محتاسه واضيقه مدري هو ضغط ولا وشو ..؟

[أعشقه]

السلاام عليكم
/
مدري احس اني ازعجتكم من كثر مااكتب لكم ..
بس والله وربي اني لي يومين تعبانه مدري وش فيني
انا رحت المستوصف الي عندنا قالت لي الدكتوره وش فيك ليه الضغط نااازل
وقالت لي الدكتوره الثانيه ليه ماتكثرين سوائل ومدري ايش المهم بعدين قالت عادي تصير للحوامل .. بس ماعطتني علاااج ولا شي
وانا احس اني دايخه وتعبانه واحس بثقل في صدري كتمه يعني يالله اقدر اخذ لي نفس
واحس بدوخه وثقل براسي وجسمي يالله اقدر اشيله احس كل مفاصلي تالمني
وشهيتي للاكل نازله مالي خلق اكل ولا اسوي شي احس قلبي كانه بيوقف .. حتى احس البارح مو قادره انام وفجئه احس نبض قلبي سريع وتجي في جسمي زي الحراره ..
المهم انا اليوم بدخل الشهر 7
مدري هالشي طبيعي يصير للحوامل يعني عادي ينزل ضغطهم وماياخذون علاج
ها الاعراض الي قلتها لكم هي من نزول الضغط ولا .؟
بارك الله فيكم فيدوني ولكم دعوه ربي يسهل اموركم كلها يارب ..

 

[janoona]

انا كان ينزل ضغطي بس بالشهور الاولي وكانوا ساعات يركبون علي درب او اشرب شي مالح

ماتشوفين شر ان شاء الله وبالنسبه حق صعبوبه التنفس والضيقه عادي لان الياهل يكون ضاغط عليج

 

[زين ودلال]

ماتشوفين شر يااااارب بالنسبه حق النبض السريع عادي انا تصير فيني بين فتره وفتره

بس انتي ديربالج على ضغطج ترى مو زين حق الحامل..وشوفي دكتور ثاني وان شاء الله يارب ماكو الا العافيه

 

[أعشقه]

طيب يعني الاعراض الي قلتها عادي تصير للحامل يعني
ونفسها الاعراض الي تصير للي نازل عندهم الضغط ولا كيف ..
وبالنسبه لشهيتي للاكل وش اسوي ليه صار معي كذا
بس انا بطني مو كبير حيل شلون مضايقني
انا عندي معدتي كل من اكل او اي شي تصير لي حموضه ومغص
ربي يوفقكم وش اسوي

 

[أعشقه]

ماتشوفين شر يااااارب بالنسبه حق النبض السريع عادي انا تصير فيني بين فتره وفتره

بس انتي ديربالج على ضغطج ترى مو زين حق الحامل..وشوفي دكتور ثاني وان شاء الله يارب ماكو الا العافيه

الشر مايجيك ..
اهم شي يكون كل شي طبيعي ..
ان شاء الله .. الله يعافيك ..

 

[Dark SouL]

حبيبتي انا نفسك .. نفسيتي للأكل كلش .. قمت اخذ فيتامينات وكاليسوم عشان تعوض

ووصتني الدكتورة ان افتح ريجي على تفاح لانه تسهل بعملية الهضم وتفتح النفس من كليتها ماادري هذي نفسية ولالا بديت اكل والحمدالله

جربي اكلي تفاح على الريج :×

 

[virgo88]

الله يهون عليج حبيبتي

 

[أعشقه]

ياقلبي جعله في ميزان حسناتك ماقصرتي
راح اجرب ويارب يفيد ويغير حالي ..
مشكلتي ان جسمي بعد يالمني فجئه ومدري وش السالفه .. قلت يمكن من نزول الضغط او شي مدري والله
تسلمين ع الرد ..

 

[توكلت على الله 22]

ماتشوفين شر

اهتمي بصحتج واشربي عصااير طبيعيه وحاولي تطلعين اتغيرين جو عشان النفسية لهاا دوور

 

[أعشقه]

ياقلبي انا وين والطلعه وين والله ان نفسيتي مسدوده ماحب اطلع
وانا ساكنه مع اهل زوجي وكله منعزله بها الغرفه بس تخيلي والله متضايقه حدي
وزوجي مو هنا يشتغل بمكان غير ويجي يومين ويرجع باقي الاسبوع
مدري وش السوات ..
شاكره لك تواجدك ياقلبي

 

[ام الحلوااات]

مـــاعـــلــــيـــج شـــر ان شــــــآء اللـــــه كـــثــــري ســــوايــــل وديـــري بـــالـــج عــلــى ضــغــطـــج مـــو زيـــن يــنــزل راااجـــعــي دكــتــوره ثـــانــيـــه​

 

[غالية22]

موفقه

 

[yasmeen_q8]

شوفي نزول الضغط ماله الا حل واحد تاكلين مالح وتشربين ماي وتنسدحين على ظهرج وترفعين ريلج فوق انا ضغطي كله نازل وهذي التعليمات اللي عطتني اياهم الدكتوره دايماً خلي معاج بسكوت مالح كرواسون وكاكاو وعصير بجنطتج بس تحسين بدوخه اكلي بسكوت او كرواسون وشربي عصير بتلاقين تحسن ولا تحاتين طبيعي ينزل الضغط بس سكوتج عنه مو زين ديري بالج ونفسج اللي مسدوده عن الاكل عانديها حتن لو كنتي ترجعين او تلوع جبدج لازم تعاندينها وتاكلين لو رجعتي اكلي بعد عقب ما ترجعين عشان لا ينزل ضغطج والبيبي ما ياخذ من صحتج كثري سلطات اجبان حليب عصير فواكه والله يقومج بالسلامه يا رب *

 

[أعشقه]

شوفي نزول الضغط ماله الا حل واحد تاكلين مالح وتشربين ماي وتنسدحين على ظهرج وترفعين ريلج فوق انا ضغطي كله نازل وهذي التعليمات اللي عطتني اياهم الدكتوره دايماً خلي معاج بسكوت مالح كرواسون وكاكاو وعصير بجنطتج بس تحسين بدوخه اكلي بسكوت او كرواسون وشربي عصير بتلاقين تحسن ولا تحاتين طبيعي ينزل الضغط بس سكوتج عنه مو زين ديري بالج ونفسج اللي مسدوده عن الاكل عانديها حتن لو كنتي ترجعين او تلوع جبدج لازم تعاندينها وتاكلين لو رجعتي اكلي بعد عقب ما ترجعين عشان لا ينزل ضغطج والبيبي ما ياخذ من صحتج كثري سلطات اجبان حليب عصير فواكه والله يقومج بالسلامه يا رب *

يعني نزول الضغط للحامل شي طبيعي ولا ..
ودامه نزل اثناء الحمل هو راح يكون كذا حتى بعد ماولد يعني ولا ..
انا هذا اول مره اعاني من هالشي والدكتوره ماعطتني لا علااج ولا شي بس قالت لي ضغطك نازل ..
راح اسوي الي قلتي لي عليه وربي يوفقك ويسعد قلبك ويريح بالك يارب يالله ياكريم ..
تسلمين من القلب .. يارب يفيد معي

 

[ام كوثر2007]

ما تشوفين شر ان شاءالله

حاولي انج تراجعين دكتورتج الخاصه افضل لج كله الا الضغط مو زين دامج حامل . وما تشوفين شر مره ثانيه.​

 

[قلب مغليك]

انا معاي الهبوط على طول وقبل ماكان فيني الدكتور قال اهم شي مايرتفع والهبوط طبيعي بالحمل وماله علاج الاكثرت السوائل والاكل

 

[أعشقه]

يعطيك العافيه يا قلبي انا حاولت اسوي الي قلتو لي عليه وان شاء الله اكون افضل
تسلموووووووووون