محتاره بمكياج العروسه تصويت للأفضل

[أميره بلا قصور]

السلام عليكم ورحمه الله وبركاته

مساء الجوري

شلونكم عرايس يارب تكونو هيك :eh_s(15):

ندخل بالموضوع...افضل صالون شفتيه بعينج حق مكياج العروس مانبي سامعه نبي شايفه بليز

1 خطه العين (فخامه او نعومه )
2 الكريم (مانبي نصير كاسبر :eh_s(16)
3 النفسيه (مانبي وحده تنفس علينا وتعكر يوم زفافنا)
4 منو احسن وحده تحط
5 التساريح


بنسوي تصويت


1حنان دشتي
2كونتينتال
3مس فرساي الشيراتون
4بريجيت
5ليلى هارموني
6شروق ستايل
7نورا السيد
8رشا شيك


يالله شدو حيلكم وان شاءالله تعم الفايده الجميع :yaaaaaarb:

 

[om-weldi]

السلام عليكم حبيبتي حبيت افيدج

في خبيرة تجميل اسمها سندس دشتي .. مكياجها روعه روعه روعه . صج انه ليلحيين مانشهرت لانه توها فاتحه صالونها بس صارلها 7سنين اهيا تحط مكياج حق معارفها بس والعرايس اللي من اهلها . بس الحين افتحتلها صالون بس حق المكياج والشعر . وانا حسيت انه ستايلها وايد قريب من منيره الفرج بس الفرق انه سندس اسعارها وايد احسن من منيره .
مكيجت بنت خالتي بعرسها الكل مدح مكياجها كانت مطلعه ويها وبارزه ملامحها بشكل عجييييب
وطرشت لها 3 عرايس كلهم ارتاحولها وحبو مكياجها وحده منهم بالمنتدى . وانا مكيجتني 3 مرات كنت معزومه على عروس وكل مره مكياج احلى من الثاني

وانا ارشحها من كل النواحي
- الفونديشن اتييبا رايت على ويهج
-المكياج حييييييل راقي ونظيف
- نفسيتها تهبل وتسألج عن اي شي تحبينه بالميك اب تاخذ وتعطي معاج

انا انصح فيها وعن نفسي اي مناسبه عندي احجز عندها تعرف حق عيني وويهي

هذا رقمها 66286014

وبنزلكم صور مكياجها . انا عرفتها من برودكاست على تليفوني

 

[om-weldi]

 

[om-weldi]

هذأ مكياج سندس دشتي ..
انا جربت الثقيل حق عرس بنت خالتي وايد حلو . وحق الباجي جربت المكياج الخفيف هم كان روعه

 

[beren saat]

تـم التصويت لـ حنــآن دشتي ..

احلــى صــآلون للعـروس اما الباقي ما عجبنــي بريجيت مادري شلـون صاير مرات احس مو مرتب مكياجهم

ورشا حلو حيل بس سمعه الصالون لووعه توهق العرايس

ومس فرساي ما يصلـح لعروس

كونيتنال دقه قديمه اوووفر حيل

هذا رايي الشخصي​

 

[عناقيد الجنه]

حلو مكياج سندس دشتي والله سيفت رقمها يمكن أحتاجها

منيرة الفرج ليش مو حاطه اسمها معاهم

بس هذي الي أعرفها ومحد يذمها الكل يمدحهاا

وعسى الله يوفقج ويسهل أمورج

 

[om-weldi]

اي عدل كلامج منيره الفرج مكياجها حلو وتبرز الملامح بس الصراحه وايد مبالغه باسعار العرايس
وسندس دشتي نفس ستايل منيره تبرز الملامح مو بس تلطخ ميك اب واللي يطلع لا بالعكس تعرف حق كل عين

 

[دنـــدونـــه]

ليلى هارموني​

 

[مطيريه ستآيل]

تـم التصويت

وبصرآحه حنان دشتي البستكي روووعه



والله يووفقج حبيبتي ...~َ!

 

[أميره بلا قصور]

اب

اب

 

[-TFa7a-]

صوتت بالغلط لليلى هارموني
صوتي لرشا شيك لاني حاجزه عندها والكل يمدح شغلها : )

الله يوفقج حيأتي

 

[عروس بنفسجيه]

رشا شيك

 

[مس روبنز]

سندس دشتي حلو بس الحواجب مو شي

لمسه فن الرقعي روعه
وحده تصير لي حطت عندهم بعرسها كانت باربي

​

 

[اخت خالتهم]

كونتيننتال
احلى شي الروسية نسيت اسمها و ايلا أصلها أرمنية
لان اهم الوحيدين يحطون ناعم و لبناني و صارخ
الباجي ما يرضون
واذا انتي تخافين انج تشوفين اشكال و الوان
لا تروحين
لان البنات الله يهداهم يروحون يحطون احمر واخضر واصفر و برتقالي وكل الالوان
فـ الصالون سمعته سيئة من اللي يحطون عنده
اما ايلا و الروسيه مو طبيعيييييين
وكريمهم حلوو الطبيعي مو الابيض والا الاحمر
وتقدرين تقولين ابي اخف من الطبيعي

وتسريحه قولدا او لينا

موفقه​

 

[أميره بلا قصور]

بنات اللي يقولون رشا شيك سمعت ان منار اهي احسن وحده تحط دقيت قالو انها طلعت من الصالون صارلها جم اسبوع وطبعا مارضو يقولون لي وين راحت

حنان بستكي مريته ماعجبني اخترعت وطلعت

اي بعد صح نسيت منيره الفرج حطوها بالتصويت

لمن الحين كل وحده تقول شي ماكو اغلبيه لصالون معين


بالانتظاااااااار

 

[أميره بلا قصور]

مريت شروق ستاايل لاااااايحووشك موووشي

اهم شي الحواجب لاتطوفكم

وحده بس اللي تسوي الميك اب ماكو غيرها

والعروس والمرافقات نفس خطه الكحل يعني حالج حالهم جنج مو عروس

لوووووووول


اب

اب

 

[عروسة زماني]

تم التصويت


حبيبتي انا توني اليوم حاضرة عرس اخت رفيجتي ومكياجها ناعم وذرب ومرتب سألتها قالتلي عند حنان دشتي حولي اللي حاطتلها المكياج وحدة اسمها حياة

روحي مريهم وشوفي بعينج


وموفقه يا قلبي

 

[مس روبنز]

اتوقع اللي قالت كونتننتال
الروسية روعه
آنا كنت حاطه عندها كانت بشارمل حولي وطلعت منهم
وماتجيهم ألحين إلا للعرايس
شغلها يهبل​

 

[گـحِـلْ |~]

أنا كنت من اللي ينصحون برشا شيك بس بعد آخر كم عرس الصراحه حنان بستكي أحللللللى

مو شرط يكون اوفر شفت اوفر وشفت ذرب وراقي يمدحون رآنيآآ للمكيآج


تم التصويت لحنآآن

 

[مخاويه الزعامه]

حنان دشتي بستكي وبس


:eh_s(15):