محتاره بين الاثنين

[عزة النفس]

لسلام عليكم

حبوبات حبيت اشتشيركن ف موضوع

السالفه اني مطلقه ومريت مرحله قاسيه لاني تعذبت من الزواج لحد الطلاق

والحين بعد طول انتظار تقدم لي شخصين

الاول عازب وعمره 33 وبيسكن بقسم ف بيت أهله وراتبه ووظيفته بسيطه وهو عنده شهادة ثلاث ابتدائي فقط

والثاني متزوج عمره 35 وبيسكني في بيت خاص ووظيفته وراتبه ممتاز وعنده الماجستير

والاثنين على دين وخلق

وانا ف بداية الثلاثينات وماعندي عيال
واخاف ابقى طول عمري بلا زوج وخصوصا حاليا متشتته في بيوت أخواني

ابي يكون لي عائله :ioljnmlk:

وفي نفس الوقت اخاف افشل في الزواج مره ثانيه

نصحووووووني الله يخليكم

 

[عزة النفس]

اخيرا نزل موضوعي بعد انتظار

سااااااعدوني اخواتي بنصيحه

 

[ام الدرر]

حبوبة
((خذوهم فقراء يغنيكم الله ))
المتزوج مايشفع لها فلوسه ووظيفته ومركزه
عنده بيت وزوجة وعيال
بتعيشين مع فلوس ومركز
ولا زوج مشتت بينج وبين وحدة ثانية
وماتدرين بيعدل ولا ما يعدل
الاعزب بيكون لج بروحج مالج شريجة
والاول والافضل
استخييييييييييري
وعسى الله يوفقج بالزوج الصالح اللي يحبج ويخاف الله فيج​

 

[غلآ نوآف]

استخيري اختي
وشوفي الي يناسبج

بس ثالث ابتدائي هم بعد وايد صعب
ليش يعني مافكر يكمل دراسته
عالاقل ثانوي اقلها

اذا انتي مكملة دراسة
او مخلصة جامعة
راح تتعبين من مستواه

لاتفكرين بنفسج واهو بس
مصيركم بتيبون عيال
شلون بتصرفون عليهم؟

هو صحيح عمره حلو و انه عازب حلو
بس اكيد انه ماتزوج بسبب وضعه
او محد وافق عليه بسبب شهادته

ما اقول ان تتزوجين المتزوج
لكن استخيري وسوي الي مقتنعةفيه

سواء تزوجتي احد فيهم
او رفضتيهم اثنينهم

الله يوفقج

 

[MinnieMouse]

خذي العازب احسن
ويقدر يكمل دراسته
وبيكون لج انتي بروحج

 

[عذاريي]

وعليكم السلام


صراحه قرار صعب ، كلهم فيهم عيوب كبيره صعب الواحد يتجاهلها حبوبه


الاول شهاده ابتدائي ، يعني مو ثانوي عشان نطوفها
( نطلع فيها ان مو مفكر بمستقبله ويمكن كان طايش واهو صغير و احتمال الحاله الماديه ضعيفه )



والثاني هم متزوج وعنده عيال مو بعيده باجر يقول مابي عيال وانا عندي عيال اساسا ،

ويمكن لي مل منج يطلقج لان اهو بفتره حاليا حاس بالملل من حياته الاولى ويبي يجدد شكله

وعمره 35 يدور مره ثانيه هذا لي صك 40 شكله عنده 4 حريم ومتزوج ومطلق مرتين ...... !!






# من رايي اخذي الاول ولو انتي موظفه حياتج بتكون احسن شوي معاه على الاقل تساعدون بعض وتسوين مشاريع بسيطه ونفس ماقالت البنت ريلج لج بروحج


وهذا ما اتوقع يتركج ويمكن حتى مفتشل ان متقدم بما ان شهاده ضعيفه وايد ، فأذا اخذتيه ماتدرين يمكن يحطج فوق راسه






واهم من هذا كله الاستخااااااااره ، استخيري 3 مرات اربع وخلاص لاتشغلين بالج الله بيسيرج للأفضل





وياليت تفصلين اكثر تقولين لنا الاول شنو وظيفته ؟ وبيسكنج بشقه عند اهله ولا غرفه

 

[ديانا سبنسر]

اخذي الاعزب والله يرزقكم محد يتم على حاله وانتي معاه اكيد راااح تغيرينه

 

[Lolaaa]

عليج بالاستخارة
اول شي الاول تعرفي على مستواه الثقافي واسلوبه وطريقة حواره ثالث ابتدائي ماتعتبر شهاده اكيد اسلوبه متدني في الحوار وماعنده منطق واسلوب واسلوب تفاهم
الثاني صعبه شوي صج ان الاسلام حلل 4 زوجات بس صعبه انج تكونين الثانية مراح يكون لج وحدج الاولى تظل هي العزيزة راح تتعبين راح تغارين راح تنهارين
والاهم انج تستخرين الله يوفقج ويكتبلج الي فيه الخبر وبشرينه ​

 

[لمى الهاجري]

استخيري واستغفري في ليلة القدر وانا اجوف العزابي احسن ممكن انتي تساعدينه وتشاركون

 

[•Brown•Sugar•]

اذا الاعزب اهله سنعين وناس طيبه اخذيه
اهم شي تتاكدين من اهله لانج بتعيشين معاهم عمر

اما المتزوج كلش ما انصحج فيه
ماشفت وحده متزوجه من واحد عنده بيت ثاني ومرتاحه معاه
لازم المشاكل والغيره بتاكل قلبج وبتعيشين حياتج ناقصه
يوم لج ويوم لها لما تحتاجينه يمكن ماتلاقينه يمج

والله يوفقج ويسهل امورج ويستر عليج

 

[انثى عاشقة]

استخيري ع العزابي
لان المتزوج هذا مشاكله ماتنتهي
الله يكتب لك الخير يارب ​

 

[الأميرة جوري]

الله يكتب لج اللي فيه خير

 

[Alias]

أنا اشوف المتزوج افضل. عنده شهاده متعلم وسكن مستقل. حبيبتي الحين المتزوج مثل العزوبي ما كو فرق العلم نعمه. لا تاخذين الجاهل راح تتعبين هذا غير ظروفه الماديه التعبانه والله يوفقج

 

[Alias]

حبيبتي موشرط الحياه مع المتزوج مشاكل ممكن الحياه مع العزوبي. مشاكل اكثر

 

[Morena]

اختاري الاعزب لانه الشهاده مو عيب يقدر يكمل والحياة البسيطة افضل مليون مره من جو مشحون وريال متزوج وانتي الثانيه صعبه مجازفه وشي مجهول
علي الاقل العازب انتي البدايه وتقدرين تغيرين وايد شغلات اذا عنده استعداد
فرضا المتزوج خذاج ومع الفترة خلاص حس انه قراره خاطيء اهني شبتسوين؟؟
فكري بعقل مو القصد احبطج بس الزواج من متزوج في مشاكل انتي بغنا عنها حتي لو مرته راضيه

لا الفلوس ولا المنصب بتريحج

ولا البساطه بتعيشج بهم بالعكس اللي تخافين منه يمكن فيه سعادتج

 

[الزيـــــ^^ـــــن]

اكييد مايبيلها تفكير .. اختاري الاعزب ..واذا انتي موظفه ماراح يتغير عليج الوضع
شلون تاخذين ريال متزوج ماراح يكون لج بروحج لاااااا انا ضد اللي يقولون اخذي المتزوج غلط
دام الاعزب خوش ريال واخلاق شلي يمنع والله يوفقج

 

[هيبة ملك]

ماسألت الأعزب ليش ماتزوج للحين؟؟

اللي بعمره معيلين سألي أول وإذا اقتنعتي بالإجابة اخذيه الشهادة مو عيب وربي بيرزقكم

والمتزوج مانصحج فيه لو يعطيج القمر والشمس فييد

أول شئ صغير معناه زوجته صغيره وعنده عيال ومكتفي لكن يبي يجدد وهذا ينخاف منه

خوفج بعد كم شهر يطلق أو يمل ويقول مابي عيال

وترا دااايم الأولى هي العزيزه والغالية مهما كان

تتم هي الغالية

 

[قطعة حلا2]

انصحج بالمتزوج لانه قادر يفتح بيتين وراعي دين وشهادته مكافئه لشهادتج وهمن عنده فلوس
الاعزب بيت اهله وشهادته دونيه وماتدرين باجر يمكن يقولج انتي راتبج اكثر من راتبي ادفعي وسوي

انصح بالاستقلاليه وهمن ضيفي عليها ان الريال مو مقابلج24 ساعه يوم تروحين اهلج رفيجاتج يجونج

استخيري وشوفي نفسج وماتزوج بالعلن الا زوجته راضيه

نصيحه فكري عدل ولاتخسرين الاثنين

 

[بطوووطة$بيضة]

استخارة ياقلبي

 

[انا هيفا انا]

استخيري حبيبتي
وفي نقطه مهمه الاعزب لحد اللحين ماتزوج يمكن عنده مشكله بالانجاب وانتي تبين عياااال
فكري واسالي عنهم ثنينهم وقرري
والله يوفقج حبيبتي