محتاره في احد نفس حالتي ؟؟ او عنده فكره عن حالتي يساعدني :(

[a7la siorah]

السلام عليكم ورحمة الله وبركاته


بقول لكم حالتي الغريبه من اول ما حملت نزل علي دم يوم ويوقف ويرد ينزل علي لما سقطت البيبي في الاسبوع ال 14

وصارلي شهر ونص مسقطه والدوره ما يتني لي الحين وكل ما احلل بول تكرمون ماكو حمل

بس مو هنيه المشكله \ المشكله ان نزل علي دم اليوم بدايته وردي عبالي دوره بس وقف

وبعدها نزل شوي بني الحين هذي تعتبر دوره ولا شنوووو

؟؟؟؟؟؟؟؟؟؟؟؟؟؟ ولا يمكن اكون حامل بس انا حيل خايفه من سالفة الدم لان عندي تجربه سابقه ونزل البيبي :eh_s(2):

 

[هيللو كيتي]

والله ماعندي فكرة ، بس راجعي دكتور اضمن لج والله يسهل امورج..

 

[a7la siorah]

الاسبوع الياي موعدي

وانا مو قادره انام ابي احد مر بنفس حالتي تقولي شصار معاها

 

[a7la siorah]

ابببب

 

[زمردة مشعة]

up
up
up

 

[ام الحلوااات]

حـــلــلــــي هــــرمـــونـــي ويــبـــيـــن مــعـــاج نـــســبـــه الــهــــرمــــون اذا الــنــســبـــه صــــاعــــد يــعــنــــي حـــــــامــــل
ولـــو ثـــابــتــــه يـــعــنـــي مـــاكـــو حــــمـــل
واللـــــــــه يـــكـــتـــــب لـــج الــحــمـــل ويــــرزقـــج بـــاالـــذريــــه الـــصـــالــحــــه عـــــــــاجــــــلآ يــــاااارب

 

[نونو النويره]

انا اقول روحي للدكتوره اميره بهبهاني عيادتها بالفروانيه نصيحه

 

[FJ style]

سوي هرموني اذا في حمل ضروري تراجعين عشان لا يطيح
واذا مافيحمل حبيبتي عطي نفسج جم شهر راحه قبل لا تحملين مرة ثانية جذي يتعب الرحم

 

[ريح قهوه]

الله يرزقج

 

[حب1985]

خل يسوولج سونار ويشوفون الرحم والمبايض وسوي تحاليل وانشالله لاتحاتين حبيبتي

 

[! بــدويه وآآيــد !]

،



حبيبتي انتي سقطتي والبيبي كبير يعني رحمج تمدد وكبر

لازم ضروري ضروري تريحين ماتحملين شهرين اقل شي لما يرد رحمج لوضعه الطبيعي
راجعي مع دكتور او دكتوره زينين والله يشفيج يارب ويعوضج

 

[زين ودلال]

ان شاء الله يكون حمل

 

[احلامي غير]

الله يطمن بالك يارب والله ماعندي خلفيه بس افضل لو تروحين تشيكين عند دكتورة على الاقل لو سونار تاخذين تطمنين

 

[ابدا يالغالي مانساك]

ان شالله حمال انا صار ويااي نفسج

المهم راجعي وخوذي مثبتاات انتي جهااض سابق فديرري بالج

 

[ام الزين2000]

الله يرزقج ان شالله

 

[رحيق]

حسب خبرتي التسقيط شيء صعب على رحم المرأة موسهل لازم ترتاحين لمده 6 شهور التسقسط اضعف ظهر المرأة فلازم 6 شهور ترد عافيتج ويرتاح الرحم والظهر

وانتي ألحين مثل الوالده تقريبا يبيلج 40 يوم لما تنظفين عدل اتوقع بعد الأربعين يوم تنزل عليج الدورة

والمفروض الدكتورة تسوي لج تنظيفات واذا ما سويتي تنظيفات شربي أشياء دافيه وحسو ودارسين ومراميه وحطي تحاميل الي واتنظف الرحم وابتعدي عن المشروبات البارده والأيس كريم وانصحج تراجعين دكتورة أمراض نساء وولاده

وربي يشفيج ويرزقج الذريه الصالحه

 

[خوخة سمسم]

حبيبتي انا بالضبط لما سقطت صارلي مثلج

واول دورة جاتني بعد التسقيط كانت ب رمضان
المهم نزل علي دم وسائل بني لمدة يومين

وانقطع يومين

وبعدها نزل علي دم 9ايام
خبرتني الطبيبه انه بقايا من عملية التنظيف مع الدورة ..

والحمد لله بعد هالدورة حملت..

الله يعافيج ويشافيج يارب

 

[a7la siorah]

نزلت الدوووره خلاص

مشكووورين حبيباتي ع الافاده