محمد ربيع شنو يطلب من تحاليل وفحوصات؟؟؟

[كويتية أمورة]

السلام عليكم

سؤال للبنات اللي مجربين محمد ربيع
لما تروحوله يطلب منكم تحاليل وفحوصات ولا عادي؟؟
انا دمي اوكي بس ماعندي تحليل بس لاني متبرعه ببنك الدم قالولي كل شي اوكي

بس مادي هو يطلب فحص قياس نسبة الشحوم وهالسوالف؟

دقيت خذيت موعد ماكو الا يوم الاحد بالليل الساعه 8 قالولي تعالي
كله فل واليوم الخميس ماكو العصر
وباجر يمعه ماكو دوام عطله
والسبت فل
والاحد في موعد الساعه 8
بنطر الموعد على نااااااااار
بس بزهب تحاليلي جان يبي شي عشان لايعطلني مالي خلق عطال

بليز اللي مجربته تقولي شنو يطلب عشان اروحله زاهبة

 

[أم حمودي]

مشاركة: محمد ربيع شنو يطلب من تحاليل وفحوصات؟؟؟

أولا الله يوفج يارب وتنزلين الوزن وإنتي بصحه وعافيه
ثانياً اهو مايطلب تحاليل بس عنده جهاز يقيس فيه نسبة الماء والدهون بالجسم يآخذ منج فتح الملف 10 وعلى الجهاز 15 وإذا قالج أعطيج حبوب وفيتامينات قولي له أنا أبي نظام غذائي بدون الحبوب

هذا الكلام من خبرتي أنا من سنة 1995 وأنا أراجع عنده

 

[xxx]

مشاركة: محمد ربيع شنو يطلب من تحاليل وفحوصات؟؟؟

الدكتور مايطلب تحاليل

مثل ماقالت ام حمودي فحص دهون ب 15

ومراجعه كل اسبوع 10 دنانير

 

[كويتية أمورة]

مشاركة: محمد ربيع شنو يطلب من تحاليل وفحوصات؟؟؟

مشكورين أم حمودي وبنت الكويت عالمعلومات ماقصرتوا

 

[sara wth love]

مشاركة: محمد ربيع شنو يطلب من تحاليل وفحوصات؟؟؟

امورة


انا رحتله قبل 3سنين تقريبا كان يطلب تحليل لمعرفة نسبة الدهون والشحم بالجسم ويحددلج على هالاساس الكالوريز اللي لازم تتقيدين فيهم باليوم الواحد واذكر التحليل سويته بدار الشفا :d



ملاحظة

اذا تركتي ريجيمه اتردين امتن من قبل

 

[كويتية أمورة]

مشاركة: محمد ربيع شنو يطلب من تحاليل وفحوصات؟؟؟

مشكورة سارونه
واذا على الوزن اللي يرجع حبيبتي اي ريجيم انا اهده يرجع وزني هههههههههه
خل اجرب جود اضعف يمكن لاشفت وزني نزل اتسنع ومااخربط بالاكل

 

[الحــــــلا كله]

مشاركة: محمد ربيع شنو يطلب من تحاليل وفحوصات؟؟؟

بنات عادي اسوي الفحص مال نسبت الدهون من دون ما اراجع عنده ؟؟!!!
وإذا اتعرفون مكان ثاني ايسويها

 

[xxx]

مشاركة: محمد ربيع شنو يطلب من تحاليل وفحوصات؟؟؟

بنات اي رجيم تهدينه يرد الوزن لازم تنظمون أكلكم بعد الرجيم

عن نفسي جربت :

ربيع

طالب الشمري

الرجيم الكيميائي

دشتي


وكلهم نفس الشي

 

[كويتية أمورة]

مشاركة: محمد ربيع شنو يطلب من تحاليل وفحوصات؟؟؟

الحلا كله والله مادري وين يسوون هالفحص




بنت الكويت صاجة المفروض عقب الريجيم الوحدة تسنع نظامها
انا ناوية ان شاء الله لاخلصت ووصلت للوزن اللي ابيه
بشترك بدايت سنتر اللي بالمهلب عساس ماخوره خو اكلهم حلو ويشبع
والله كريم ورانا رمضان انا هذا اللي مخوفني بيشتغل البللللللع هههههههه

 

[الحــــــلا كله]

مشاركة: محمد ربيع شنو يطلب من تحاليل وفحوصات؟؟؟

صاجه اموره والله رمضان بروحه دوخه
الله يعين كل ما ضعفنا ردنينا متنا وها المشكله مو راضيه تفكنا

 

[صاحبة المعالي]

مشاركة: محمد ربيع شنو يطلب من تحاليل وفحوصات؟؟؟

أموره ..
الله يثبتج على الريجيم وتنزلين
وتدشين نادي ان شاءالله
وتصيرين سمبتيكه

وانا وياج

 

[كويتية أمورة]

مشاركة: محمد ربيع شنو يطلب من تحاليل وفحوصات؟؟؟

الحلا كله
انا ناوية ان شاء الله اخذ منه ريجيم حق رمضان

بسكوته
آآآآآآآمين يارب اضعف على قولتج واصير سمبتيكة
وانتي معاي