محتاره بين لندن وتركيا

[kuwaitiya_84]

يعطييييكم الف عافيه كويتيااات

بصراحه محتاره وين أسفر عيالي عطله نص السنه ( عطله الربيع ) بين لندن وتركيا

ابي عالاقل 10 ايام لندن عندي خبره فيها وانا مدرسه انجليزي ما احاتي اللغه لكن تركيا اللغه

بلييييز ياريت تفيدوني معاي بنتي 8 سنوات وولدي 4 وريلي معطيني طاااف فرييي هالسفره

وخدامتي معاي اذا بروح تركيا او لندن عالاقل جم يبيلي واي طيران والفنادق بس

وبلييييييييز ريحووني مخي افتر بنتي عورت راسي وبغيت اعرف الخطوط الكويتيه عندهم

عرووض حق نص السنه ولا لا

 

[مرايم2009]

بصراحه انا احب لندن وايد ولندن ميزتها التسوق معنا فيها سياحه بس موكثر التسوق بس اتوقع ان تركيا تناسب اليهال اكثر واللغه لاتحاتين سمعت انهم اغلبهم يتكلمون انجليزي والبعض عربي والباجي بالاشاره وانا انشاء الله بروح تركيا بعطله الربيع واذا عزمتي على لندن مالج الا البريطانيه الطيران اينن حيل مريح روعه​

 

[مرايم2009]

ترى لندن غاليه بس تركيا حييل ارخصلج ولندن حيييل صعب تطلعين فيزا حق خدامتج كلش مو سهاله نهائيا واي سؤال عن لندن انا حاضره دزيلي عالخاص واذا خدامتج فلبينيه غسلي ايدج ماراح تقدرين تاخذينها

 

[رتو الكيوت]

تركيا نار وشرار نفس الاسعار !

روحي للندن انتي دافعه دافعه واونس

 

[ام _خلودي]

تركيا حلووه ولندن احلا بس بعد الزلازل انا اقول خلج علي لندن

 

[law love]

اذا عندج ميزانيه لندن

اذا ميزانيتج محدوده تركيا

اثنينهم حلويت بس يختلفون وايد

لندن سكنها غالي
تركيا السكن رخيص

التذاكر بعد تفرق وايد و كل ما حجزتي مبجر ارخص

 

[<miss botamba>]

كلهم حلوين وكلهم كافي لهم 10 ايام

 

[kuwaitiya_84]

تسلمووووون حبيباتي اسفه رديت متاخر انشغلت بامتحانات بنتي

بس هم محتاره قبل جم يوم دخلت على طيران الخليج وحطيت تاريخ اخر شهر 1 والرده اول 2 طلعت تذاكر الاطفال بحدود 70 والكبار رجال الاعمال شي 250

فمحتاره وعالسكن مايهمني الفندق كشخه ولا عادي لانه بسفترة نووم المهم يكوووون نظيييف ف موعارفه

 

[مشتطـه]

طبعآ وبدون تفكير لندن ماكو عليها

راح تونس اليهال وتونسج انتي وريلج


تهبل لندن ما تتقارن بتركيا

وتركيا ناااااااااااااااااااااااااااااااااااااااااااااااااااااااااااااااااار مو رخيصه كلش

توه رفيجتي راده تقول وجبتين بـ 8 دنانير من برقر كنق

 

[يـاسمينا]

حبيبتي ماكو مقارنه بين لندن وتركيا ,
لندن وين وتركيا وين نصيحه لاتفكرين بتركيا الشعب اييبون المرض ويكرهونج بالسفرا حتى لو ديرتهم حلوا ,

المهم الكويتيه لاتفكرين لانها غاليا عالفاضي وكلا تأخير ,
القطريه اسعارها حلوه وخدمتهم بعد حلوه ومرات يسوون عروض ,
واذا عندج ميزانيه روحي عالبريتش وترا عندهم مرات عروض حدها عجيبه بس جيكي على موقعهم ,

وعلى الفنادق عندج Thistle Marble Arch حليو وموقعا واايد زين بنص الاكسفورد وراح توفرين فلوس المواصلات ,

موفقه كل خير ..

 

[دلوعة أبوهآ]

اللي يقولك تركيا ارخص من لندن ..! ف هو غلططططان
تركيا الاسعار فيها ناااااااااااااااااااااااااار ..

وبصراحه سواء لندن او تركيا تكفيها و زود عليها 10 ايام ..
فَ اختاري الانسب واللي يريحكم

كلهم حلوين بس انا عن نفسي حبيت لندن أكثر ..

بس انتي شوفي شنو ميولك وعيالك شنو اللي يونسهم أكثر وتوكلي ع الله

 

[kuwaitiya_84]

تسلمووووون حبيباتي بس شرايكم بفندق كمبرلاند يمدحونه

 

[kuwaitiya_84]

اي ونسيت اقولكم وين احصل ملابس ام اند امز ولا ماعندهم وابي ملابس سمسم ستريت لاني حامل وابي اجهز

 

[ryoonah]

لنددددددن