محترة وما أدري شسوي!

[زينة الزين]

يا جماعة الخير آنا ولدي بالصف الرابع
الولد مو شاطر زود بس ذكاءه زين والأخ إذا إشتهى يركز يطلع منه

آنا أمس وآنا أدرسه عربي بط جبدي موراضي يركز وحضرته يقول ماني فاهم
طولت بالي عليه وفهمته وقام يشكيلي أنه مايفهم الأبله بالحصة
قمت آنا قلت له إذا كان موفاهم شغلة بالحصة ضروري يطلب من الأبلة أنها تفهمه

قلت شي غلط؟

اليوم راجع من المدرسة محتر يقول آنا مافهمت شغلة بالدرس وقلت للأبلة آنا مو فاهم
شنو تتوقعون ردت عليه؟

قالت له : أنت مو فاهم لأنك كسلان!!!!

جدام كل الصف


آنا أعترف أن ولدي مو شاطر بس مسكين ليش أتفشله؟ وبعدين أعتقد أنه ما طلب شي غلط أو مستحيل
أهيا شنو شغلها أساسا بالمدرسة؟
مو المفروض إذا أحد مو فاهم أنها أتفهمه؟

شلون المفروض أتصرف؟
مابي أشتكي أو أهاوشها أخاف أتشيل على الولد

أشرايكم؟
حدي محتره

 

[زوزو الحلوه]

المفروض المدرسه ماترد عليه هالرد الي المفروض مايطلع منها خصوصا انها مدرسه لازم تشجعه على العموم انا رأيي انج تروحين تكلمبنها تعدل من اسلوبها والله حتى لو ولدي موشاطر ماتقول انه كسلان ويكون عندها حسن تصرف واذا ما عجبها روحي عند الناظره وقوليلها السالفه وخليها تعطي المدرسات الي مثل هاذي دوره لباقه وتتعلم شلون تتحجى مع الطلبه وخاصه انهم صغار وحسن تصرف والله مادري هالايام شلون صايرين بعض المدرسات والله حريتيني وحبيبتي انتي لاتهدينه جذيه دخيلي معاهد مدرسين خلي يتقوى وراه مشوار طويل بالدراسه والله يوفقه انشاالله

 

[زينة الزين]

المفروض المدرسه ماترد عليه هالرد الي المفروض مايطلع منها خصوصا انها مدرسه لازم تشجعه على العموم انا رأيي انج تروحين تكلمبنها تعدل من اسلوبها والله حتى لو ولدي موشاطر ماتقول انه كسلان ويكون عندها حسن تصرف واذا ما عجبها روحي عند الناظره وقوليلها السالفه وخليها تعطي المدرسات الي مثل هاذي دوره لباقه وتتعلم شلون تتحجى مع الطلبه وخاصه انهم صغار وحسن تصرف والله مادري هالايام شلون صايرين بعض المدرسات والله حريتيني وحبيبتي انتي لاتهدينه جذيه دخيلي معاهد مدرسين خلي يتقوى وراه مشوار طويل بالدراسه والله يوفقه انشاالله

والله حبيبتي مو مخليته على طول أدرسه ويايبتله مدرسة من أول السنة

آنا أخاف أكلمها تعادي ولدي وأهي مدرسة الفصل مالته لأنه مدرسته تابعة لمدارس المستقبل يعني أهي أتدرسه آداب (عربي دين إجتماعيات .....)
الله يسهل ويسخرها لولدي

 

[dubai_eyes]

الأول سيري المدرسه..وكلمي المعلمه.....وقولي لها ان ولدج اتأثر نفسيا بكلمتها...واطلبي منها تعطيه اهتمام شوي واتشجعه

واذا شفتي ان هالشئ مانفع وياها....كلمى المديره....وانقلي ولدج لصف ثاني ماتكون هي مشرفه عليه.

 

[زوزو الحلوه]

حبيبتي الله يعينج وهاذي مدارس المستقبل مدارس خاصه

 

[زينة الزين]

مشكورين على الرد جزاكم الله خير
زوزو مدارس المستقبل حكومية موجودة بجنوب السرة وما أدري بعد وين

جزاكم الله خير

 

[(كويتيه عسل)]

حتى لو كسلان ماتقوله هالكلام وتفشله هذا بدال لا تجابله وتهتم فيه وتركز عليه

انصحج تروحين للابله وتقولينلها اللي في خاطرج

 

[هدولى]

صج فى وايد مدرسات مايراعون الياهل ويقطون حجى مايدرون ان الياهل يوصل كل شى ويحط بقلبه والله يعينج حاولى تقعدين معاه اكثر وانتى تفهمينه وما انصحج تروحين للابله لانها بتحط عليه وانا والله حاسه فيج

 

[(كويتيه عسل)]

انصحج تكلمين الابله وتقولينلها كل اللي في خاطرج