السلام عليكم ..
مادري شقول والا من وين ابدي , بس مخنوقه حيل وابي افضفض وماعندي احد غيركم L
تعبت ..
كل يوم على هالحال ..
اقعد بروحي على هالسرير وبهالليل والكل نايم..
اختنق .. اتعذب .. اموت .. اموت .. اموت
ومايحس فيني احد ..
ابجي واشهق شهقه احس روحي بتطلع معاها بس ماتطلع
قلبي كل يوم يتقطع , احس جنه احد ماسك سجين ويطعننننن قلبي طعنه ورا الثانيه بدون رحمه
احلامي كل يوم اشوفها جدامي تتحطم وانا موقادره اسوي شي
احس اني فقدت طعم الحياه والوناسه , صرت مااحس بشي ولاابي اي شي لان كل ماحسيت ان الدنيا بدت تبتسملي , تصيرلي اشياء تكسرلي ظهري وتحطمني وتذبحني
بديت اتنازل عن احلامي اللي تنعد عالاصابع
بديت اتنازل عن وايد اشياء وارضى باقل منها بس هم ماحصلت شي
حياتي صارت كلها هم بهم , ومع هذا امثل اني مستانسه وسعيده وانا من داخلي احترق واموت من اللي فيني
عايشه وداخلي قلب ينزففف من التعب وروحي مكسوره وحزينه
ومع هذا صابره ومتحمله واقول الحمدلله على كل شي , حتى عالحزن والهم احمد ربي عليهم , واملي بالله كبير
بس بهاللحظه الدنيا سودت بعيني اكثر من اي لحظه ثانيه وحاسه بياس وفاقده الامل
لان آخر حلم بقالي بهالدنيا قاعد يتحطم جدام عيوني عالبطئ , ومع هذا ادعي ربي ان يكتبله الحياه وتتغير النهايه بآخر لحظه بس الامور كل يوم تتعقد اكثر واكثر وهم اقول الله قادر برمشه عين يغير كل شي
الايام قاعده تركض وموعد مصير الحلم قرب , وكل ماقربت المده كل ماتعقد الموضوع ومابقى شي ومو قاعده اشوف اي شي يعطيني امل بس هم قاعده احاول ازرع الامل
هالحلم لو ماتحققلي , راح اعيش باجي حياتي ميته وحالتي راح تسوء اكثر من جذي
حيل خايفه ومو قادره اذوق طعم الراحه من التفكير L
ادعولي ياخواتي ان الله يحققلي حلمي ويستجيب دعائي
احس بحرقه بصدري من التعب والخوف
اتمنى بعد ايام انزل موضوع ثاني ابشركم فيه واقولكم ان حلمي اللي صارلي سنين ناطرته تحقق :eh_s(2):
آآآآآآآه شكثر يعور ويذبح الشعور اللي احس فيه
يارب مايجربه لا عدو ولا حبيب :eh_s(11):
ادري ازعجتكم وطولت عليكم بس مالي غيركم بعد الله سبحانه
وطمعانه بدعواتكم :eh_s(2):
