محتاره بين فلكس وجامبيون؟؟؟؟

[Miss_Tiger79]

بنات
شلونكم
وشخباركم مع النوادي

انا الحمدلله ضعيفه وقبل كنت مسويه ريجيم وضعفت
والحين ابي نادي عشان ابي اشد جسمي

ورحت شفت فلكس وعجبني
وشفت جامبيون وهم عجبني بس هذا بزود لانج صج بعالم ثاني

ابي منكم الي مجربه واحد فيهم تمدحه او تذمه وشنو الشي الزين فيهم
واي واحد احسن
اابي منكم رد لانه الاسبوع الياي بشترك
وابيه حق الفتره الصباحيه

:aha:

 

[Miss_Tiger79]

اب

بنات الي عندها خبره بهالنوادي تقولي

 

[qa6wa_q8]

انا مشتركه بفلكس بس انطر ايخلص اشتراكي واروح شامنينز لنه ارقى وللنخبه فقد اليديييد

 

[روح مغليهآ]

انا بفلكس حلو نظيف بس زحمه وكلاساتهم قليله بس استخدم الاجهزه

 

[Saroon]

ماكو على جامبيوون بس وخري عن الكافتيريا لان اكلهم إينن

 

[يابختي]

لو سمحتو جم اشتراكهم؟؟؟

 

[ph-angel]

بنات جم اشنراك جامبيون و عندهم كلاسات ايروبكس؟

 

[جوووونم]

انا انشاء الله بشترك جامبيون
واللي اعرفة انه اشتراكهم 150 بالشهر

 

[غضى]

بنات جم اشتراك فلكس ابي شهر بس
وووين صاير ووهوا كبير نفس جامبيون؟

 

[وردة بيتنا]

فلكس مو مجربته

بس جامبينز حيل حلو

 

[روح مغليهآ]

فلكس 150 بالشهر و575 بالسنه حسب علمي اذا ماغيروا الاسعار

 

[Miss_Tiger79]

فلكس 150
شامبيون 250 بس الصراحه يسوى كافي الجو

بنات انزين انا ضعيفه بس ابي كلاسات عشان تعطيج لياقه ومرونه وتشد الجسم ؟؟؟؟؟
شنو هذي الكلاسات
وترى انا غرامي شي اسمه ايروبك

 

[Noda1977]

مافي مقارنة بين مستوى تشامبينز وبين فلكس اصلا !!!
فلكس كانه سجن قديم والديكور رمادي وحمام السباحه سوناااا حااار الجو فيه والنظافه مو شي ...

كافي اصلا مافي الا غرفه بخار صغييييره حق شخص واحد والسونا صندووق اما هناك لا جو ويطل على حمام السباحه والنادي كله صج صج فررررق شاااااااسع ..

هذا غير مواقف السياره هناك سكيوريتي وشغل مرتب ... انصدمت يوم شفته!!
واذا راح عليج يوم يا تروحين او تطرشي فاكس او ايميل ! اما تشامبينز لا تلفون وبالكرت يبين حضورج وانصرافج ..

واذا اشتركتي سنه لج 10 جلسات مساج اما بفلكس مالج الا 20 بالاميه خصم على المساج !!

وبعدين بس تصيرين عضوة وعندج ملف وخلص اشتراكج وتبين تجددين لج خصم 50 دينار على الاشتراك اليديد

يعني السنه اللي طافت اشتركت سنه ب450 دينار وهالسنه 400 دينار

انا امس جددت اشتراكي بتشامبينز

 

[Miss_Tiger79]

وايد شجعتيني
انزين هناك في متابعه لج كل ما اتيين على اساس الي يحتاجه جسمج من تمارين والا انتي ادشين على اي كلاس تبينه

وصاجه والله شي شرح شرح الصراحه تدرين حمام السباحه ما تشمين ريحة الكلور اي تقمت بالعكس الجو عجيب هناك رفيجتي تقول هذا مابي اطلع منه
وانشالله بشترك 3 اشهر
وشلون اسوي عضويه عندهم

 

[* LOVE STORY *]

بنات شلون على إشتراك العضوية فيه ؟
واليهال لويتهم يحوسون عندج ولا لهم مكان خاص فيهم ؟
حمستوني عليه صراحه

 

[*نور الكويت*]

جم إشتراكهم الشهري ؟

 

[shams]

ان شالله انا باجر بروح اشترك فيه
سنه 650 انا باخذ اشتراك عائلي انا وريلي يطلع ب 600 واهو يخصمونله اميه وخمسين
و3 شهور 450
و شهرر جنه 250
هاذا اليديد الي اتحجه عنه
اما القديم 450 و الشهر 150

وفلكس شتركت فيه سنه الصراحه حده قمته والوانه كئيبه
معنه اجهزتهم وايد

 

[مهندسة طموحة]

شامبيون اهو نفس شامبيز؟؟؟
في ناس كاتبين شامبيون و في ناس كاتبين شامبيز
شسالفه؟؟