محد ساعدني !!

[حرم محمد باشا]

مرحبا يا الغاليات

عندي ينت وحده عمرها 8 شهور الله يحفظها ويصلحها .. اهي شكلها العام زين يعني مو ضعيفه ولا متينه بس لما ابي اشيلها احس رخوه حيل ماتساعدني ,, مرات اخاف احس اني اعورها .. وللحين ما اقعدت اقعدها تطيح ولما اكون ماسكتها راسها تنزله لجدام ما ترفعه .. حطيتها بدراجه عشان تتعود وعادي تحرك رجولها بالدراجه وتمشي فيها ..

مادري احاتي احس بنتي عودها مو قاسي .. حيل رخوه ..

طمنوني .. عادي والا لا؟؟

وبعرف بهالسن شنو تعطونهم للاكل؟؟ ابي وصفات ..

وجزاكم الله خير

 

[احلى سماء]

شربيها حليب

ودوري وابحثي بغوغل عن اغذيه

تقوي عظام الطفل

 

[meen_ana]

عطيها شغلات فيها كالسيووم وخليها تشرب حليب

 

[suad37]

لازم تعرضينها على دكتور لانه المساله مو مسالة اكل الموضوع له علاقة بالعضلات والاعصاب يمكن بنتج تعاني من الرخاوة وتحتاج علاج طبيعي بعد لازم دكتور اطفال مو عام بالمستوصف الله يهديج

 

[حرم محمد باشا]

بنتي اراجع فيها من فتره لفتره عند دكتورها .. لأن ولادتي فيها كانت متعسره وصار معاها نقص اكسجين وتمت بالمستشفى اسبوعين ..

وافتحولها ملف عندهم يشوفون حالتها من وقت لوقت واذا مأثر فيها والا لا ..

وكل مره يطمنوني .. بس اخر مراجعه كانت شهر 6 والمراجعه الجايه شهر 9 يعني يطولون بالمواعيد

وانا احاتي .. ومرات اقول يمكن انا ما اغذيها عدل والله مادري .. اكل نفسي بنفسي !!

 

[مطيـووره]

لا ماعليج توكلي على ربج ولا توسوسين انا بنتي اول ماجبتها جذي رخوة واقغد معاها بالحليب ساعتين يالله تشربه بس اهم لا تخلينها تعتمد بس الحليب عطيها اكل يعني مثلا لبنه وحطيلها قفشه صغيرة زيت زيتون لانه في فيتامين دال واطفال هالوقت لانه احنا مانتعرض للشمس والشمس اهي اهم شي للعظام والكالسيوم وطلعيها كل اول مايشق النور عرضيها للشمس هذي لانها زينه حق العظام حتى دايما كببار السن ينصحونهم بتمارين الصبح عشان الشمس زينه بالوقت واتمنى اني فدتج واذا تبين اريح لج روحي للدكتور محمد سعيد كلام حلو ويعطيج برنامج غذائي لولدج

 

[*ماي الورد*]

روحي حق د سلفا شحيبر و اهيا تقولج رخوة و لا

 

[نو-من؟]

لاتودينها الطبيب ولا شي عطيها حلبه مع الحليب كل يوم ودام الدكتوره طمنتج سويلها تمارين اشلون شليها بايدج الثنتين وخلي طرف اصابعها عالارض راح تضغط وتنقز ومره ثانيه حطيها وتنقز وهي بيدج لي عشر مرات تقوي العضلات عندها

 

[حرم محمد باشا]

مشكووورين بنات وما قصرتو

الله يسعدكم دنيا واخره ..

وماتشوفون مكرووه يا رب العالمين