مدرساتي العزيزات رايكم يهمني شاركوني الاستطلاع

[love^angel]

باختصار انا مدرسه انجليزي ابتدائي مستقيله من سنه وطبعا للحين ما ترشحت مكان ثاني بحكم ان شهادتي تربيه مع ان رقمي بالديوان ساعات يكون 1 او 2
انا مليت سنه قاعده بدون وظيفه ولا معاش صج الراحه النفسيه حلوه بس هم بهالزمن والمعيشه الغاليه المعاش مهم وبما اني قاعده افقد الامل بالديوان ساعات افكر ارد التربيه شرايكم؟ ارد ولا ما ارد؟

 

[love^angel]

بعد وينكم عبروني شويه

 

[عزتي مالها حد]

انا اشوف سنه كافيه انج استرجعتي طاقتج

وان شالله نتمنى ان يكون غدا اجمل مع التربية وتتعدل الاوضاع اللي فيها

التفاؤل حلوووووو

والله يوفقج

 

[Q8Buying]

ردّي ليش ما تردين ..


تذكري إنها وظيفة مأجورة إن شاء الله

 

[love^angel]

رفع
وينكم يا مدرساااات

 

[المـــــها]

شوفي مابي افتي
لأن توني بتعين هالأسبوع إن شاء الله و مالي خبرة الا الميداني
التدريس تعب و مسئولية و بنفس الوقت نشاط
و راح تحبينه أكثر لما تكون مدرستج زينه و رئيسة القسم زينه و قلبها ابيض و الناظرة محترمة
لكن لما الكل يحط عينه عليج من رئيسة قسم و ناظرة و كيلة و يحملونج فوق طاقتج بتلعنين وزارة التربية بكبرها
فالدنيا قسمة و نصيب
و أتمنى لج التوفيق
أنا أقول توظفي و شوفي الوضع اذا عجبج كملي و اذا ماعجبج حولي

 

[وحدة من الناس *]

رفيجتي تخرجت من كلية الاداب تخصص انجلش اول شي اقبلوها تربيه وارفضت وبعد 4 شهور من الرفض حطوها مترجمه بمسجد الكبير تقول مافي فرق بالمعاش بس اهم شي ان العطله عندهم بنفس تاريخ عطل المدارس وتقول مرتاحه وما ادري والله وتخصصج بالابتدائي صعب لان تأسيس

 

[PuPa^^SWeeT]

انا وحدة احب وظيفتي


اتحلطم بس احبها


تحلطمي يخليني احبها شلون مادري يمكن تنفيس الغضب



المهم


انتي حسب اذا حابة التدريس ردي


مو حابة لاتدرين


بس التدريس بس مشكلته الاعباء الادارية اللي ماعليها راتب


اما داخل الحصص لا يعلى عليه

 

[بنات حواء2]

حبيبتي مسألت ردتج للتربية هذي انا اعتبرها مسأله شخصيه برايي محد يقدر يعرف مدى استعدادج نفسيا و بدنيا و عقليا كثرج انتي
خلي الماده على جنب و فكري في نفسج انتي وبس
التدريس اي نعم فيه عيوب
لاكن الانسان الايجابي يقض النظر عن السلبيات بل يحولها الى ايجابيات
اتمنى اني اكون ساعدتج بعبارة بسيطه فكري فيها وشوفي انتي تقدرين و لا لا
و الله يوفقج و يرزقج باحسن وظيفه يارب

 

[Turquoiseya]

مافكرتي تصيرين مشرفه تغذية جنه معاشاتهم 600 دينار والدوم من سبع ونص للي العشر

انا ابي وظيفتهم بس فاجاني بعلي برفضه وانه موراضي واني انطر لين يحولوني اداري

 

[love^angel]

لو كنت اداب جان من زمان مشتغله بالمسجد البير والله اتمنى بس شهادتي تربيه و موظف الريوان قالي محد يطلب الا التربيه واذا تبين اخذي كتاب من اي وزاره
بجرب حظي والله كريم
انا الحمدلله كنت مدرسه ممتازه والكل يشهدلي بس تعبت من الاعباء مالت التوجيه الي ما يرحم وهذا الي كرهني بالشغله ولا انا الحمدلله احب التدريس و اعرف أأسس عدل الحمدلله الامهات كانو يموتون فيني و يستانسون اذا عيالهم صارو بصفي السنه الي وراها

 

[Whisper ~]

انا قاعده احاول اطلع من التربيه يا تحويل اداريه يا استقاله
فـ ما أقدر افتي لأني كارهه التدريس
انتي اللي تقدرين تقررين

 

[Turquoiseya]

لو كنت اداب جان من زمان مشتغله بالمسجد البير والله اتمنى بس شهادتي تربيه و موظف الريوان قالي محد يطلب الا التربيه واذا تبين اخذي كتاب من اي وزاره
بجرب حظي والله كريم
انا الحمدلله كنت مدرسه ممتازه والكل يشهدلي بس تعبت منالاعباء مالت التوجيه الي ما يرحم وهذا الي كرهني بالشغله ولا انا الحمدلله احب التدريس و اعرف أأسس عدل الحمدلله الامهات كانو يموتون فيني و يستانسون اذا عيالهم صارو بصفي السنه الي وراها

انا وين قريت هالكلمة :rgewrg:
هذيلة التوجيه 00 يبيلهم 00 ياربي استغفرالله 00 مابي اتكلم
كافي حصلوا من ظهري حسنات شكثر

انا ادري انهم قاعدين اشكره يحاربونا ويحدونا عالاستقاله او تحويل اداري ونخلي لهم كل شي
بس عناد بنقعد على روسهم وبندرس بناتنا وبنفكهم من شر الدروس الخصوصية

 

[PPt. Designer]

السلام عليكم ..

أحسن شي استخيري .. وتوكلي على الله ..
القعدة في البيت أبداً مو حلوة .. ><