مدرسات اقتصاد المنزلي بليييز ساعدوني

[miss-fofo]

السلام عليكم

شلونكم ابلات

انا توني متخرجه من الثانويه وحطيت رغبه اقتصاد منزلي

شلون التخصص كدراسه وكتدريس في المستقبل

يعني اذا صرت مدرسه صعب ولا سهل التدريس

وصج اسوي ورش وكلشي على حسابي وتعب وكل يوم تحضير

وجم معاشي اول مااشتغل؟

ها تنصحوني ولا لا

 

[مشغوله و محتاسه]

تخصص حلو

و خفيف

و اريح من التخصصات الفنية الثانيه مثل الفنية و الموسيقى



التحضير على ما اعتقد اسبوعي او نظام وحدات .. مو متأكده والله

ما اقولج الحياه فيه ورديه : ))) لان مدرسه يعني راح يمر عليج تعب التدريس و الشغل اللي ماله علاقة بالصف و المنهج

بس حاليا اشوفه اهو من احسن التخصصات

اعداد الورش و مسالة كل شي على حسابج مو صحيح .. في ابلات يسوون جذي يبون التقدير المرتفع او الاداره ممكن يكون لها دور ... بس القسم له ميزانية المفروض تصرفون منها
و ما سمعت عن ورشة تسويها ابله بروحها ... الا اذا اهي حابه تسوي شي خاص فيها
العادة القسم كله يتكفل فيها ان نقصهم شي


نصيحتي .... توكلي على الله و لا تغيرين التخصص ولا تحاتين

مووووفقه

 

[Om Ali 86]

انا معلمة اقتصاد منزلي
و التخصص حلوو اذا انتي تحبين هالمجال .. مثل اي تخصص ثاني لازم تحبينه عشان تقدرين تستمرين فيه
و مثله مثل المواد العمليه صج انها ماده مو اساسيه
بس الي قاعد نشوفه ان احنا من بين التخصصات اللي لازم تنويع بالوسائل المستخدمه و لازم طرق حديثه و استخدام التكنولوجيا
مثل البوربوينت ضروري
يعني معاشج طاير على الوسائل

و الورش و نماذج الدروس طبعا على حسابج .. التوجيه يقولج ان من الميزانيه بس صعب و مستحيل
لان التغذيه و الخياطه يطيرون كل الميزانيه .. هذا غير المسابقات اللي تقطين من حسابج الخاص

فورشتج و دروسج من حسابج

 

[مريم ص]

انا رئيسة قسم علوم اسرة
طبعا حبيبتي التخصص حلو وايد بس بالواقع التربية ادمروه و خلوه مقرر متخبط ما اتعرفين التوجيه شنو يبي
و التوجيه طبعا لانهم مرتاحين فحاطين حيلهم فينا بس طلبات و مسابقات و ايام مميزه و كل هذا علىنا طبعا
لا و انا رئيسة قسم تنشب الموجهة ببلعومي على الميزانية و اخر السنه ياخذمن منها عشان يسوون لنا حفلة يعني ختاميه

اذا ما رجع تخصصنا مثل قبل طبعا علىى الماده السلام لان بصراحه احنا قاعدين نشتغل للمدرسة و للتوجيه
لو انتي مدرسة ماده اساسية بتلتزمين بمادتج بس , بس احنا كل عله على راسنا احتياطات / مطراش / حفل / رحلات
ماعندهم الى شوفوا علوم الاسره

انا ادري اني احبطتج بس بصراحه هذا حالنا في المرحلة الثانوية

 

[miss-fofo]

انا حطيته رغبه ثانيه انشالله يقبلوني فنيه واذا مااقبلوني راح ايي عندكم وشكرا عالافاده

 

[يعجبني شموخي]

بغيت اسأل صج مساند الاقتصاد اهو علوم ولا شالو المساند ؟؟!