محتاره وين اسافر ساااااعدوني؟؟؟

[Un!QuE G!RL]

السلام عليكم
محتاره وقلت ماكو الا خواتي الحلوين يساعدوني :eh_s(22):

بنات انا بسافر شهر 10 بعطلة العيد والصراحه للحين ما اخترنا دولة
ابي تساعدوني في بالي 3 دول بس ما ادري شنو انفع لوضعي

انا وريلي وعيالي ولدي 3 سنوات ونص وبنتي سنه ونص
عشان جذي محتاره ابي دوله ما اتنقل فيها وايد وكل شي يكون موجود يمي
لمدة 10 ايام
واللي تقترح علي هم تفكر بالجو شهر 10 كل دولة هل يناسب وضعي


ماليزيا

تركيا

ألمانيا


ابي اللي ترد تقولي اقتراحها عن تجربة
ناطره ردوووركم لا تطولوووون :yaaaaaarb:​

 

[نـعـومـه]

ماليزيا

حيل حلوه حق اليهال فيها ملاهي وحدايق وعروض وملاهي مائيه وهم فيها مجمعات

مثلا عروض الفيل والدلفين والطيور

ملاهي العاب عالجبل يبيلها يوم كامل

حديقه فراشات وطيور ورود وفواكه

رحلات سفاري وحدايق حيوانات وغير المجمعات

بخصوص الجو ماليزيا رطوبه وحر بس شهر 10 يمكن اهون من شهر 8 و7 لان انا رحتلها شهر 11 الجو زين لابرد ولاحر




تركيا

مارحتلها بس ناس تقول اوضاعها موذاك وناس تقول مافيها شي احترت !!!



المانيا

هم مارحتلها بس جنه وايد عليها 10 ايام لازم معاها دولة ثانيه بس هم الكل يقول عنها حلووه وفيها ملاهي يوروبارك والجو برد اذا بخاطرج حيل اوربا ضيفي مع ألمانيا فرنسا

مثلا فرنسا 3 ايام ألمانيا 7

 

[بنك بااستا]

انا أقول تركيا قريبه وحلوه وعيد حق الجهال

 

[لمسات فتاة]

تركيااا حلووه
بورصه واسطنبول
بالتوفيق:** ورحلة ممتعة

 

[royal travel]

 

[honey lust]

ماليزيا انسب شي بس مشكلتها بعيده شوي

تركيا كلش ما تسوى لا تفكرين تروحين لها

المانيا مادري ما رحتلها فما اقدر اقيمها بس اللي اشوفه ان المانيا ممكن تروحيلها بأي وقت ثاني بالصيف و جوها هم راح يكون حلو

مو نفس ماليزيا بالصيف رطوبه فتنتهزين الفرصه الحين احسن و جوها عائلي مناسب لكم

 

[.:lady bug :.]

دام فيها يهال ماليزيا اتهبل للكبار والصغار

 

[الـكـاديـي]

ماشاءالله ماليزيا غير هواها

 

[امـ خــزامـى]

اتوقع تركيا احسن حل

 

[SILVER ROSE]

ماليزيا

 

[حلاوة سكر]

انا توني راجعه من ماليزيا اختي

وكان ويانا يهال .. انبسطنا وايد الحمدلله

عيبها الرطوبه فقط ,, لكن فيها خيارات كثييره وماتتمللين ابد

-----------------
تركيا مارحتها بس اهلي يمدحونها وايد ، من جو واسواق وطبيعه
مادري اذا تناسب اللي وياهم يهال او لا

---------------------

المانيا روعه وفيها اماكن وايد تزورينها
واهم شي مغارة هتلر اذا الله كتب لج ورحتي لازم تاخدين جوله
بهذا المكان لان ماشوف ناس وايد تعرفها او تروح لها
بس فعلا احس وايد عليها 10 ايام ، مع ان المنتزهات فيها حلوة
والالعاب كذلك واخبر سوقها رخيص مقارنه مع باقي اوروبا

 

[$حبيبة عبودي$]

المانيا تهبل وعشق لاينتهي بارده بشهر 10
بس لازم تروحين معاها زلامسيه وتمرين كابرون ولازم تاجرين سياره عشان ارخص لكم

 

[تاتو_11]

اذا تبين شرق اسيا تايلند عجببة روحي بانكوك ولا راح تحتاجين تتنقلين


النمسا توني رادة منها اجواءها خيالية روحي زلمسي رائعة بمعنى الكلمة ويمها منطقة اسمها كابرن فيها تل فريك وتبعد عن زلمسي 10 دقايق

 

[نـعـومـه]

هااا وين رحتي