محطة سلام أف أم

[سلطة]

بنات ليش توقف بث محطة سلام اف أم عقب وفاة الوالد سعد العبدالله الصباح خلاص مارجعوا بثها مرة ثانية وايد ضاق خلقي.

 

[سلطة]

ولا رد معقولة

 

[حسبي على وقتن تردت ظروفه]

واللله حتى انا ماقامت تشتغل معاي
اللي عندها خبر تقول لنا

 

[ana_q8eya]

وااااااااااااي حتى انا

اقول شفيها سيارتي خرفت ماتيب القناه
بعد عمري سياراتي اثاري مو منها

انا صراحه اسمع عادي اغاني وجذي
بس من تعودت على سلام افم ام

مادري احب اسمع الاناشيد
خصوصا الصبح
عشان جذي شريت شريط اناشيد
حفظته ^_^

بروح اشوف لي واحد غيره

ومع السلامه ^_*

 

[miss_lavendar82]

اولا احب اقولكم اني كنت مثلكم اول مافتحت القناه استانست عليها لاني ما اسمع اغاني

ودايم اشغل اناشيد بسيارتي

بس من عرفتها قمت اسمعها دايم

وبعد ماتولعت فيها

انصدمت @@















انها تبع مارينا اف ام

وما يهتمون بنوعيه الاناشيد

بالعكس نص اغانيهم فيها موسيقى وما تعتبر اغاني

ونزلوا فيها مقاله باكثر من جريده

بعدم صحتها

خصوصا للي مايسمعون اغاني

وفي شغله ثانيه وصدمه ثانيه

انه ريعها لمحطه المارينا اف ام الغنائيه

فخبر حلو انهم اقطعوها

^_^

اللهم اني بلغت اللهم فاشهد

 

[miss_lavendar82]

ana_q8eya

حبيبتي اذا تبين اناشيد حلوه

عندج اخر البوم للعفاسي اسمه ذكريات

حلو والله

^_^

 

[سلطة]

ايه بس والله وناسة أناشيد أحسن بوايد من الأغاني بس ليش اقطعوها ممكن السبب

 

[الالماس واللولو]

صحيح حبيبتي ان بعض الاناشيد فيها موسيقى ولكن الغالبية العظمى اناشيد وبعدين انا اذا حطوا على اناشيد اللي فيها موسيقى ان احط على اذاعة القرآن الكريم واحلى برنامج تباشير الصباح جداً جداً روعة ومفيد وهم بعد عندهم برامج حلوة

 

[كـلا كـلا]

Upp

 

[خاشووقه]

انا ما اعرف القناة