مخططه على زلمسي بإذن الله ، تعالوا فيدوني انا متكلفه بالسفره كلهاااااا

[راقيه وجذابه]

مسائكم ورد حبيباتي

بنات والي يعافيكم أبي أسألكم جم سؤال وتفيدوني ماعليكم امر

انا بطلاعتي بإذن الله ناويه اسافر زلمسي مع زوجي

ابيكم تفيدوني بجم شغله وهذي استفساراتي

انا طلاعتي بتكون شهر 11 تنصحوني فيها شعر 11 ولا بررررد !؟؟؟؟

وين انزل بمطار ميونخ ولا فيينا ؟؟؟؟

وين احلا منطقه ؟؟ ابي مكان طبيعيه وتمشي مابي اسواق وخرابيط

وكم تذكرة زلمسي

ابي احجز من هني كل شي السكن والسياره

وابي اقعد اسبوعين تتوقعون كم يكفي مصرف ابي بالكويتي هههههههههه

وبس

عفيه بنات فيدوني لاتقولون تو الناس انا قاعده اخطط وارتب من الحين مافي وقت بنفاسي كلش

 

[اخت خالتهم]

اذا بتحجزين تذاكر قولي تقريبا 250 حق الشخص
وممكن اقل
يصير 500
والسكن بشهر 11 شوي اغلى بس يعني مو وايد مثلا الليلة 50
يساوي 700
و السيارة اسبوعين تقريبا 400
هذول المجموع
1600 دينار
المصروف اليومي تقريبا 40دينار
يطلع 560

كله يطلع عليج 2150 دينـار كويتي

بس عاد المشترا كيفج
وشهر 11 مادري الجو شلون بس اكيد برد ومطر
والثلج اللي اعرفه من 12 لي 2 تقريبا
و شهر 10 يمدحونه بعد

 

[اخت خالتهم]

المطار انصحج ميونخ لان اقـرب
وسياييرهم ارخص حسب علمي
( عشان الضرايب )

 

[ريانااا]

ماانصحج باوربا بشهر ١١لانهاكئيبه وكل شي يصكرونه مثل الزحلاقيه والتلفريك يعني مالها معناالروحه انصحج فيها شهر ٥الجويهبل واذا ملزمه انزلي بميونخ لانها الاقرب لزلمسي والسياره الصغيره بتطلع عليج ٢٥٠ديناروانصحج بفندق نيوبوست ويطلع عليج السكن ٥٠٠دينار والتذاكر ٥٠٠ومصروفج بحدود ١٠٠٠يعني السفره كلها ٢٥٠٠ وسامحيني علي القصور

 

[حـلا و ذوق]

زل ام سي بالصيف وتعتبر بارده هههه يعني بالليل يصير براد وفنادقهم مافيها مكيفات
والي اعرفه بالشتاء مافيها برامج !! مو مثل الصيف

وطبعا من مطار ميونيخ اقرب تقريبا ساعه ونص بالسيارة

وما انصحج بالسيارة .. يعني روحي من ميونيخ لين زل ام سي بالقطار .. لا وصلتي اهناك ماتحتاجين سيارة كلش
تراها قرية صغيره تلفينها كلها بريولج
وأغلب الاماكن السياحية تروحينها بالباص !!
اهناك في مقر للباصات السياحية بوسط زل ام سي وفيك كشك صغير فيه جدول بالاماكن والاسعار يعني قصي تذكرتج وبس

التذاكر في 11 ارخص من الصيف اتوقع بتكون بحدود ال 200

وفنادق زل ام سي تعتبر رخيصة مقارنة باوروبا .. يمكن بس فندق القراند بالصيف يطق ال 100 اما باقي الفنادق كلهم قريبة منه واسعارهم متوسطة ورخيصة ,,


عندج في شهر 11 انسب شي تروحين يا اما تايلند وماليزيا او استراليا او تركيا

او تجدمين سفرتج وتروحين بنهاية 8

 

[am faisal]

نصيحة لا تسافرين بشهر 11انا لاوربا
خسارة الدنيا ثلج وكل شى مسكر ومااحد يطلع كابة
بشهر سبعة بالصيف نلبس شتوى وجاكيتات بعد
الديرة حلوة بس لا تروحين بوقت مو مناسب
وغالية حييل
ا