محتاره شنو اعطي ريلي هديه بعيد ميلاده!!!!

[Layali Dashti]

عيد ميلاد ريلي بعد شهر بس مادري شنو اعطيه هديه اذا عندكم اقتراحات رح استانس واستفيد

 

[جاسمريه]

اذا كنتي تبين هديه مميزه بالنسبه له جيبي هديه تخص هوايته المفضله

يعني مثلا انا زوجي عشقه السيارات تدرين شسويت ؟؟؟

اجرت له سياره اللي يموت عليها ومجنني فيها ليوم واحد وطبعا فاجاته فيها

والله العظيم يقولي خدوده عورته من كثر مايضحك من الوناسه

قولي لنا وش هوايته وممكن نساعدك في اختيار الهديه

 

[noor al3yoon]

رد : محتاره شنو اعطي ريلي هديه بعيد ميلاده!!!!

ساعه ماركة او قلم

 

[noody a&a]

رد : محتاره شنو اعطي ريلي هديه بعيد ميلاده!!!!

حبيبتي أتوقع أسهل شي هدية الريال او الزوج لأنج إنتي أقرب وحده له وتعرفين شنو يحب وشنو مايحب وشنو وده
تقدرين تعرفين من هواياته ولا شنو الاستعمالات اللي كل يوم ياإنج تشترين شي يحبه او يستعمله على طول أو شي وده فيه من زمان وماقدر يشتريه أو حتى ماحصله

ممكن يكون

نظاره من ماركه يحبها وبشرط إن تكون نظارته قديمه مو توه شاريها وتروحين تشترين وحده


إذا كان يحب لبس السبورت تقدرين تشترين له من الماركه اللي يحبها واللون إللي يحبه وممكن تشترين أكثر من لون


صندل أو نعال ماركه ويكون مناسب لستايله يعني رسمي على طول دشداشه ولا سبورت


ممكن العطر بس مو حلو العطر بروحه حلاته مع شغله ثانية تي شيرت أو شوفي شنو يحب


إذا تلفونه قديم ويحب التكنلوجيا والأشياء اليديده


الساعه اللي يحبها وتناسب ستايله


إذا كان من هوات البحر والصيد ويروح الحداق وايد ممكن تشترينله
نيفيقيتر يديد غير اللي عنده
http://im1.gulfup.com/2010-09/12857026362.bmp


إذا كانت وظيفته تتطلب منه ياخذ جنطه حق أغراضه ممكن تشترين له جنطه يديده إذا كان يهتم للموضوع وتكون مو بس الجنطه أكثر من شغله معاها حق المكتب


إذا كان من هواة الكمبيوتر و24 على اللاب توب ويسهر وايد عليه


وآخر شي تحجزينلج في فندق حلو وليلة رومانسية وكيكه وشموع والله يوفقكم ويسعدكم دوووووووم مو بس يوم




إن شاءالله يعجبج اللي عطيتج وإذا تذكرت شي أقولج بس أبي دعوه حلوة أدعيلي ربي يوفقني ويسعدني ويرزقني اللي في بالي

 

[Layali Dashti]

رد : رد: محتاره شنو اعطي ريلي هديه بعيد ميلاده!!!!

اذا كنتي تبين هديه مميزه بالنسبه له جيبي هديه تخص هوايته المفضله

يعني مثلا انا زوجي عشقه السيارات تدرين شسويت ؟؟؟

اجرت له سياره اللي يموت عليها ومجنني فيها ليوم واحد وطبعا فاجاته فيها

والله العظيم يقولي خدوده عورته من كثر مايضحك من الوناسه

قولي لنا وش هوايته وممكن نساعدك في اختيار الهديه

يعطيج العافيه حياتي وايد عجبتني الفكره قاعده ادرس موضوع هواياته

 

[Layali Dashti]

رد : محتاره شنو اعطي ريلي هديه بعيد ميلاده!!!!

ساعه ماركة او قلم

مشكوره عمري بس ساعه وقلم ماركه من قبل معطيته

 

[Layali Dashti]

رد : محتاره شنو اعطي ريلي هديه بعيد ميلاده!!!!

noody a&a مشكوره حياتي على الافكار اتصدقين اذا اقول لج تقريبا كلهم مجربتهم من قبل غير حجز الفندق بالفعل رح تكون رومانسيه وحلوه/ وانشالله الله يعطيج كل اللي بقلبج

 

[noody a&a]

رد : محتاره شنو اعطي ريلي هديه بعيد ميلاده!!!!

حبيبتي تذكرت شي وايد حلو إذا تقدرين على حسب إمكانياتج تروحين تجهزين جنطه لج وله ليوم واحد وتقصين تذكره ليوم واحد لأي ديره أهو يحبها وماتقولين له وتسوينها له مفاجئه وتاخذين جالجنطه وياج وتروحين المطار وتقولين له تعال المطار ضروري ألحين ولا تقولين له ليش وبإيي وروحي دخلو إنتي وياه وركبو الطياره وتكونين هناك بعد حاجزه فندق ليلة مثلا عيد ميلاده الجمعه1/10 تحجزين تذكره تروحون1 وتردون 2 السبت أو من يوم الخميس إذا تحبين إن بليلتها يعني 30/9 وتردون 1/10 وإن شاءالله تستانسون وطبعا حركات لبس وفعلا بتصير غير وشي ماتنسونه وأهو ماينساه وربي يسعدكم

 

[حنطاويه_84]

اعجبتني حركة الهواية اللي يحبها وهم حركة السفر

 

[~وريثة الملوكـ~]

واااي روعه حركة السفره
احلى هديه بعد

انصحج فيهااا وبقوه بعد

ربي يوفقكم ويهنيكم ان شااءالله ​

 

[Layali Dashti]

رد : محتاره شنو اعطي ريلي هديه بعيد ميلاده!!!!

حبيبتي تذكرت شي وايد حلو إذا تقدرين على حسب إمكانياتج تروحين تجهزين جنطه لج وله ليوم واحد وتقصين تذكره ليوم واحد لأي ديره أهو يحبها وماتقولين له وتسوينها له مفاجئه وتاخذين جالجنطه وياج وتروحين المطار وتقولين له تعال المطار ضروري ألحين ولا تقولين له ليش وبإيي وروحي دخلو إنتي وياه وركبو الطياره وتكونين هناك بعد حاجزه فندق ليلة مثلا عيد ميلاده الجمعه1/10 تحجزين تذكره تروحون1 وتردون 2 السبت أو من يوم الخميس إذا تحبين إن بليلتها يعني 30/9 وتردون 1/10 وإن شاءالله تستانسون وطبعا حركات لبس وفعلا بتصير غير وشي ماتنسونه وأهو ماينساه وربي يسعدكم

الفكره وااااوو

 

[Layali Dashti]

رد : رد: محتاره شنو اعطي ريلي هديه بعيد ميلاده!!!!

واااي روعه حركة السفره
احلى هديه بعد

انصحج فيهااا وبقوه بعد

ربي يوفقكم ويهنيكم ان شااءالله ​

شكلي باخذ فكرة السفره
مشكوره حبيبتي على مرورج والله يهنيج ويوفقج انشالله

 

[Layali Dashti]

رد : رد: محتاره شنو اعطي ريلي هديه بعيد ميلاده!!!!

اعجبتني حركة الهواية اللي يحبها وهم حركة السفر

مشكوره على مرورج حياتي

 

[مدام زيزو]

رد : محتاره شنو اعطي ريلي هديه بعيد ميلاده!!!!

انا عندي بوك كارتير من الصالحيه بكامل اوراقه عارضته للبيع سعره فوق ال120 دينار وببيعه ب70 وقابل للمساومه

 

[noody a&a]

رد : محتاره شنو اعطي ريلي هديه بعيد ميلاده!!!!

إن شاءالله تضبط معاج وتستانسون لأن جد وايد حلوة وبينصدم فيها وتظل في باله طول العمر

حبيباتي عفيه أبي دعوه ربي يوفقني ويرزقني حبيبي إللي في بالي أبيه بالحلال يارج يجمعني وياه ويسعدنا لأن صراحه معجزه زواجنا يصير محتاجه دعائكم بنات عفيه أدعولي

 

[dandooosh]

نودي : أفكارج عجيبة
أبي طاولة الاب توب ؟؟؟ ابي نفسها بالضبط ؟؟؟
وين ؟؟

 

[noody a&a]

رد : رد: محتاره شنو اعطي ريلي هديه بعيد ميلاده!!!!

نودي : أفكارج عجيبة
أبي طاولة الاب توب ؟؟؟ ابي نفسها بالضبط ؟؟؟
وين ؟؟

حبيبتي
والله ماأدري أنا شفتها بالنت وحطيتها بس يمكن تحصلين ب ذ ون بإيكيا بس ماأعتقد نفسها
وإن شاءالله أشوف إذا لقيت نفسها ببلغج


بنات دعواتكم لا تنسوني أدعولي ربي يوفقني ويسعدني ويرزقني اللي في بالي