محتاره..ساعدوني!

[Q8 EL 5ajolah Q8]

السلام عليكم

​

حبيت بس أوضح شغله قبل بدايه الموضوع هذا نك بنت عمتي وللأمانه اهي اللي خلتني ادش واكتب لكم موضوعي عشان اخذ اكبر عدد من الاراء ...


قبل جم يوم تقدملي واحد ولله الحمد خلوق وطيب والكل يمدح فيه ولكن هذا الشخص طلع ( لاعب كره قدم )!!!

طبعا عارفين شنو معنى لاعب يعني شهره ومعجبين ومعجبات هذا غير السفرات والاصابات!

أنا بالاساس ما كنت افكر بالزواج نهائيا لاني توني صغيره وما خلصت دراسه واكيد الزواج راح ياخذ معظم وقتي .. شنو تنصحوني يا أخوات هل ارفضه واكمل دراستي ولا شسوي؟ وهل شهرته راح تأثر على حياتنا في المستقبل؟


أنا ان شاءالله راح أدخل بالنك لمده يومين عشان اذا في أسئله أرد عليها​

​

 

[بتبوتااا]

 

[حلاه الكون]

صلي استخاره
وماراح تندمين

 

[Moon touch]

صلي استخاره
وماراح تندمين

افضل شئ:eh_s(15):

 

[مدمنــــة قهــــوة]

أول شي >> سألو عن الولد واذا كل شي تمام وتشوفينه مناسب

استخيري واستشيري

واذا لاعب كرة عادي يمكن يطلع خوش رجال واحسن من غيره

بس اهم شي استخيري (( ما خاب من استخر و ماندم من استشار ))

والله يوفقج يارب

 

[ام الدرر]

حبوبة
((اذا اتاكم من ترضونه دينه وخلقه فزوجوه)
كرة القدم مو عيب ولاحرام
واذا كان مصلي ويخاف ربه
لا تحاتين معجبات وسفرات
واهم شي استخيري
عسى الله يكتب لج الخير ​

 

[Gifts&Occaions]

استخيري

 

[سكوتي بذوقي]

استخيري اختي

اهم شي الأخلاق إذا كانت أخلاقه طيبه خلاص

وحطي شرط إنك تكملين دراستك إذا تمت الموافقه من عندك

الله يوفقك ويكتب لك اللي فيه الخير والصلاح يارب

 

[مناير ...!]

على حسب اهو منو؟؟ علمينا بالاول اسمه؟؟ << ههههه اضحك معاج
حبيبتي استخيري
وماعليج من المعجبات خطبج اهو ماخطبهم

 

[Q8 EL 5ajolah Q8]

مشكورين خواتي ويعطيكم العافيه .... وياريت احصل على عدد آراء باقي الخوات والله محتاره ودراستي اهم شي بحياتي مابي شي يلهيني عنها

 

[عتآق الخيل]

ما شاء الله احسك مو من النوع تهمك المظاهر
وعقـلآنيه كثير
ماعندي نصيحه غير ادعيلك
الله يوفقك واستخيري ياقلبي.~

 

[A.E]

الله يوفقك
واهم شي الاستخاره قبل كل شي
واهم شي الددين والاخلاق

 

[white**angel]

استخيري واللي الله كاتبه لج بيصير
والحمدلله لاعب مو ممثل وااايد فرق بينهم ترى
وترى حتى لو تاخذين واحد مو مشهووور بتلاقين البنات يتحاذفون عليه من كل صوب
بس اذا الريال صايم ومصلي وخايف ربه ماراح يأثر في شي بتكون مرته اهيا الوحيده بعينه
الله يوفقج ويكتبلج الخير

 

[نونه المنكوشه]

حبيبتي استخيري وتاكدي ربي بيختالج الافضل ساليني انا جم واحد يتقدملي والكل يمدح واقعد استخير وادعي واخرشي اكتشف انه مايناسبني سبحان الله الاستخاره عجيبه اهم شي استخيري وامشي بالموضوع واذا خيره ربي بيسرها واذا ع انه لاعب ومعجبات حبيبتي اهم شي اهوه اذا محترم ماتهزه هالسوالف ومايمنع اتكملين دراستج عنده والله يختارلج الخيره

 

[&&&&&&&&]

ما خاب من استخار وما ندم من استشار ​

 

[ماركة انثى‘]

آســتــخــيــري و آنــآ مــع آخـتــي ويــت آنــجــل كــلآمــهــآ صــح

و مــوفــقــةة

 

[Q8 EL 5ajolah Q8]

جزاكم الله الف خير على الردود اللي تثلج الصدر والله يريح بالكم مثل ماريحتوا بالي حبايبي والله ماتقصرون

 

[Tom ♥ Jerry]

.


قولي لانه مشهور من جذي انتي متردده
مو تقولين دراستي و غيره وغيره .. :d

حبيبتي استخيري و ما تنلامين ليه ترددتي
انتي بس استخيري و سوي الي ترتاحين له