محتاره ومو عارفه وش اسوي؟؟

[جودي 130]

السلام عليكم بنات
انا محتاره كثير وخايفه صارلي سنتين متزوجه ولسه ماالله رزقني بعيال والحين الدوره متاخره علي 12يوم بس في موعدها نزل معاي وانتو بكرامه دم بني خفيف اذا مسحت بالكلينكس بين واستمر معاي يومين وبعدها وقف هي مفروض نزلت علي 14/6/2011وبصراحه سويت تحليل دم عادي لما تاخرت ثلاث ايام ومابين شي وسويت بول الله يعزكم ومابين شي وبصراحه خايفه اسوي التحليل واتحطم لاني من قلب كرهت شي اسمه نيقتف واول مره تتاخر علي هالمده وبصراحه ماحسيت باعرض الا شوي ينزل معاي افرازات والم بظهري وخمول بجسمي احيانا وش تشورون علي

 

[جودي 130]

وش دعوه بنات ولا وحده ترد علي

 

[barosha]

مابي اقولج حامل وبعدين تنصدمين وضيق خلقج

بس بقولج انه هذي اعراض حمل​

 

[ورود خذلتها العاصفه]

مراات تاخر الدورة ويكون مافي حمل انسي الموضوع ولا تحاتين واجد

بس كثرري من الاستغفار والدعاء بالسجود
قولي اللهم لاتذرني فردا وانت خير الوارثين

والله يرزقج بالحمل ياارب

 

[جودي 130]

مابي اقولج حامل وبعدين تنصدمين وضيق خلقج ​

بس بقولج انه هذي اعراض حمل​

الله يسمع منك يارب ويسهل عليك ولادتك
بصراحه اول مره اصبر كل هالمده احس من اتذكر التحليل اخاف:eh_s(2):

 

[جودي 130]

مراات تاخر الدورة ويكون مافي حمل انسي الموضوع ولا تحاتين واجد

بس كثرري من الاستغفار والدعاء بالسجود
قولي اللهم لاتذرني فردا وانت خير الوارثين

والله يرزقج بالحمل ياارب

ماقصرتي بس اذا مافي حمل ايش يكون السبب غالبا لتاخر الدوره كل هالمده
والله يعطيك العافيه على ردك :eh_s(7):

 

[زين ودلال]

عيدي التحليل

 

[عالمي المجنون]

الله يرزقج بالذرية الصالحة

ان شا الله

 

[جودي 130]

ـ امين يارب الله يسمع منك وان شاءالله راح اعيد التحليل والله يكتب الي فيه الخير[

 

[kookiss]

اعراض الحمل هذي حبيبتي
بس احتمال التاخير من كثر التفكير والنفسيه
انتي توكلي على الله وسوي تحليل الحين في ناس مايبين معاهم اول ايام الدوره الحين يبين بالسونار ولا تحليل ان شالله
وياااارب تطلعين حامل وبشرينا

 

[mama-dodo]

الله يرزقج بس الاعراض اعراض حمل
ويمكن مايبين انا اعرف وحده مابين انها حامل إلا بعد شهرين حسب جسمج

 

[بتبوتااا]

حياتي قطعي الشك باليقين وسوي تحليل ويالله يااارب تطلعين حامل ياقلبي ..

 

[إستبرق]

الله يكتب لج الي فيه الخير يارب
واحسن لج روحي حللي هرموني
وربي يرزقج

 

[جودي 130]

انا ناويه اسوي التحليل يوم الاربعاء بس تتوقعون اذا سويت تحليل دم عادي ماراح يبين ولااوضح هرموني

 

[&هند&]

حبيبتي انا صار فيني جذي مرتين مره حمل والمره الثانيه هرمون الحليب مرتفع عشان جذي ماتنزل الافضل ان تروحين لدكتورتج تسوليلج تحاليل وتعطيج ادويه تناسبج ،،،،،​

 

[أم حيدر]

حللي وتوكلي على رب العالمين

اذا حامل فهو فضل ونعمه من رب العالمين
واذا مو حامل فهو أجر وحكمه من رب العالمين

انا بولدي صار جذي نزلت علي الدوره اول يوم بموعدها وراحت

وتحديت زوجي وقلتله صدقني حامل ، حللت تحليل دم وطلعت حامل

 

[جودي 130]

حللي وتوكلي على رب العالمين

اذا حامل فهو فضل ونعمه من رب العالمين
واذا مو حامل فهو أجر وحكمه من رب العالمين

انا بولدي صار جذي نزلت علي الدوره اول يوم بموعدها وراحت

وتحديت زوجي وقلتله صدقني حامل ، حللت تحليل دم وطلعت حامل

ماشاءالله تبارك الله انا رحت امس وسويت تحليل دم وطلع مافي حمل وقالت لي دكتورتي انتظري بعد اسبوعين اذا مانزلت نرجع نسوي لك تحليل واذا نزلت بنشوف هرموناتك وانشاءالله يارب ابشركم ماادري ليه نفسيتي مرتاحه وهذا اهم شي الحمدالله ولاتنسوني بدعاكم ولكم بالمثل يارب

 

[ملكه الحطب]

انا الحين مثلج ويمكن احلل هرموني او انطر لي الاسبوع الجاي

 

[جودي 130]

انا الحين مثلج ويمكن احلل هرموني او انطر لي الاسبوع الجاي

يارب الله يحقق الي ببالك ويرزقنا بالذريه الصالحه المعافاه ونبشر بعض انا بنتظر اسبوع او اسبوعين وبعدها بحلل والله يكتب الي فيه الخير وعلميني ايش يصير معاك