محتاره بين حسبة الدورة والسونار

[om attami]

السلام عليكم

شلونكم حوامل

الله يقومنا بالسلامه من غير شر :aha:

بنات ابي اسألكم واتمنى الاقي ردود لاني حيل محتاره

على حسبة الدوره انا الحين بالاسبوع 30 ((للعلم الدورة مو منتظمة))
وبالسونار دشيت الاسبوع 32 ،،، الدكتورة اللي بالمستشفى اتقولي
امشي عالسونار واللي بالعيادة اتقول امشي عالدورة :bbbiu:

بليز اللي صارلها چذي شنو الصح على شنو مشيتي ؟؟؟​

 

[Miss trfa]

هلا حبيبتي انا نفسج صارت عندي خربطه بين حساب الدوره والسونار لان تبويضي صار متاخر

ف قالتلي الدكتوره اذا دورتج مو منتظمه نمشي ع السونار لان مانقدر نحسب متى صار اخصاب البويضه

اتمنى اكون فدتج

 

[om attami]

​

مشكوره حبيبتي ريحتيني ،، خلاص بمشي عالسونار انشالله واحسن ليش سابق حسبة الدوره
الله يسهل عليچ حملچ وولادتچ ويقر عينچ بشوفته بحضنچ

 

[هيللو كيتي]

انا بعد محتارة

ياليت تفيدونا اللي عندها خبرررة ...

لان كل ذكتور راي وحسبه

 

[om attami]

​

هيللو كيتي صاجه حبيبتي وهذا اللي خلاني احتار
انا قلت بمشي عالسونار
وحده عطتني 5/8
والثانيه عطتني 4/8
والثالثه عطتني 22/7
اول ثنتين عالدورة والثالثه عالسونار

 

[om attami]

​

سويت سيرچ لقيت ان السونار يحسب من اول يوم تلقحت فيه البويضه ،،،
ويحسبلچ حسب قياسات البيبي

 

[Om boosha]

وانا بعد السونار معطيني اسبوع وشي زياده
مو عارفه امشي علي السونار ولا الدوره
اذا علي الدوره ولادتي بتكون ٢٧ /٦
اذا علي السونار ٢٠ /٦

 

[المملكه غير]

امشي على السونار وبس

 

[om attami]

وانا بعد السونار معطيني اسبوع وشي زياده
مو عارفه امشي علي السونار ولا الدوره
اذا علي الدوره ولادتي بتكون 27 /6
اذا علي السونار 20 /6

​

الله يسهل عليچ ويسر ولادتچ ،، انا قررت عالسونار انشالله

 

[om attami]

امشي على السونار وبس

​

اي انشالله بمشي عليه والله يقر عينچ بشوفة النونو:yaaaaaarb:

 

[@ام يوسف@]

اكيد السونار لانه يحسب قياسات البيبي والله يقومج بالسلامه انتي والبيبي

 

[om attami]

​

ام يوسف حبيبتي الله يسلمچ من كل شر

 

[روح الأحزان]

الله يقومكم بالسلامة يارب بس حسبة السونار واايد اضبط

 

[عايشه بأمل]

حتى انا نفسك


حسبتي غير

والسونار غير ..!!

مع ان انا عارفه متى صار التلقيح .. السونار يزيدني 3 اسابيع !!

 

[~Rou7~]

والله ما ادري بس انا مو مقتنعه بحسبه الدورة

 

[غرومه غنوجه]

ترا مايعطونج الموعد بالضبط
بس انتي اول مادشين نهاية الثامن على اول التاسع ابدي امشي وحسبي حساب الولاده

والله يسهل ان شاء الله

 

[متفائله بربي]

علئ السونار انا صارلي كذا ومشيت ع السونار

 

["*آآآنؤؤؤقهـ*"]

السونار