محتاره والله ... شنو الحل ؟؟ مليت من البطاله

[DoDoPe]

السلام عليكم

مساكم الله بالخير خواتي

باختصار انا خريجه جامعه الكويت علوم اداريه
تخصصي تمويل وعندي شهادة بالتحليل المالي

صارلي 7 شهور من تخرجت .. قدمت على كل مكان بالخاص
جان بنوك والا هيئات والا بترول .. عدو ولخبطو

وقبل فترة نزل اسمي بالديوان وزارة التربية !!!!!

وفي ناس بس مو من الوزارة .. قالو يحطونج شؤون طلبة او ادارية بالمنطقه التعليمية

معقووووله ؟؟؟

انا رفضت وطلع اسمي بعد مره اليمعه اللي طافت هم وزارة التربية

المطلوب ياخواتي .. اصبر والا اروح الوزارة عل وعسى مكان زين ؟؟؟ والا شسوي ؟؟

مليت من البطاله ومليت من الواسطات اللي توعد ولا يطلع منها شي وكل من يوعدني من صوب !!

 

[-Bello-]

رد : محتاره والله ... شنو الحل ؟؟ مليت من البطاله

وحي شوفي المكان بالاول وبعدها قرري .. وهم صلي استخاره والله يوفقج انشاء الله ..

 

[گـحِـلْ |~]

رد : محتاره والله ... شنو الحل ؟؟ مليت من البطاله



حلووه وزارة التربيه والعطل عندهم حلوووة

 

[نـعـومـه]

رد : محتاره والله ... شنو الحل ؟؟ مليت من البطاله

شفيها اذا صرتي اداريه بالتربيه !! اذا رحتي وزاره ولا هيئه هم بتصيرين اداريه

عاد التربيه ألف من يتمناها

استخيري اول وروحي شوفي المكان وبعدين قرري واذا نويتي ترفضين ديربالج يطوفج 15 يوم ومارفضتي او كشتي بعدين يحطولج بلوك 6 شهور

 

[DoDoPe]

انا مايهمني العطل ولا ايهمني المعاش

بالدرجة الأولى ابي مكان يقدر شهادتي .. وانا لو اشتغلت بالخاص اشتغل كمحلل مالي .. وشهادتي مالت التحليل المالي معتمده من امريكا
مابي مكان مايرضي طموحي حتى لو معاش قوي وعطل انا الحمدلله ماتستهويني هالسوالف

لو اكرف من الصبح لي بليل بس اهم شي مكان زين وناس اتقدر وشغل احبه

-----

والتربية يسمونها مقبره الطموح مستحيل اقعد 10 سنوات على كرسي واحد ومسمى واحد ولا ترقيه ولا بطيخ

الله كريم

 

[نـعـومـه]

رد : محتاره والله ... شنو الحل ؟؟ مليت من البطاله

فهمت قصدج

انتي تبين مكان راقي ومستواه عالي ومعاشه زين

عيل عندج الهيئات والمؤسسات او وزاره الماليه

اذا كلش ماتبين التربيه رفضي ونطري يمكن تحصلين مكان احسن

 

[$حبيبة عبودي$]

رد : محتاره والله ... شنو الحل ؟؟ مليت من البطاله

الله يعطيج اللي بالج

 

[مـــوكـــا]

رد : محتاره والله ... شنو الحل ؟؟ مليت من البطاله

والله شوووفي اذا الله موكاتب لج هالشغلله ترى راح تكووون حييل صعبه ومستحييله بعد


علعموم الله يكتب اللي فيه خيير ياااارب وصلي استخاااره
الله يوفقج ويحقق طمووحج يااارب
((عسى ان تكرهوا شيئا وهو خير لكم ))

 

[frawlah_83]

رد : محتاره والله ... شنو الحل ؟؟ مليت من البطاله

DoDoPe
عندج CFA !!!!؟؟؟؟

شوفي دام انتي عندج طموح وجذي عيل رفضي منه امه... سوي ربط بالماليه ودوري في امكان ثانيه

ردي حركي ال CV مره ثانيه شكثر صارلج من قدمتي على البنوك ؟؟ ترى البنك الوطني الي سمعته قاعدين اقابلوون الي مقدمين عندهم عندهم شواغر واايد... حرام تمويل تروحين التربيه خصوصا اذا عندج طمووح

بس اهم شي بالبنك ماتتشغلين في الفروع...

ااذا حابه اي مساعده دزيلي بالخاص يمكن اقدر افيدج وين تقدمين انا كنت اشتغل في بنك واللحين في شركه

 

[Esraa.a]

رد : محتاره والله ... شنو الحل ؟؟ مليت من البطاله

انا حالي من حالج البطااااااااااااااااااااااااااااااله ذابحتني


انتي قبلوج بالتربيه .. انا قبلوني بالأوقاف .. بس رفضت

 

[Om_Ksha]

من صججججج !! لالالالالا نطري يا تنطرين و تتوظفين مكان ترتاحين فيه ولا لا قعددي نطري حراام مشاءالله زينه شهادتج وايد تبارك الرحمن ..

انا نطرت سنه و نص تخصصي محاسبه و اليوم داومت اول يوم

ياما بجيت و تحجيت ابي اتوظف بس ماكو فايده االلي الله كاتبه لج بيصير و انتي اجتهدي و لا تيأسين كلش !

والاهم من كل هاذا لا تعتمدين على احد كلللللللش !

قدمتي على البترول كان تقديمهم توه ؟ و المدير مالهم قايلي الللي عنده هالشهايد ناخذهم نبي جذي احنا ..

قدمي قدمي و تصدقي و استغفري و توكلي على الله و يااارب تتسهل امووورج !

 

[Wi-Mi]

حبيبتي الصراحه مشاءالله لا اله الا الله شهادتج قويه و تخصصج حلو .. و التربيه مثل ما قلتي مقبرة الطامحين ..

يعني انتي يبيلج قطاع خاص .. ان ما انصحج بالتربيه

و الله حرام

و اذا تبين تتأكدين اكثر روحي شوفي وين حاطينج بالتربيه و استخيري و انشالله الله يكتب اللي فيه الخير

موفقه انشالله =)

 

[DoDoPe]

فـــديــــــتـــــــكــــــم والله

بس كنت محتاجه اسمع هالكلمتين منكم

واللي بيصير جذي راح اروح باجر الوزارة واسأل عل وعسى مكان زين وماراح اقبل بأي مكان وراح استخير وانطر والله كريم
يرزقني ويرزقكم اللي في بالنا يـــــــــــــــااااارب

-------------------------

ياحبايبي انا قدمت على وااايد اماكن وكل مكان ياخذ اوراقي ويوصلوني السما لدرجة اطلع من عندهم وانا ضاامنه الوظيفه
واخرتها مايدقون ولا شي

على العموم الله كريم سبحانه قااادر على كل شي .. ومالي الا الصبر

 

[kuwaitya-frawla]

روحي قطاعات الخاصه وخري عن الحكومه دام عندج طموح حبيبتي

 

[q8**girl]

رد : محتاره والله ... شنو الحل ؟؟ مليت من البطاله

لاا لاااا لااا ترضيين بالتربيه

حراام اختي كانت علوم تخصص بيولوجي تخيلي قطوها بتربيه ورضت بغتت اتمووت ماحبت المكان كلش لان احنا انحب نكرررف بس تبي احد اقدر ماكو صج مقبره وبعدها بالقصصب اطلعت من الوزاره وودها مدرسه وكانت العن بعد مسكيينه الحيين مابقى واسطه مابقى بطييييخ ماحطوله اللحين واخيرا انتقلت جامعه الكويت اتقول صج فرق ...

استخيري اول شي مدام انتي طموحه لاتدفين نفسسج فيه اغلب الي يبون التربيه عشان الراحه والنوم والاجازاااات

الله ييسررلج الخير ويين ماكان :*

 

[DoDoPe]

بعد عمري والله ماتقصرون لا خلا ولا عدم

انشالله انا باجر بروح الوزارة واشوف اشسالفتهم بس

لكن انا ابي قطاع خاص ادري ان وافقت على التربيه ماراح اطلع منها الا بطلعه الروح

والله يسهل وييسر اموري وامور الكل ياااااااااارب

 

[Wi-Mi]

امين يا رب موفقه انشالله

و قولييلنا شصير وياج ؟؟؟ =)

 

[DoDoPe]

ياحبيباتي اليوم رحت الديوان ورفضت التربيه بالثلاث

ارفض
ارفض
ارفض
وبشــدة

وسويت ربط على الماليه مع اني حتا الماليه ماودي
ابي براا القطاع الحكومي

وناطره البقيه مثل البترول والصندوق والبنوك
والله المستعان .. وبالتوفيق للكل واشكر ردودكم العسل والله
اللي ان دلت اتدل على اصلكم الطيب :**

 

[نـعـومـه]

رد : رد: محتاره والله ... شنو الحل ؟؟ مليت من البطاله

ياحبيباتي اليوم رحت الديوان ورفضت التربيه بالثلاث

ارفض
ارفض
ارفض
وبشــدة

وسويت ربط على الماليه مع اني حتا الماليه ماودي
ابي براا القطاع الحكومي

وناطره البقيه مثل البترول والصندوق والبنوك
والله المستعان .. وبالتوفيق للكل واشكر ردودكم العسل والله
اللي ان دلت اتدل على اصلكم الطيب :**

ليش حطيتي ربط دام ماتبين ؟!!

عاد بالعكس المالية زينه ووايد بنات يتمنونها

شوفي الاماكن الزينه واللي احس تصلحلج لانج ماتبين اي شي : الشركات .... بنوك .... التأمينات الاجتماعيه .... الخارجيه ... المالية .... ديوان الخدمة المدنية .... البطاقه المدنية .... البترول