محترررررررررررره

[ايام وردية]

بنات محتره من زوجي المشكله هو انسان طيب وعطوف وووو ...الخ

هذا بوقت الرخاء تعالو شوفو شلون يعاملني وقت العصبيه

اليوم تهاوشنا على شي تافه كالعاده كل هواشاتنا توافه بس تكبر مع الهوشه كل واحد يقط كلمه على الثاني لحد مانولع نار

هو وقت العصبيه يقط كل كلمه موزينه وانا بعد اقط عليه كلمات بس اختار الكلكمات العاديه اما هو لا

اليوم عصب لان راح اشترا غدا وانا ماكنت مشتهيه بس قعدت معاه واكلت بنتي الصغيره ..عمرها كم شهر

وعصب ويصارخ وراح خد تلفونه ودق على اخويه يقوله اني ما اكل ..قهرني قلتله أي شي يصير بينا تدق على اخوي تعلمه

المهم انه سار يسبني ويقولي انا عقلي معفن اني تزوجتك ...واي من هالكلمه ولع نار بقلبي قلتله محد ضربك على يدك وتزوجتني

وهذا وضعه لاعصب بس اول مايرضى بعد يومين ثلاث يجي يتحلوس عندي ويسامحني ويقولي لاتاخذين أي كلمه اقولها لاتهاوشنا اقولها بس عشان ارفع ضغطك والا انا احبك وانا اعزك ومدري ايش

طبعا اسامحه على طول بس المشكله ماعدت احبه بسبه كلماته الحاره الي يقولها لي لو كانت مو من قلبه بس حبه بقلبي عادي مجرد انه زوجي وابو بنتي

من خبرتكم بنات الكلام وقت الهوشات يسبب حاجز في العلاقه بين الزوجين؟ من ناحيه الحب

هو يحلف انه لازال يحبني بس انا عادي ماقدر احبه ميه في الميه

على فكره متزوجين لنا سنتين

 

[كليـ دلعـ]

عادي الانسان حزت الزعل يفقد اعصاابه!

بس شكو داق ع اخوج ماتاكل!

غصب بيوكلج!! اخاف بخيل!! ليش احتر وسواها

مشكله يوم مااكلتي!!!

مادري!!

عادي اذا عصب يقط خيط وخيط

ودام ع قولتج مافي حب بقلبج اتجاهه وانه ابو بنتج

وبس ليش مهتمه عييل من كلامه؟!

لومايهمج جان ماهزج كلامه​

 

[زوجة حياتي]

اقعدو مع بعض وتحاورو بالموضووووع وقولي له كل الي بخاطرج وان شاء الله يحس فيج ويعرف انه كلامه قاسي وهم انتي لما يكون هو زعلان لا تردين عليه اصبري وتقطين كلام عليه يمكن هو قاعد يرد عليج ويعصب اكثر الله يسخركم لبعض

 

[ام يارا القمره]

احس وضع عادي لا في العن من كذا يسبها كانها بنت ليل او بنت شوارع
يعني وقت العصبيه الواحد مايحس بعمره وهنا اغلب رجال
واول خمس سنوات اللاولى من الزواج تصير كذا

 

[أمورته]

المشكله انه الكلام الحلو ننساه بسرعه والكلام الجارح يظل معلق بقلوبنا وعقولنا
طبعا انتي تحبينه
دايما نتهاوش مثلا انتي وامج انتي واختج انتي واخوج بعدين ول اكانه شي صار
ننسى ونحبهم ونموت عليهم ونخاف عليهم من الهوا الطاير اذا حاشهم
يمكن مشكلتج توها صايره انطري جم يوم ويادار مادخلج شر
بس انتي اذا عصب عليج لاتردادينه لو تسكتين بتشوفينه يسكت ومايجرحج بالكلام اكثر
والله يسخر لج زوجج يارب ويسخر لي زوجي ويجعل بينا الموده والرحمه والسكينه
اللهم جملني بعين زوجي وحببني الى قلبه وحببه الى قلبي وجملوه في نظري امين يارب ولكل من قالت امين لج بالمثل
اللهم صلى على محمد وال محمد

 

[al-musk]

انزين حاولي انتي ماتردين عليه وتسيطرين اكثر عالوضع .. صج حركته بايخه شكو داق على اخوج خيير يعني مو مشتهيه غصب بس انتي هم حاولي ماتجارينه بلعبه الاعصاب والغلط وهومرة عن مرة بيستوعب

 

[امـ خــزامـى]

شوفي حبيبتي زوجك عصبي ولسانه منفلت
انت بوقت االنقاش والتعصيب اسكتي للا تتنرفزين وتكبرينها عشان مايقول كلام يغثك

 

[M!SS.LOBY]

لا حول ولا قوة الا بالله
الله يهديه ويسخره لج

 

[زوجة عزيز]

اهو قالج اذا عصب لاتاخذين على كلامه بس خلاص لاتاخذين على كلامه تصرفه كلش ماله داعي يكلم اخوج بهالسالفه اذا هدى كلميه انه اي شي بينكم المفروض محد يدري به وهاذي سالفه تافهه ماتوصل انه يتصل على اخوج ويقول له ههه

 

[جنون هاجري]

اذا عصب انتي هدي
والشيطان يحب اللحظه هذي
فالاستغفار والتعوذ منه سوف يحل الخلاف

 

[مذهلة2013]

حبيبتي حاولي تسكتين لا تكلمينه خليه يقول الي يقوله سكتي لانه لو تكلمتني راح تزيد المشكله
انا لما اعصب اسكت واهو يفهمني انه زعلانه او متظايقه منه ... بس عالاقل حلو انه يحس انه انتي زعلانه ويتأسف منج
حاولو تقعدون ويه بعض تتناقشون

ربي يوفقكم

 

[baby lotion]

انزين حاولتي تمتصين غضبه ؟

يعني يوم يعصب ويغل كلام مب حلو تسكتين ؟ لان اهو بطريقته هاذي يحاول يطلع حرته لا اكثر

والهوشات ماتسوي حاجز اذا عرفتي له

 

[مولاي الفرج]

حاولي تكونين هاديه ولا تعاندينه عشان تمشي الامور

 

[المدينه]

الله يهديه ويسخره لج
اول شي فهميه أن اسرار حياتكم لازم ما تطلع من بينكم حتى لو كان اخوج

فهميه أن هذا شي بيأثر على حياتكم وحتى حاولي انج اتفهمينه أن بتصرفه هذا اهو حط نفسه بموقف بايخ جدام اهلج

وثاني شي انتي عارفه أن اهو طيب ويحبج لازم تعرفين تمتصين غضبه سايسيه ولا تحاولين تستفزينه أو تريدين عليه

 

[ايام وردية]

يعطيكم العافيه حبيابي

نسيت اقولكم انه مو اول مره يدق على اخوي كم مره سواها وبعد بنفس السالفه الاكل

انا من تجيني الدوره عزكم الله الاكل ماشتهيه ابد يعني اقعد يومين ماكلت عادي جدا

اشرب ماي وقهوه ويمشي الحال

اذا غصبت نفسي علشانه الله يكرمكم اطلعه

بس موراضي يستوعب فهمته الف مره

والمشكله الثانيه بسبه هواشنا الي صار امس قالي انقلعي بيت اهلك وبالناقص فيه ميه وحده تقبل تتزوجني

قهرني ماقدرت امسك دموعي

ابليس شاطر كنت بشيل بنتي واروح

اخ احس اني مهانه وذليله يطردني وانا قاعده مارحت

عاد تو مانسي رجع يقولي اليوم لارحتي بيت اهلك لاترجعين بس جاتني شطاره قلتله
البيت بيتي والاثاث اثاثي انت شيل عفشك ولا اشوفك
هو انصدم صار يضحك

واي بنات كرهته من لسانه المفلووت

 

[جنون هاجري]

تعوذي من ابليس وجعل ربي يهديه ويصلح شانه
والمراة لا تتلفظ على زوجها لان الرسول عليه الصلاة والسلام
وصى باحترام كلا من الزوجين لبعضهم
فهناك حقوق عليك وحقوق عليه الله يهديه
فحبذا لو تاخذي كتاب او شرح من هدي المصطفي عليه السلام في كيفية تعامل امهات المؤمنين معه
فانه خير لنا جميعا ان نغتدي بهدي النبي عليه الصلاة والسلام

 

[منال $]

انتي الله يصلحك بس تشوفية معصب تجنبية لايصير كانة بحلبة كل واحد يرمي كلمة عالتانية وبصير تأثيرها عالمدى البعيد والدليل انك بداتي تكرهية عاقولتك

 

[*درر*]

ياقلبي بدال مانتي تختاري كلمات اخف منه حزه يعصب سكتي وكضمي غضبك..
يولع مع نفسه عقب يطخ... هم ان كل مشاكل توافه على قولتج بس اهو اكيد يشوفها قويه
فانتي لاتقيسي مشكله بعينج انتي بس مثلا سالفه غداء انتي تشوفي انها عادي انزين اهو يمكن يحس انك مطنشته ومو حاسبه له حساب
وسالفه كل شوي يشكي لخوج يمكن لانه ما عاد يتحمل وسالفه حب يروح ابصمم لك ان القلب لاعشق ماحسب للي تشوفه العين
مطلوب منك غيري اسلوبك سكتي وقت يعصب تجنبي اللي يعصبه اما ماعاد تحبيه اكيد قصدج تصرفاته مو اكثر والله يسخره لج......

 

[سندس 90]

عااادي اللي يعصصب يقول كلل شي
انتي بس طوفي مااكأنج تسمعين
واسكتي اذا عصب

 

[امـ خــزامـى]

انت نحيفففه مررررا ؟ طلب منك تسمنين ؟


زووجك على عصبيته حسيت فيه شي بقلبه يخااف يقوله فيعبر عنه بلعصبيه
وانه الوضع مو عاجبه


مشكلتكم يبيلكم جلسه صرااحه وكل واحد يقول اللي يبيه
بس دام انكم دائماا تصارخون وتكبرون الامور
اقترح عليك تكتبين كل اللي بقلبك لا تخلين شي مضايقك الا تكتبينه

بس طبعا اول الكلام خليه مدح واعجاب سواء بشكله واخلاقه واسلووبه امدحي كل شي وبالغي حبتين
بعدين اكتبي اللي يضايقك وفضفضي له

واخر شي عبري عن حبك له وامنياتك واحلامك معاه



جربيها مارح تخسرين صدقيني