محتاره باي مستشفى

[كتكوته حبيبي]

السلام عليكم
شلونكم كروشات
بنات بسالكم الي مجربين مستشفى دار الشفا ولي مجربين مستشفى الراشد
ادري الاغلب بيقولي دار الشفا بس انا لظروف زوجي انا يدرس ومابي اكلف عليه واايد كافي تجهيزي وتجهيز استقبال والبيبي وبنفس الوقت ابي غرفه تكون راهيه لان بسوي استقبالي بالمستشفى انشاء الله فشنو تنصحوني انا دار الشفا عاجبتني الجونيور حلو وملمومه وبالراشد يقولون نفس سعر الجونيور اقدر اخذ اكبر غرفه عندهم بنفس سعر الجونيور بدار الشفا بس بعرف شلون السسترات والعنايه والنظافه لان انا دكتورتي بتكون من بره والكمام شلونه وياريت الي تعرف اسعار الولاده الطبيعيه باي مستشفى منهم مع الغرفه وتكون الدكتوره من بره تقولي بليييييييييييز متوهقه مادري شسوي كاسر خاطري زوجي وهم مابي اقط نفسي باي مكان لان هذه ولاده​

 

[rora_q8]

حبيبتي انا ولاداتي كلها بالشفا
انصحج فيها وايد
واذا ماتبين روحي الهادي وايد احسن من الراشد
وانتي استخيري حبيبتي

 

[نور دنياه]

ااااب

 

[ام ساره 4]

أنا والده بالسلام والراشد وقبل ١٢ يوم ولدت بدار الشفا أنصحج بدار الشفا روعه وكمامهم حيل قوي والسسترات يهبلون حتى خدمتهم روعه أما الهادي وييييع لا تفكرين فيه بالمره وبالنسبه لغرفة الجونيور اعتقد سعرها بروحها ب ٥١٥ دينار والله يكتبلج اللي فيه الخير يارب

 

[kuwaitiya_84]

حبيبتي اللله يقومج بالسلامه انا جربت دار الشفا مرتين اول مره كانتتوها فاتحه 2004 وامي دفعت لي هديه ولادتي على ثاني ولاده ريلي 2008 والحين هم دار الشفا بس اذا عالراشد انا مرت اخوي والده عندهم مرتين صج خذت اكبر غرفه مهراجا مادري شسمها مرتبه الغرفه ونظيفه واهتمام بعد ورعايه تمدحهم وااااايد وكانت تولد عنددكتورة ايفا مادري موجوده ولا لا الحين اذا موجوده توكلي على الله اولدي عنها والله يقومجويقومنا بالسلالمه

 

[Aloe Vera]

مادري بصراحة الراشد ماعرف وحدة والدة فيه و شكله من برة يضيق الخلق

دار الشفا ارحم

بس انتي شنو ميزانيتج؟ تبين تسوين اشتقبال بالمستشفى جم حاطة في بالج سعر؟

 

[PinkLulu]

أنا ولدت بدار الشفا

وايد حبيت اهتمامهم وجربت إبرة الظهر وكل شي كان زين الحمد لله ما شفت منهم شي

 

[ام فوااز]

حبيبتي الراشد كلش مو زين
خليج على دار الشفا وايد افضل لج دكاترة وسستراتهم زينين. وحتى لو تاخذين أصغر غرفه اهم شيء الولاده والمستشفى الي بتولدين فيه مو الغرفه. والاستقبال

 

[الـخـشـفـ الـنـداويـ]

اب اب
ان شاء الله البنات يفيدونج ..

 

[*مطبخ الذواقة*]

رفع لعيونج والله يقومكم بالسلامه يااااااااااارب

 

[كتكوته حبيبي]

مشكورين بنات ع الردود انا من الاول فبالي دار الشفا بس قلت اذا راشد نفس المستوى اخفف الميزانيه على ريلي بس الحين خلاص حاطه فبالي دار الشفا لان شفت سعر الولاده بغرفه الميني رويال ٥٠٠ وشي بس مادري اذا دكتوره من بره جم وغير حساب الدكتوره الي تعرف يليت تفيدني

 

[كتكوته حبيبي]

يعني المستشفى ياخذون زياده عشان يحاسبون الدكتوره ولا الزياده من غير حساب الدكتوره وانا احاسبها بروح

 

[Aloe Vera]

شوفي حبيبتي انا اقولج اللي اعرفه عن رويال حياة
الغرفة العادية اللي اهي وايد حلوة و كشخة ب٧٠٠ شامل كل شي مع حساب الدكتور
الغرفة اللي اكبر صايرة جناح ب١٠٠٠

بس ماتدفعين زيادة
الا اذا اخذتي ابرة ظهر او شفطو البيبي


و ماعرف عن باجي المستشفيات بس الافضل تسالين المستشفى نفسهم عن طريقة الحسبة
و الافضل تولدج دكتورة من المستشفى عشان السعر يكون افضل

 

[miss_Ba6oOo6a]

غير الشفا لا تفكرين رعايه وإمكانيات
بعده رويال والسلام

وو خير عن الهادي والسف والمؤاساة مليون اكس

دام الامكانيه. ليش الاستقبال خليج غرفه عاديه وخشي الفلوس سوي فيها عزيمه علا سلامتج

 

[جــوريــه]

ااااب