محتار احضر العرس والا لا ساعدوني

[ام زهقانه]

هلا بنات ديرتي :eh_s(17):
حببيت تنصحوني
لقيت عندكم القلب الطيب النصوح
انا عندي عرس فريب حيل
من ناس عزيزين علي قلب حيييييييييييييييل
الله يشهد ودي احضر
بس اخاف اروح تقب علي اسنان الاني قاعده اسويها
عند المستشفي خاص الاني مت من عوارهم
الاسبوع هذا سوتها مرتين
فيهم حشوات بيض يبلهم علاج عصب
اخاف الغالين ما يعذوني
وفسرونها علي كيفهم
علموني بليز :yaaaaaarb:

 

[كادى الحب]

اهم شي اسنانج واهل العرس اعتذرى منهم واهم بيعذرونج وماتشوفين شرا

 

[قصة_هوانا]

مممم .. فسريلي شنو راح يصير بأسنانج اذا خضرتي العرس؟

 

[Polandya]

ميخالف روحي بس اكلي حبة مسكن يمكن ينفع ! اذا مانفع لا والله اهم شي راحتج
خل يفسرون اللي يفسرونه قولي العذر و بس

الله يعينج

 

[نحوله عسوله]

لا تعليق

 

[شذى2007]

ماادري بس عشااان اسنااان دوري حل لهم لو تروووحين شوووي وترجعين

 

[ام زهقانه]

الله يشهد ان ودي احضر بس محتاره وخايقه يشمون علي من البخور والعطور انا بيتي لا احط بخور ولا عطور من الم
اشلون احضر يبلهم علاج
اخاف اروح يشمون علي بالعرس ذيك الساع ابنقز وابجي منهم
مرات اقول لا اروح واخذ حبه واخذ من معاي
اشرايكم

 

[Vitch]

يابنات اهيا خايفه على اسنانها ولثتها تستشم وتلتهب من العطورات اتوقع جذي جربي تمضمضين بمره <<<< نصيحة الوالده هههههههههههههه

حاولي تروحين تسلمين اذا كلش ماتقدرين دقي عليهم بعدين وتعذري واذا انتي غاليه وعزيزه على قلوبهم اظن راح يعذرونج

 

[∫ ∫ ∫ ∫ جــوان ∫ ∫ ∫ ∫]

تمضمضى بمره تمنع الالتهاب واكلى مسكن

وما تشوفين شر

 

[ضماي هو وهناي]

مع الاخت اللي قبلي
اخذيلج مره وتمضمضي فيها ... واخذي منهت شويه وحطيها ببطل ماي صغير وشربي من الماي كل شوي ...المهم ريحتها بحلجج
الله يعينج كله ولا الاسنان ......
اسأل الله العظيم رب العرش العظيم ان يشفيج

 

[بيان العود]

ياختي اذاروحتج للعرس بتسببلج اذيه استريحي واهل العرس اعتذري منهم واشرحيلهم حالتج واكيد يبي يقبلون عذرج اما اذا ماقبلوفاماعندها ذوق الخلاصه لاتضغطين نفسج على حساب صحتج

 

[فيونكه..~!]

ي حبيبتـي أهم شششي سسلآأمتك محد بينفعك حتى لو كـآأنوآ قريبين منك

بسس أذ مـآأتبين تزعلينهم روحـي آلععرس وأقععدي سـآأعه ة أوسسـآأعتين وبعدين حـآولي تعذرين منهم ..,

وأرججعـعي بيتك

وآلله ة يششـآأفيك

 

[tt2tt]

لا تروحين اهم شي الصحتج واسنانج

 

[! هُوْ وِينِه !]

تمضمضي بمره ومآ تشوفين شر وأخذ خوآ جوآ بعلبه وشميهآ قبل مآ تدشين للعرس

 

[إبتسامهـ]

انا اقول روحي باركي لهم مو شرط تحضرين العرس كله

 

[أعشقه]

والله اذا اسنانك خف الالم منهم وتقدرين تروحين توجبينهم وعن قولت ان هم مهمين عندك وغالين
روحي حتى لو ع السريع تباركين وتمشين .. ع الاقل يقولون تعنت وجات وهي مريضه ويعرفون معزتهم وغلاتهم عندك ..
انا والله كنت مريضه طلعت من المستشفى ورجعت البيت ضبطت وضعي ع السريع بكل شي بسيط وخفيف
ورحت وزواج اختي بعد ومامداني اروح الصالون واكشخ .. انا عدلت نفسي بنفسي ورحت اشوي ساعه يمكن ودقيت ع زوجي بعدها عشان برجع البيت اهم شي يقولون جات .. مع العلم يعرفون اني تعبانه ..
/
انتي شوفي وضعك لان الم الاسنان كارثه بصراحه ..
اذا تقدرين روحي واذا ماتقدرين لا تروحين اهم شي صحتك

 

[ياحُبِي لِلكويت]

اللي يريحج سوويه يمكن تصيرين زينه قبل العرس مثل ماقالوو البنات جربي المره والمضاد واذا شفتي نفسج طيبه روحي او اذا حاسه بألم لاتروحين المهم سلامتج الا الشمم يأثرعالراس والاذن ويضيق الخلق ,,الله يعينج

 

[زبــــــــدة]

اخذي مسكن كاتافلام وحده بوحده وايد يريح

 

[كرستاال]

عادي روحي وخلي المرة دايم معا

 

[popa]

ههههه
من صجج تتحجين ولا تتغشمرين؟