محشي الملفوف
بالبدايه الملفوف كنت حاطته بالفريزر كان له اربع إيام طلعته من الظهر وخليته يذوب براحته بعدين فكتته وقصيته صغير
الحشوة حطيت بصلتين مع حبتين طماط وثوم وفلفل حار كلهم طحن خشن وحمستهم بزيت ثم كبيت عليهم رز مصري منقوع ونحركهم جميع ونضيف اربع ملاعق صلصه وملح ونعنع يابس وفلفل احمر حار ? وعصير ليمونتين ورشه بهارات نحركه طبعاً ماضيف له ماء ابد يكفي ماء البصل والطماط ثم أضيف عليه حزمه شبث وبقدونس وكزبره مقطع ناعم ونحرك كل هالخليط جميع ونطفي عنه ونحشي الملفوف يصف بقاع القدر شوي من الملفوف ونحط بطاطس شرائح ونصف الملفوف عليه ثم نصب الصوص وهو كميه من ماء حار وعلبه صلصه ونعنع يابس وملح وعصير ليمون وزيت زيتون ونكبه فوق الملفوف ونحط عليه الثقل حق ورق العنب وعلى النار بس يغلي نقصر عليه ونخليه يطبخ براحته وبس عافيه
للمزيد من الوصفات زوروا موقعنا مطبخ كويتيات
