محتاره ابي وحده تعتبرني اختها الصغيره وتنصحني :(

[تذگار]

السسلام عليكم..

ابي اططرح كم مشششاكلي الي الحين اعاني منها بما اني عروس واول وحده بالعايله وموعارفه شسوي بالاشيا العميقه

عرسي بقا عليه اقل من اربع شهور

#خلصت بجايمي الحمدلله #قمصان نوم خذيت3تقريبا بصراحه استحيت لا اخذ اكثر #عطور خلصت ع ذوقي وبخور بس باقي اخذ لي عطر فرنسي اللي يكون اخر واحد نزل ،،،

واللحين توني بديت استخدم مجموعة مزيونه وشقرا انشالله يبين معاي نتيجه لان جسسمي اعااااااني منه وااايد مو موحد لونه واسمرار

وتقششير سويته صار لي شهر وامس خذيت الجلسه الثانيه ،،عند عيادة سلطان العتيبي بس للامانه ليلحين ماشفت نتيجه كلش

امممممممم <وبعد شرح ماسويته وقصه حياتي ههههههههه


شرايكم فيني ماشيه صح ؟؟


واللحين ابي ششي مسبب لي ازمه انااااااا انسسسانه مو راااااعية دراريع ونظام جذي محتااااااره مادري وين افصل او اشتري وجم بدله يبيلي وجم دراعه ،،

تكفوون ابي وحده تعتبرني اختها الصغيره وتنصحني من قلب مالي غيركم

 

[mo0o0n22]

نفس مشكلتي بالضبط أنا متعوده عالفساتين الميدي والدراريع ماتناسبني حيييل بس فية المعارض فيها شغلات حلوة وبدل ذربة والمشاغل اما دراريع الحمولة باخذها ان شاء الله من البلوكات والله يعين بس
اما العدد فكرت أخذ خمسة فخمة وطبعا تكون ميني دراعة لأني مااحب الطويل وخمسة حق حمولة

 

[MEEERA]

قمصانج شووويه حيييييييييييييييييييييييييييييييييييييييييلّّ!!!!!

ماقولج 30 ولا 40

اخذي 20 نوعي بين طويل وقصير

والارواب اخذي


ولاتنسين معمول البيت والمرشات

والدراريع الله يخلي معارض لاتحاتينها


الله يوفقج يارب

 

[MEEERA]

دراريع
4 فخمين
5 ناعمين
وبدلات نظام تنوره وقميص اخذي 2

والعبي اخذي 5

بدلات الطلعه اخذي 7

وجناط الكشخه اخذي 4 كشخه مابين 50 وال130 دينار ووحده غاليه 400 ولا 600

وساعة ماركه غاليه مثل رولكس ولا شوبارد واذا ميزانيه ماتسمح في الماس ماركه في محلات والله نسيت اسمها ب400 وتهبل
اعتقد ((( مونتانااااااااااااااا))) جيكي عليه تهببببل


خلصي شغلج هالشهرررررر كلللللللللللللللللللللللللللللللللللللله عشان لاتتطورين في عبي ماتطلع الا بعد شهر شهرين


وحجزي صالون عرسج ( رشا شيك حنان دشتي شروق سالمين )

تصوير عرسج ( مرااايم او الراعي )


اشتراك صاالوون للعروس ( الشرقية ) قبل عرسج بشهرين روحي


لاتنسين الجواتي والكعوب الله يعزج مع شحاطات داخل البيت اخذي الغالي والرخيص اهم شي شكله ذرب


اغراض العرس اول شي سويييييها اهم شي ( صالون التصوير البدله البيضاا الكعب المسكه الساعه الشبكه العطر قميص الابيض تلقينه عند انورر والطاهر مع كعبه الابيض ......÷))



دعواتج الطيبه

 

[MEEERA]

غلطانه قشرتي جسمج

لان بيرد لونج بالحمام المغربي

ماعليه رطبيه حييييييييييييييييييييييييييييييييييل عشان لايرد نفس قبل واقمج بعد


موفقه الله يهنيج

 

[*مطبخ الذواقة*]

الله يبارك لج ...


واذا أنت مو ستايلج الدراعات لا تاخذين مو شرط في بدل استقبال راقيه اكيد تناسب عمرج وستايلج ..

بالنسه للانجري ...وبجامات البيت .ما خذه شوي ...ﻻ زم تاخذين بعد وغيري الالوان ..وﻻ تكثرين بشكل اوفر
.حتى بالنسبه للعطور .ﻻن مردج تروحين السوق اتمشين مع ريلج ...وتاخذين اللي تبينه ويمديج تعرفين شنو يحب وشنو ما يحب ....

اخذي المميز ..والحلو ...

 

[برنسيسة2007]

قمصان النوم زيديهم ٣شويه بس وصليهم للعشره وبعدين انتي اكيد بتروحين السوق وتشترين ولا تشترين مشلخين لانج راح تستحين وماتببسينهم بالبدايه اشتري اشيا ناعمه وساتره نوعاً ما يعني لما تشترينهم ماتخجلين
وتحتاجين ملابس داخليه شكلها كيوت من ستيان وغيره تلقينهم عند انور والطاهر مثل ستيان للمناسبات يكون ستان يحسن شكل الصدر وسيور اشكالهم حلوه سلاسل وخرابيط وممكن يكون شفاف من ورا المهم يناسب شنو راح تلبسين
والكماليات الثانيه من روب الاستحمام وغيره
واللي صج صج بنصحج فيه وعن تجربه الدعاااء
انا قبل عرسي ماخليت مكان ولا عياده ولاخبيرة اعشاب وما كو نتايج حطيت سجادتي ودايم ادعي الله بالجمال والحمدلله لقيت اللي ابيه من اعجاب الناس في شكلي والحمدلله من ناحية زوجي لاااا تستهينون بالدعاء

والدراريع اخذي الاستقبال وماشا الله شغل بنات الكويت في المعارض فضييييع الدراعه نظام فستان وتخفي العيوب وتظهر المحاسن لااازم اهتمي بهلامور توقعي اول اسبوع اهله بزورونج عماته خواته خالاته جداته
هذا غير اذا رحتي لاهلج بسوون لج استقبال

المسكه والفستان دوري عليهم من الحين

الكوشه ودخلتج والصالون والمصوره حجزيهم الحين وافتكي منهم

حبوبه ترا اربع شهور شويه وتروح بسرعه وانتي باقيليج اشيا كثيره(فساتين ودراريع الاستقبال وكمالياتهم من اكسسوارات +بدل تطلعين فيهم مع زوجج+ميك اب يناسب بشرتج+شغلات تلبسينه اذا زوجج رد البيت او وقت العصر والمغرب+فستانج الابيض واكسسواره والمسكه والمصوره والكوشه وحجز الصالون

وحطي في بالج ان اخر شهر قبل العرس الافضل تكونين مشطبه علا كل شي وماتطلعين من البيت وتريحين نفسيتج امج وخواتج يروحون يستلمون اشيائج اللي حاجزتها

 

[برنسيسة2007]

ايه نسيت بعد تحتاجين شنط ماركه وساعات ماركه (وسط بالسعر وساعة عرسج اخذيها غاليه الماس)
واذا نظامج تلبسين عبي كتف اشتري لانهم يساعدونج حيل لما تطلعين مع زوجج طلعه مفاجئه وروحي مجمع مغاتير في الفروانيه كله عبي الفخم والناعم والعملي
وبالمره الفروانيه فيها العربيد بلازا والحمرا مول اتحصلين عندهم الطاهر وانور

 

[ضنـآني الشوق]

البنات ماقصروا والله يوفقك

 

[معبوجة]

شتبين بالدراريع.. خلاص شخباريييي

 

[قطوووة]

صح محد يلبس در اريع مثل اول

الحين الاغلب نظام بدلات

 

[تذگار]

ي بعد عمرري ي بناااااااات ماقصصصرتووو كلكم والله وعسسساكم تتوفقون بحياتكم ،،صج عرفت اشيا كنت غافله عنهاااا ،،



الله يستر مابقا شي وليلحين محتاسسسه ادعووولي ،،،،

 

[M!SS.LOBY]

بالتوفيق يا قلبي

 

[دآهية مطييير]

الله يوفقج هذا اهم شي ..


أول شي تسوينه ركزي علي اول ليله ..

خلصي ( البدله البيضاء .. والصالون .. والمصوره .. والساعه اللي بتلبسينها .. واذا في عقد واكسسوارات ومسكه ........ ألخ ) كل شغل الليله الاولى

خصصي لهم مبلغ وخليه ..

خلصنا ؟!

نبدأ بـ الاهم لـ اللي اقل اهميه .. طبعا كله مهم .. بس في اشياء تقدرين توفرينها من معاشج
او اعانتج او من أهلج ( بالعربي يعني الشي الرخيص اللي نقدر نوفره خليه اخر شي )

نبدأ بالجايد ..

وشنو الجايد .. اللي هو البرستيج اللي الكل بيشوفه ( جناط ماركه وعليهم القيمه + ساعات ماركه )

اذا عزمج احد بعد العرس ترا الحريم اكثر شي يركزون علي هالشغلتين

اشتري لج جنطتين ماركه حلوين .. وانا افضلها كبيره ولونها غريب ونوعها يكون مكتوب عليها الماركه .. ونفس الشي الساعات .. اخذي لج ساعتين حلوين وماركات

هذا الشي الغالي والمهم والجايد وخلصنا منه ..

نجي لـ الدراريع .. طبعا اذا انتي مع حمولتج في بيت واحد

راح يكون هذا اهم شي لانج بتنزلين الظهر بدراعه والعصر بدراعه الثانيه

ع الاقل اول اسبوعين من عرسج اكيد من اسبوع عرسج راح تروحين السوق

بس وفري هالاشياء عشان ماتضايقين لان والله والله مهم

اختاري 10 ناعمين ونصيحتي لج دشي النت ودوري لج موديل

وروحي البلوكات والله الخاااام يجنن والكلف عجييييبه

وروحي اي خياط وخيطي دراريعج الحريم نصابات وخليهم للبدل الفخمه

بس دراريع البيت ما تحتاج مشغل وحريم

اخذي القطن الحرير تلقينه بالبلوكات خفيف ويهبل وبدعي من عندج

حطي علي الاطراف دانتيل .. وثانيه حطي علي الاطراف كلفه فيها شغل حلوه وذربه

بس اهم شي اختاري الوان حلوه وتلفت النظر ..

جويتي / زيتي / بنفسجي فاهي / بنفسجي غامج / كركمي / بيج المايل لـ اللحمي او الوردي الفاتح

وفري المشاغل دوري بدل اخذي 3 اذا احد عزمج او اذا زارهم احد بـ ايام عرسج الاولى

واخذي دراعتين فخمه نفس الشي اذا عزموج او احد جا ..

وبالنسبه للعطور لا تقولين هذا غالي وهذا رخيص وهذا اخر شي نزل

اختاري اللي يعجبج .. والاساسي اللي اكيد كل عروس تشتريه

( مسك العروسه .. ومسك الطهاره .. وخلطات الفراش لاتكثرين .. وعود بخور الاصلي

ودهن عود الاصلي )

والباقي اخذي اللي يعجبج ولا تكثرررين

والمكياج نفس الشي مو كل شغله يحطونها البنات تاخذينها وانتي مغمضه لا

في اشياء واجد تعجبنا بس ما تناسب لنا لا تاخذين اللي تحتاجين واللي ماتحتاجين

وبالنهايه .. اخذي كل شي يعجبج انتي مو اللي يمدحونه طبعاً مايمنع تروحين تشوفين

اللي يقولون عنه بس اهم شي شوفيه اذا يناسبج او لا

وبحدود لان الدنيا مو طايره والسوق موجود

اسفه كثرت سوالف .. بس والله كل شي ابالي وانا قاعده

اسويه مع نفسي كتبته لج

 

[Miss--dndn]

ما قصروا البنات بس بزيد الي اعرفه
انا عندي ان لازم تكثرين من بدل الكشخه حق العشيات والعزايم لان العروس كل يوم ناس يعزمونها ويقهوونها فلازم تكثرين بدل عشر بدل لااااااااازم تكثرين عشان لا تتوهقين
اذا انتي ساكنه مع حمولتج لازم دراريع عشان اا نزلتيلهم واذا مو ساكنه معاهم مو لازم دراريع
لان الدراعه تكون ناعمه لما بتنزلين العصاري والظهاري اما بليل تكشخين ببدله حلوه وذربه

اشتريلج بلايز وشورتات وتنانير قصيره وفساتين ناعمه وجذي تلبسينهم عند زوجج بغرفتج حزة العصاري والمغربيه
هذا الي اتذكره وان شاء الله مايقصرون البنات
*

 

[Miss--dndn]

حبيبتي اذا عندج انستغرام بدزلج حساب مصممات حلو لبسهم وراااقي

هذا حسابهم جيكي عليهم او مريهم وشوفي البدل ع الطبيعه

@sanabel_style* هذي سنابل تلبس شيماء العلي
رقمها 66361111

@najwaalfathli. هذي نجوى الفضلي تلبس حليمه وامل العوضي برمضان وصمود واغلب الفنانات يعجبني شغلها
رقمها 66443349