محل الفيتامينات بالافنيو لقيت عنده دشوووا وشوفوا

[سنيار البحر]

السلام عليكم

بناااات

وانا افتر بالافنيوز شفت محل فيتامينات نفس فكرة GNC
سألته عن حبوب الجلوتاثيون وشنو احسن شي

وراني وحده

تحميل صور

قالي هذا 250 mg
يعني خفيف وأمن
واخذي معاه فيتامين E خفيف

وبالإستمرار راح تشوفين نتيجة تعجبج

قلت له الحين الاقوى ايفوري كابس قال ما عندي فكرة
لما علمته 1500 Mg ومعاه فيتامين E 1000
انصدم :eh_s(1)::eh_s(1): انهااا أكثر بزيادة والزيادة خطر مو إي جسم يتحملها

سألته عن الحبوب الفلبنية زينه ؟ قال لو زينه نبيعها احنا
بس عيوبها علبهم بلاستك والبلاستك ما يحفظ الفايدة مثل الزجاج
وعيبها كثرة الغش

نصحني بهذي عشانها أمريكية
سعرها 14 دينار

انا احس اقتعنت شوي
وودي اشتريها بس بأخذ رايكم


شرايكم بنااات ؟؟:eh_s(22):

 

[اوووفه]

شفايده الحبوب هذي حق شنو ناخذها

 

[((غلاي))]

رررررفع

 

[عشق رسامه :$]

حق شنو ؟

 

[سنيار البحر]

الجلوتاثيون مفيد جداً للجسم والبشرة
مع الإستمرار فيه يفتح لون البشرة من درجتين إلى أكثر حسب قابلية الجسم
يوحد اللون

 

[krkooora]

حبيبتي لا تخاطرين بنفسج

اول شي سألي دكتور جلديه

اذا عندج تويتر في دكتور جلديه @DrBuhaimed

وايد شاطر سأليه عنهم

 

[سنيار البحر]

مشكورة يالطيبة :$

ابي زيادة مساعدة

خاصة اللي جربوا
شرايكم ؟

 

[al-musk]

والله سالي دكتور احسن قبل ماتجازفين

 

[omsalooom@hotma]

اختي شنو اسم المحل وهل له فرع ثاني

 

[تفاصيل الغرابه]

اول مره اشوفهم

 

[بيسان الكويت]

مساء الخيــر ..
آنا قالي إن هالحبوب بعد زينين حق الشعر وشريتهم بس أكون صاجه معاج خلصت العلبة وماكو نتيجه

 

[حقوقيه زوغه]

جي ان سي وايد معروفين وسوالفهم امان اكثر من غيرهم

 

[سنيار البحر]

إي قال لازم تستمرين مو أقل من 6 شهور

أن شاء الله بشتريهم واجرب

 

[نوني الحلوه]

حبيبتي قبل سنتين قبل عرسي بالضبط وصفها لي دكتور وخذيتها من صيدلية ناصر بالبحرين وشريتها ب3000الااف ريال سعودي واستمريت كورس كامل ولا شفت شي والله وربي ولانتفة بياض اقولك عشان ماتتخسرين وكثير بنات سالوني بالخاص وقلت لهم مانفعتني ولا واحد بالميه
وبعد خذيت من نفس الماركه بيوتين للشعر بعد ماشفت اي تحسن لابالاظافر ولا الشعر

 

[سنيار البحر]

انزين ما لاحظتي توحيد لون ونظارة ؟
مو شرط بياض

وخذيتي معاها فيتامين e ولا شلون ؟

 

[دآنة آلرشآيده]

ماعندي فكره
اب اب

 

[سنيار البحر]

مشكورين للرفع

اكو احد عنده تجربه ؟

 

[صمت المرافئ]

سألت دكتوري الجلدية عن هالحبوب
قالي وفري فلوسج
ما تنفع وتضر الكبد والكلى
​

 

[كويت الاناقه]

يمكن بس ترا الموظفين وظيفتهم اغناعج في الشي عشان يبين انه منتجه صح وترا منتجات كلها تصير عليهاا تجارب قبل لا يبيعونهاا

 

[TnaHed_2]

اذا تبين حبوب تبيض عندي حبوب
حبوب سبروايت
مجربه صارلها سنتين
بيضتها بمبه ووحدة لونها
وحمدلله لامضره ولاشي
واسالي دتكور قبل تاخذينهم
موفقه