مخطوبه ومضايقه المتزوجات والمخطوبات تعالو

[برنسس ميمي]

السلام عليكم
بدش بدون مقدمات
اول شيء انا مخطوبه وفي أوراق ناقصه ماخلصت عشان نملج
وبهالفتره اخت خطيبي تكلمني مرات ودايما تيب طاري خطيبي تقولي ما وحشج ومن هالكلمات وانا ما كلمته كلش وشكلها نبي تقربنا وانا أتهرب وأغير السالفه اخاف أقول شيء واتحسف واللي عرفته هو من النوع اللي مايحب الخرابيط اخاف أقول كلمه ويقول ماتستحي بنات مادري شسوي ماعرف اتصرف خايفه ماعرف أبدي وإذا ملجت شلون اقربه لي واحببه فيني خصوصا ااني استحي وأيد مع الناس اللي مو متعودة عليهم يا أسولف وأيد او اسكت واستحي ماعندي حل وسط وأختي تقولي ليش جذي والله يا بنااات مادري شسوي ومتضايقه ابي نصائحكم شسوي من قبل الملجه وإذا ملجت اخاف عباله معقده
وأمه كلمتني تقول ليش ماتسألين عن اخباره أتمنى ماتستهزئون والله محتاره شسوي اذا تكلمت اخاف يقولون ماتستحي وإذا تكلمت بيقولون خفيفه وأحس اني معقده السالفه ولما أكلم تكلمني اخته احس أني مقيده مادري ?
وابي تنصحوني بعد شلون أسوي لي هيبه عندهم بس بطيبه لأَنِّي أخذ واعطي مع الناس وانصدم فيهم بعدين لأَنِّي بسكن معاهم فتره وماحب المشاكل

 

[taliya]

عادي اول جم يوم بتستحين بس بعدين اتعودين واكيد اهو راح يسولف ويحاول يتقرب منج الله يوفقكم ياارب

 

[سور المدينه]

اي لكلمتك عنه لاتردين وابتسمي عشان يبين عليك الخجل واذا قالت لك ليش ماتسالين عنه قولي تو الناس مابعد اكلمه واعرفه ويعرفني

وخليش رسميه لاتقطين الميانه مع اهل زوجك مهما كان طيبتهم لشافوك طيبه وميانه معاهم تطيح كل الحواجز بعدين ماتكون لك هيبه عندهم تعاملي معاهم بغموض

 

[عالم بلا اسم]

يسلمو
نصيحة مني لازم تكلمين خطيبك
عشان تعرفين شخصيته و اسلوبه و طريقة تعامله
شنو تناسبكم مع بعض
حتى لو رفض تكلمينه اخذي شرط انك تكلمينه عشان تعرفين اسلوبه مدى توافقكم
الاقل لو فيه خلل من بداية تنفصلون
مو بعد الزواج