محل قوتشي الفنار اصلي و مليون بالمية !!!! تعالو تأكدو بالصور

[miss.lol]

السلام عليكم


شلونكم بنات عساكم بخير


بنات ترى محل قوتشي الفنار اصلي و مليون بالمية لا تخافون


تدرون شلون دريت ؟؟


دشيت موقع gucci.com و جيكت على اماكن البوتيكات الي عندهم



و شفت وين مكان بوتيك قوتشي بالكويت و كاتبين بالفنار و و الفري زو بالشويخ


و هذي الصورة عشان تتأكدون و صدقوني ترى اصلي و مليون بالمية

 

[girl_in_abottle]

ادري
وقلت نفس هل الكلام بأحد الردود
و حطيت هل موقع

و صدقيني هم بتلاقين عباقرة بقولون لا مو اصلي

مشكورة على المجهود

 

[miss.lol]

يبه اصلي و واضح التقليد من الاصلي انا شاريه منهم جنطه و فيها السيريال نمبر


بس امبيه بنات الكويت شفيكم جذي معقدين شدعوه ما تعرفون تفرقون بين الاصلي و التقليد ؟؟؟؟؟؟؟؟؟؟

 

[عاشقة الكاكاو]

عيل ليش مسكرينه ؟؟ وبالشمع الاحمر بعد ؟؟

كل شي جاايز اشوه اني ماشتري من الكويت شي

 

[nandeny]

خل يستريحون اقول هالبوتيكات طايحين له مقصه الصراحه بعدين انتو ليش حارين عمركم يبا اللي بيتشري يشتري واللي مايبي مو لزوم

 

[a7la_frawla]

صح كلام ميسس اللي بيشتري يشتري واللي لا كيفه


المهم يعطيج العافيه حبيبتي

 

[ســـالـــي86]

بنت خالي رايحه الفنار وقايله مصكرينه بس لاشمع احمر ولا اصفر
بس حاطين مغلق

 

[viva la glam]

عيل ليش مسكرينه ؟؟؟؟

 

[Om-Bashaar]

يقولون مسكر بس لان ما فيه رخصه مو تقليد
مشكووره

 

[عرموشة]

تركهم يكون افضل ومنعا للحيرة والشك بالنسبه لي
الله يستر عليهم
وكل واحد حر باللي يرتاح له

 

[الاسطورة]

احنا ما قلنا شي
بس قلنا ان قوتشي
يخلط جناط تقليد مع الاصلي

يعني عنده اصلي وعنده تقليد


وكل واحد حر برايه

 

[ScarletteO'Hara]

و الله يا حبيبتي عيزنا و احنا نقول مو سهله سالفة التقليد بس الي تقول العكس الي براسها براسها, سوو سوق الكويت اوسوأ من سوق المهارة
انزين ليش مسكرين الي بالفنار و الي بفيلا مودا فاتح؟ و لا الي دخل التقليد على الفنار ما يقدر على فيلا مودا؟
و كل كلمة و الثانية قالوا "غش تجاري"

 

[@ربانة العود@]

مايندري
ومشكوره حبيبتي

 

[C'est La Vie]

مسببلكم ازمة هالغوتشي
الله يعين

 

[~>la3bet*_^kora<~]

لوول
احترنا كل واح يقول شي؟عل ليش صكروا اللي بالفنار؟

 

[أم حمودي**MALL**]

اي والله ازمه

 

[سلوى هانم]

انا على طول بالفنار و لا مره شفته امسكر باشمع الاحمر شل الاشاعات انا مره سمعت خبر بشهر سته اللي طاف يوم سارت سالفه الجناط التقليد اللي لقوه مكتوبه بجرايد قالو سكرو فله موده الشويخ كنت بل الفنار واسالت اللي يشتغلون وقلتلهم صج سكروه فيلا مودى بالشمع الاحمر استغربو وقالولي روي الحين وشوفيه مفتوح والله محنى عارفين منو الصاج .

 

[~*~الملكة~*~]

دزولي مسج وقالو انهم سكروه لانه تقليد والي عندها الفاتوره ترووح تاخذ فلووسها

وحاطين رقم حماية المستهلك يقولون دقو عليهم علشان تصدقوون

بس انا مادقيت ومايندرى بعد صج جذب المفرووض اذا هالكلام مو صحيح

ينزلوون تصريح بالجرايد علشان لايفقدون مصداقيتهم بالسووق

 

[الزين بنت راكان]

شالسالفه كل شي عند هالبنات تقليد بعذر (( نشتري التقليد احسن,,,كله نفس الشي ))

اللي مايبي يشتري لا يشتري بس لا تقولون تقليد

 

[Gears]

بصراحة انا مالي شغل بكلام البنات

واشتري ومالي شغل فيهم




والي يبي يقول تقليد خل يروح ياخذ من بره

مادري شحارهم