عالاقل لو برفع الموضوع بس لا طنشوون كلش ومحد يرد
بليز طالبتكم حبيباتي

 

[sweet lady]

رفع

 

[ملكة زماني]

ماقلتولنا عن اسعار المدرسه
بالنسبه لل كي جي

 

[Sisyphus]

وانا مع ملكة زماني