مدرسات العلوم ابتدائي والروضة بليز ابي مساعدتكم

[غ ـروك وغيروك]

قووة بناات شلوونكم شخبااركم ؟؟

هذا أول موضوع لي وطااالبتكم أبيكم تساعدوني

بناااااااااااااااااااااااااااااااااااااااات بليييز ابي مسااعدتكم

بقول لكم قصتي انا الحين أول سنه لي بكلية التربية

كنت ادرس مقررات علمي وكان معدلي 3.18

المهم الحين انا حدي حدي محتاره مادري وين أروح اي تخصص

كنت مخططه اتخصص رياضيات وعلوم ابتدائي لأنه ودي أصير مدرسة علوم ابتدائي

المهم قبل جم يوم انصدمت انه لااازم آخذ تمهيدي كيميا !!!!

انا بروحي كنت ماخذه تمهيدي انجليزي وأدري انه لازم آخذ تمهيدي رياضيات

الحين انصدمت انه لاازم بعد كيميا !!! انا بروحي متأخره كورس لانه مع التميدي مايصير آخذ الا ماده وحده

الحين شلوون ؟!!

لاا وبعد المشكلة قالو لي انه التخصص صعب !! وانه دراستنا بتكون بكلية العلوم وانه كله بالانجليزي

وراح ناخذ الرياضيات والعلوم بالانجليزي

انا الرياضيات مو مشكلة اذا بس الأرقام بالانجليزي بس انه يكوون راس السؤال بالانجليزي !!

برووحة الرياضيات قبل يوم كنت بالثنوية كان السؤال عربي ويحطوون لنا فيه تركس ومادري شنوو

وانا اصلا ماحب الرياضيات قبل كانت درجاتي بالعلوووم واااااااايد وااااااااااايد احسن من الرياضيات

وقبل بالثنوية غير مادري احس انه المدرسات كانو يعطونا المعلومات ويدرسونا من قلب

الحين مادري شلون الدكاتره لاازم يكون دكتور ولا دكتورة زينين ومادري شلون يعني بتكون طريقة الأسئلة مقاليه ولا اختياريه ماادري حدي حدي ضاايعة

عاااد قلت خلااص ماكو الا أروح رياض أطفال انا قلت رياض أطفال هبوو بويهي الكل يقول لاااا

كل اللي اعرفهم كلهم من دون استئناء قاعدين يقولون لي لااا لااااا تروحين رياض أطفال

يهااال يبجون ويأذونج وكل شوي حمام (تكرمون) وعوار راس ويقولون المعاش كله يروح على تزيين الصف صج عااد ؟!!

لاا وبعد جم دكتور من اللي ماخذه عندهم يقولون انه يمكن ثلاث ترباع البنات اللي بالكلية كلهم رياض أطفال وانه التخصص حيل حيل عليه ضغط وانه ماااينصحونا انروح رياض أطفال لانه خريجات رياض الأطفال قاعدين بالبيت ماااكو شغل من فائض المدرسات !!

فمادري بناات والله والله حدي محتااره الله يخليكم ساعدوني مادري وين اتخصص ولا وين أروح


:0bee2e8d89:​

 

[nero]

لا خريجات رياض الاطفال مو قاعدين بالبيت !!

التخصص حلوو والمهنه ممتعه حق الي يحب اليهال وباله طويل

سالفة الحمام في فراشات مالج شغل انتي فيهم

والبجي اول الايام بعدين يتعودون

والمعاش يروح منه جزء كبير على الروضة

بس بالمقابل عطلتنا اطول من الباجي .. والدوام اقل

وماكو امتحانات ودرجات وتصحيح ومراقبه

واول الايام واخرها اليهال غايبين بس الشهر الي بالنص فيه الشغل والكراف

مممم

بالنسبه حق التخصصات الثانيه البنات ان شاء الله يفيدونج انا تكلمت عن تخصصي بس

 

[عالي مستواها]

لا نصيحة لا تتخصصين رياض أطفال


صرف مو طبيعي بيروح نص المعاااش على الروضة

 

[القلب الأبيض77]

والله ما ادري استخيري أحسن

لأن انا علوم وفعلا ضغط خصوصا عقب المساند والملف الانجازي صار شغلنا تدريس ورصد درجات 15 مهارة لكل طالبة


والله رياض الاطفال مثل ما قالت الاخت على الأقل ما فيه تصحيح امتحانات وكتب ودرجات


بس الأفضل منهم لو صرتي فنية _ اقتصاد منزلي

ويبقى رايي وجهة نظر واستخيري

 

[غ ـروك وغيروك]

nero

يعطيج العافيه وماتقصرين على ردج

بس مادري انا هالكلام مو من عندي قال لنا اياه دكتور عندنا يدرس و مو بس وااحد اكثر من واحد قالو هالكلام عااد مادري

يمكن الحين صااير ضغظ هالسنه عشان جذي قال هالكلام قصده انه اذا تخرجو ماراح يلقون شغل يمكن !

المهم على سالفه اليهال واذا بالي طويل عليهم ولا لا

انا كنت بالصيف هذا اللي فاات صاايره مشرفه بنادي على يهاال بالروضة وامبيييه حدهم عسل وحبيتهم حدي يعني انا بالي طويل ويا اليهال و مو بسرعه اعصب وانا أمبيه يعني حدي حدي ودي اروح رياض اطفال بس واايد قالو لي لا تروحين راح تتحسفين عااد مادري

انزين يعني تقريبا بالشهر جم تصرفون على صفوفكم ؟

ولازم كل كورس تغيرون الصف والألعاب وكل شي ؟؟؟

وقبل دراستج يوم كنتي بالكلية شلون كانت يعني ملااقه وصعب ولا حلوو ؟؟


عالي مستواها

مشكوورة يا عمري على نصيحتج واايد بعد قالو لي مادري

ان شاء الله انا بفكر عدل قبل لا اتخصص انتي شنو تخصصج ؟؟


القلب الأبيض 77

انتي الحين صرتي أبله يعني ؟؟

شلون التدريس ؟؟

وشلون دراستج بالكليه كان انجليزي العلوم والرياضيات وشلون الرياضيات انا مااحبه الله يعيين

والله انا لو اعرف ارسم جان رحت فنية بس انا مييح بالرسم مره خذيت مقرر فنية يوم كنت بالثنوية ولاااعت جبدي كاان طين وماعرفت اسوي ولا شي مأساه كان المقرر :/

والاقتصاد المنزلي انا الحين كلية التربية يعني لاازم احول تربية اساسية يعني حووسه السالفه

وثانيا انا وحده احب الخياطه كلش مادري عااد والطبخ مو ذااك الزود ويا المطبخ :/

المهم ماتقصرين وان شاء الله انا بستخير والله كريم





وانزين بناااات بليييز اللي تقرا الموضوع وعندها معلومات لا اطنش الله يخلييكم رااح تساعدوني وااايد

 

[أم الدلال]

علوم حلو في كلية التربية الأساسية أنا مدرسة علوم ابتدائي الحين والدراسة بالعربي

 

[القلب الأبيض77]

أنا مدرسة علوم ابتدائي

خريجة التربية الأساسية والدراسة بالعربي

 

[غ ـروك وغيروك]

ام الدلال

مشكوورة يا عمري على ردج ما تقصرين اي انا حابه هالتخصص من قبل بس ماادري محتاره يقولون صعب واحنا ناخذ موادنا بكلية العلوم ومحد يمدح دكاترة كلية العلوم وبالانجليزي وحااله مااادري حدي محتاره والروضة هم واايد يقولون لا تروحين تعب وصرف بالهبل وعلى كثر ماتصرفين يعطونج درجات وغير التعب الله يعيين ادعو لي انتو بس

القلب الأبيض 77

ماتقصرين على ردج ومتابعتج يعطيج العافيه وانا ان شاء الله بفكر عدل واقرر وان شاء الله بعد بستخير

الله يعيين تسجيل التخصص بيكون من 19/5 - 22/5

ادعو لي بنااات الله يخليكم محتاجه دعواتكم والله