محتاره شنو اتخصص بليز مساعده يابنات جامعة الكويت

[حلوه بس فصله]

السلام عليكم :aha:
بدخل على طول بالموضوع
انا ناويه اتخصص ياتاريخ كلية الاداب او علوم اجتماعيه اجتماعيات
لان نسبتي بس تدخلني هالتخصصين وانا ابي اصير مدرسه فياريت
الابلات اللي كانو بكلية الاداب تخصص تاريخ اقدر اصير مدرسه
وشلون دراسة التاريخ وبالمستقبل اذا ماحبيت تدريس الثانوي اقدر احول متوسط
اجتماعيات وشنو احسن
تاريخ اوروبي ولا اسلامي
وتدريس الماده سهل ولا وشلون الحصص انا حابه التاريخ لان مو
من المواد اللي حصصها وايد
يارييييييييييييييييييييييييييييييت تساعدوني
وهم خريجات علوم اجتماعيه اقدر اصير مدرسة اجتماعيات ولا لا
بليييييييييييييييييييييييز
وشنو احسن تاريخ ولا اجتماعيات

 

[منال القلب]

سواء اذا تخصصتي اداب تاريخ أو علوم اجتماعية تقدرين تصيرين مدرسة
وأنا أفضل تتخصصين تاريخ وبتكون موادج كلها بكيفان
وأكيد الافضل " التاريخ العربي الأسلامي " سهل وحلو ومعلوماته احلى واسهل من التاريخ الاوربي
التاريخ الاسلامي سهل حق التدريس وكله فيه عن غزوات الرسول والمعارك الاسلامية

واذا صرتي مدرسة ان شالله وماعجبج الوضع بالثنوي يصير تقدمين نقل داخلي للمتوسط يحطون فترة للنقل وتنتقلين عادي
بس دامج بتصيرين مدرسة وتبين تدريس روحي كلية التربيه واذا معدلج مايسمح ولا تزعلين الأداب والعلوم الاجتماعية يصير بس كرأي انا أفضل تتوكلين وتاخذين الآداب..

 

[بنت أجاويد]

علوم اجتماعية افضل واحسن حبيبتي

 

[حلوه بس فصله]

مشكورين
بعد بنات ابي ردووووووووووووود

 

[فجر Q8]

والله يا حلوه ما انصحج انج تاخذين تاريخ بكليه الاداب لان كل الدكاتره الزينه راحو ديرهم يعني لو قلتي لي قبل 3 سنين جان نصحتج بالاداب بس الحين لا والله الدكاتره ما يساعدون ونفسيه وطلبات تعجيزيه ويعترفون ويقولون احنا ما نرحم!!!!!!!!!!!

 

[هبونه88]

ترا التاريخ وايد حلو بعدين ترا مو شرط مدرسة بالثانويه بس يصير ابتدائي او متوسطة لان اخوي خريج اداب تاريخ حطوه مدرس ابتدائي وانا توا هالكورس تخرجت من الاداب تاريخ واسمي مرشح بوزارة التربية بس بعدهم ما دقوا على المقابلة

 

[..بسمة..أمل..]

هلا يا قلبي

انا تخصصي تاريخ وبكليه الاداب
شوفي يا الغاليه بنصحج نصيحه من اخت لأختها

انا حابه التاريخ وايد وناويه ان شاءالله اصير مدرسه ثانوية

ولاني حابه التاريخ الحمدالله كل شي سهل جدامي الحمدالله ماشفت دكتور شين بالعكس انتي وشطارتج
والله كل الدكاااتره يهبلون ماعدا 2 اللي اهما وااايد عسرين
د. نجاة الجناعي
د. عبدالمالك التميمي

اما الباجي والله العظييم انتي تثبتين نفسج مثل مو انا مسوويه
والحمدالله ماشيه اموري

ومن ناحيه التدريس تقدرين تتوظفين بأي مرحله كانت

وللعلم انا تخصصي تاريخ ومساندي علوم سياسيه

ونصيحتي لج اذا انتي حابه التخصص دشي وتوكلي على الله ماعليج من كلام احد
ترى قدراتج مو مثل قدرات غيرج

ومن ناحيه التاريخ ... التاريخ الاسلامي حلوو والاوربي مممتع
يعني يشووق
انتي اذا تبين اقدر اعطيج صحيفه التخرج مالت التاريخ تشوفين شنو المواد وكل شي

والله يوفقج يا الغاليه واذا بغيتي اي شي سؤال او استفسار انا موجوده

ويالله شدي حييلج وتعالي عندنا تصيرين زميلتي بالتخصص
;q


سوري قرقت عليج وااايد

 

[Talyan Rose]

اختي انا ما عندي فكره على الاداب

بس علوم الاجنماعيه اذا تخرجتي منها مستحيل تتوظفين مدرسه اجتماعيات
لانه اساسا ما عندها مواد اجتماعيات
فيها تخصصات غير مثل ( مكتبات وعلم نفس و gis ووعلم اجتماع و خدمه اجتماعيه )
خدمه اجتماعيه تصيرين اخصائيه اجتماعيه بس

 

[esTanosh]

إمممممممممممممممممممممممممممممممممممممم شوفي التاريخ غلج شويه ومعلوماته (((دسمه))) تدرسين كل شي يخص التاريخ القديم
في ماده بالثانويه عن تاريخ السلامي اكيد اخذتيها؟؟؟ هذي الماده جزء لايتجزأ من مواد التاريخ وترا دكاترت التاريخ بعضهم بعضهم مش ولابد وعموما تاريخ الاداب اصعب من التربيه يعني تاريخ الاداب صعب



بالنسه للاجتماعيه مافي تخصص اسمه اجتماعيات
في هالتخصصات

جغرافيا (طبيعيه او gis)
علم نفس
علم اجتماع
خدمه اجتماعيه
علوم سياسيه


وبالعكس تقدرين تصيرين مدرسه اذا تخصصتي جغرافيا تصيرين مدرسه جغرافيا اتوقع بالمدارس اسمها الوطن العربي شي جذي
وعلم نفس هم تصيرين مدرسه علم نفس
وعلم اجتماع هم تصيرين مدرسه تربيه حياتيه

بس مو اكيييييد يعني يقطوونج وين مايقطوونج اذا في نقص بالتدريس يقطوونج بالتربيه
بس دام انج حابه التدريس ترا التحويل سهالات دشي اي كليه وحولي التربيه


واهم شي صلي استخااره
وموفقه

 

[لؤلؤة الكويتْ]

أب
موفقه

 

[أم منيـرة]

اممم ،

الآداب ، فيها تخصصات حلوه مثل " الإنجليزي ، الفرنسي " ..

العلوم الإجتماعيه هم حلوه وسهله والتخصص الحلو " جغرافيا gis "

،

وانا لو خيروني بين هالثنتين بأختار " ألإجتماعيه " ،

مووفقه ..