محتاره منو يساعدني؟؟؟

[الاء النور]

مرحبا شلونكم

انا ان شاء الله ناويه اسافر بعد ما اولد بالسلامه ادري السالفه وايد مبجر بس عشان اعرف الميزانيه

انا ان شاء الله ولادتي شهر 11 وناويه اسافر اوروبا انا وزوجي والبيبي ف وين تنصحوني وجم الميزانيه وودي اروح فرنسا وابي دوله ثانيه حلوه وتكون ميزانيتها زينه

 

[ريحة الكويت]

ان شالله تولدين بالسلامه
روحي النمسا والمانيا

 

[ام خوووخه]

الله يقومج بالسلامه ولادتج معاي 
انا مثلج كنت محتاره ونزلت موضوع اسال البنات عن برشلونه وايطاليا واستقريت على باريس وبرشلونه باذن الله
لا ما انصح بالنمسا لان كلها طبيعه وبالشتا راح تكون كئيبه لامناظر ولا سياحه مثل الصيف انصحج تروحين برشلونه او بلجيكا قريبه وتكلفتها اقل

 

[$ بنت علمي $]

تولدين بالسلامه ان شاءالله

روحي المانيا لندن سويسرا

 

[AVE.NJ]

ماانصحج تسافرين مع ياهل
راح تبتلشين باكله ونومته وماراح يستانس
انصحج حطيه عند امج
وروحي اسبانيا ماربيا حلوه وباريس حلوه ولندن تونس بهالوقت ومشتراة
والميزانية تعتمد من 3000الي 5000
تقريبا

 

[نـعـومـه]

يعتمد تحبين لويه عندج لندن وباريس

الهدوء سويسرا النمسا

الميزانيه يعتمد عالايام بس تقريبا 3000 وصاعد

 

[mamlo7a]

انصحج تاخذين كروز اسبوع راح تلقين عندهم حضانه يهتمون بالياهل او بيبي ستر اتيي لج ليما الغرفه و انت تطلعين و تستمتعين و انت متطمنه على الياهل و طبعا الكروز تشمل الوجبات الثلاث و تنزل كل يوم في مكان الصراحه روعه ما تتطوف و تصلح حق ريلاكس عقب ما تخلصين تفرفر تروحين فوق و تقعدين تتطمشين على منظر الغروب الروعه
شوفي الصور مالتي انا مصورتها يوم سافرت بالكروز

اسعار الكروز بروحها ابتداءا من 400 و طالع حسب نوع الغرفه اذا تبين تحجين راسليني على الخاص

 

[!amorra!]

البيبي مايصلح تاخذينه لان بردهم يكسر العظام

انا العام بباريس بشهر 9 قلب ويهي ابيض من البرد

روحي ماليزيا او تايلاند بشهر 10 رووعه

 

[ام خوووخه]

يابنات المره ولادتها شهر ١١ يعني تطلع من النفاس باذن الله اخر ١٢ او ١ شوديها سويسرا او النمسا هذي الدول بس مصيف عكس لندن او باريس او اسبانيا هالدول اوك بس حرام مع البيبي بردهم يكسر العظام اجلي سفرتج للصيف او غيري وجهتج عن اوروبا كلها اذا ماتقدرين تخلين البيبي

 

[ام مهاوش]

اوروبا شهر 11 وبيبي توه مولود!!!!!
حرااااام الجو راح يكون بارد خليه وروحي اذا تقدرين واذا ماتقدرين اخيه وروحي دوله جوها عادي مو بارد مثل اوروبا عندج دبي جوها حلو هالوقت