محد يدش بيتي والسبه زوجي ابي حل

[عشقي أرض الكويت]

مساء الخير على الجميع ان شالله بخير. خواتي انا عندي مشكله منغصه حياتي زوجي مو اجتماعي ولايحب الناس ولايعزم حتى اهله من تزوجته وهذا طبعه محد يدش بيتنا ابد فشلني بين الناس خامل ذكر مافيه خير انا خيفه على عيالي يتعودون على ها الوضع وضايق خلقي انا انسانه اجتماعيه واحب الناس والجمعات ودي اعزم ابيتي بس مو بيدي بيتي مايئهل استقبل فيه مافي بيتي اي قطعة اثاث او فرش احس مخلي بيتي جذيه عشان خايف اعزم احد وهو يدري اني ودي افرش بيتي واعزم الكل بس الشكوى لله مره قلتله اهلي بيجون لنا جان يعصب ويقول انا تعبان حتى لما دش ابوي بيتنا اول مره كان طالع من مستشفى ماهان عليه يعزمه ابد طيح وجهي افتشلت من هلي ولما زنيت عليه يعزم اهلي عزمهم وقال جيبو عشاكم وياكم ولاعاد زاروني اهلي لانهم عرفو طبعه اهو واهله ناس غريبين ابـــوه طلق امه عشانها خلت جارتهم تزورهم حتى اخته عزمتنا مره ولا ردة علينا طنشتنا ابي حل اشلون اخليه يعزم الناس في يته انا لو ظروفي لماديه زينه جان عزمت وضيفت ابيتي حتى جيراني ماعرفهم ابد مقدر اروح لهم عشان استحي يشوفون بيتي حالته حاله و نفسيتي دمار منه ومن طبع زوجي ابـي حل شورو علي يارب توفق من ترد

 

[@ام ضاري@]

رفع

 

[ليمونة وزيتونه]

الله يعينج ويهديه

 

[om_3azoz]

الله يهديه يارب ويعينج عليه

 

[توني انتبهت]

الله يفرجها عليج يااارب

ويسخره لج

 

[دندون ام عبود]

لاصار كذا طبعه فاما راح يغيره
الله يسخره لك

 

[بوح الحنين]

الله يصبرك

 

[ابدا يالغالي مانساك]

الله يعينج بصراحه شي غريب
بس طبعه ويقولج الطبع غلاب وانتي تقدرين تغيرينه لاكن مو بيووم او يومين مع العشره بيتغير
انتي الحين لارحتي لاهلج طلعي روحي عودي عيالج بالطلعات خليه يطلعكم
وان شالله يتغير للافضل لاكن الله ايعينج الجنه من غير نااس ماتنداااس ​

 

[ام احلى خلودى]

شكله بخيل ومايبى يقط ولا فلس على العزيمه والله يعينج

 

[نـعـومـه]

قوليله بعزم اهلي وانت روح دوانيه ولا اي مكان

 

[شامخهـ]

استغفري ربي وادعيه انو يتغير زوجك
والله يوفقكم

 

[ديانا سبنسر]

هذا بخيل اجل يعزم الناس ويقولون جيبو عشاكم معاكم يما فشلة الله يعينج صرااااااحة

 

[أعشقه]

يؤ غريبه
وش له مايعزمون احد وش فيهم ذيلي عندهم مشكله يمكن بها الامور
الناس تحب تنعزك وتعزم مو كذا
وش هالعيشه .. الله يعين ويسهل

 

[انونا]

اهي مو سالفة بخل لا اهي سالفته ما يحب احد ما يحب المجاملات ما يحب اليمعه


هالشي يمكن يتغير بس احتمال ضئيل مثلاخلي اخوج اقرب واحد عندج قوليله يجي ويجب اكله معاه او عادي معاكم عالغدا خل يطلع معاه
وشوي شوي
وهمن انتي اخذيه لبيتكم او بيت جماعتكم
او طلعات صغيره كسري خاطره
يعني بالمختصر خليه بين جماعه وان شاء الله يتغير

 

[شادن33]

حبيبتي كم قاتيلنا كم صارلج متزوجه
وهل اهو مت صج بخييييل ولا انطوائي

 

[مريم القلاف]

الله يعينج حبيبتي​

 

[روان المطيري]

واي الله يعينج شنو بيت مافيه ولا قطعة اثاث @@
حاولي تكلمين استشاري نفساني وقوليله عن حالته وان شاءالله يفيدج
امره غريب الصراحه ! وتقولين ابوه طلق امه عشان عزمت جارتها @@ اكيد
فيهم شي من ناحية الناس والزواره يمكن قبل صارلهم موقف معين وصاروا يخافون
من هالتجمعات !!! امرهم غريب الله يصبر قلبج حبيبتي ولا تنسين الاستغفار ،،

 

[ريح قهوه]

يبه ماخذها وراثه هالسالفهً هو راح يتغير بس ماتقدرين بروحج لازم يكون له ربع ولارفيج عشان يلهيه ويغير فكره ويطلعه لناسً ولدوانيات حاول انج تذكرينه برسولنا صلى الله عليه وسلم ووصا بالجار والوصل وصلة الرحم والله ودي اقول لج اعزمي خواتج يعني ناسً تمونين عليهم حطيه تحت الواقع بيني له انج مره ولج مكانتج بس اخاف لاسويتيها يسوي فيج شي كافي ابوه يخرع انتيً ادرى بزوجج وبنقطة ضعفه الله يعينج مافيه احد مرتاح

 

[فوفو22]

عندج مشكلتين

زوج انطوائي وبخيل

الله يكون بعونج


اذا هو انطوائي وانتي اجتماعيه

لا تتنازلين عن طبعج الحلو

استمري بالزيارات وممكن تعزمين ببيت اهلج

او تضبطين صالتج على حسابج وتعزمين فيها

اما هو فيحتاج علاج عند اخصائي

فوفو

 

[granted]

عزميهم برى البيت شاليهات مطاعم وخلي بيته له يشبع فيه