محل حلويات كويتية قديمة ؟؟

[EartH AnGeL]

السلام عليكم






شلونكم يا بنات؟






حبايبي ماعليكم امر بغيت اسامي وارقام محلات تبيع حلويات كويتية قديمة
غير هيل وزعفران


ناطرتكم

 

[فوزانه]

في محل بالسالميه بس ماني ذاكره اسمه بالضبط بس اوصفه لج تروحين من دوار

الجوازات وتدخلين اللفه الي يم المباحث الجنائيه يعني تقريبا الدخله الي عقب دخلة سيتي سنتر

وتمشين ليه تيج اشاره طلي يسارج تلاقينه

على ما اعتقد جنه جنه اسمه الدروازه

وعندج هم محل بمجمع الزاويه ايلي بحولي ورة نادي المعاقين

هم في واحد بس هم ما اذكر اسمه <<<< بالاسامي خواره

بس اذكر ديكور المحل اسود من بره والمحل بالارضي يعني لا تصعدين ولا تنزلين بالزاويه

وانشالله اكون فدتج معني ما عطيتج اسم عدل

 

[waham22]

اسم المحل اللي بمجمع زاوية سنتر
رهــــش
عنده قرص عقيلي والرهش وحلوياته حلووووة

 

[EartH AnGeL]

مشكورين يا بنات يزاكم الله خييير

بعد بنات اذا تعرفووووون قولولي
وياريت اذا عندكم رقم تلفونهم بعد << جنه طلباتج زايده هههههههه

مشكورين مقدما

 

[EartH AnGeL]

اب اب

 

[Tomi *!]

فوزانه اسم المحل اللي تقولين عنه " الدروازه"

 

[كويتيه رزتها ملكيه]

الوطن للحلويات

والشمالى

كل المحلات هاذى بالديره

 

[hot caramel]

الـدروازه لايعلى عـليه عمري

 

[أســرار]

حلويات الكواكب
حلووو شغلهم اللي بالديره
قبال البلوكات

 

[*alzain kella*]

عندج رهش اللي يم دار العوضي

في شرق

شغلا واااايد ذرب و راقي

و هذا رقما 22477857

 

[eng-khadkhad]

انا شفت بمطعم فريج صويلح واحد داخل المطعم يبيع حلويات قديمه ... مادري اذا تقصدين جذي والا شي ثاني

 

[أساور]

شنو عنده الدروازة؟

 

[legally blonde]

رهش عنده حلويات قديمه محدثها يعني رهش مفلف بكاكاو و درابيل صغار كل وحده مغلفه بروحها و قرص عقيلي صغار حيل كل وحده مغلفه بروحها

انتي تبين شكلهم تراثي؟

 

[EartH AnGeL]

مشكورين يا بنات وحدة وحدة
ماتقصروووووووون


انا أبي شي تراثي مابي شي حديث .. أبيه حق أجانب أبي اوريهم التراث الكويتي وأذوقهم الحلويات الكويتية القديمة

 

[أســرار]

ايي مالج الا حلويات الكواكب
وايد حلو شغلهم و لذيييذ

 

[bombo]

خلاص اذا اجانب احسن شي الشمالي و كواكب والوطن

 

[om__jana]

بناااااااات محل رهش وين صاير بالضبط؟؟ بشرق والا بحولي؟؟ ياريت تحطون العنوان بالضبط

 

[فوزانه]

في فرعين حق رهش حولي وشرق