محتارة

[زينب العقيلة]

السلام عليكم

بنات انا مشكلتي ان في واحد يبيني بس ناطرين الوظييييييفه

والمشكله احس مافيني صبر مو مشفوحه عالزواج لا

المشكله ان مابي اكلمه احس اللي نسويه غلط

مع ان لما احاجيه مابينا الا احترام ودايما نسولف عن بيتنا وعيالنا وشبنسوي والخ

بس ياربي مايقدر يكلم اهلي لازم يكون متوظف لان تدرون الاهل لما ايي واحد مو متوظف

سيده ينرفض مايعترفون بخطبه ولا بطيخ


بنات انا مابي احد يحس واطيح من عينهم وصعبه اصارحهم ان واحد يبيني

مع ان والله لو الاهل يتفهمون اقولها لان انا نيتي زينه مو قاعده العب وافكر بالحلال

بلييز بنات نصحوني

واذا بتقولولي قطعي العلاقه شلون اقطعها بيحس اني تخليت عنه وما ابيه

لان وقفت وياه وايد وعلى اخر شي اقوله خلاص روح

لو يسويها فيني بحس انه ظلمني


ادعوووولي اتزوج

 

[ڕۆۆحــي ڣــڍااگ]

ربي يرزقج الظوج الصالح اللي يسعدج ويريحج وينسيج همومج كلها
صدقيني يالغلا كل تاخيره فيها خيره
ربي يكتبلج اللي فيه الخير

 

[فاقده حنان ابوه]

الله وفقج يارب واذا كان الله كاتبلكم نصيب ويا بعض ان شالله بتتزوجون والله يرزقه بالوظيفه وكل تاخيره فيها خيره الله يوفقج *

 

[M 6 N S H A]

إي والله كل تاخيرة فيها خيييرة
الله يوفقج ياقلبببي وتتزوجين ب اقرب وقت ..

 

[FeShinGoOo]

شوفي حبيبتي مشكلتج سهله

اولشي انتو وياه متفقين عالزواج بس ناطرين الوظيفه .. حلو ؟؟

خلاص انتي وياه نطرو الوظيفه

ثاني شي انتي ماتبين تكلمينه لان تحسين انه حرام ..

خلاص قوليله يافلان ماراح نكلم بعض ليما تتوظف واتي اتطق باب بيتنا لاني مو مقتنعه بالي قاعد يصير

ولي اتوظف ذيج الساعه ياخذ رقم اهلج ويدل بيتكم ويتقدم رسمي

يعني مو لازم اتكلمينه عشان ينربط فيج واي يتزوجج اذا اهو فعلا يبيج ونيته شريفه راح يتقدملج حتى لو انج ماتكلمينه والمفروض يحترم رغبتج وتكبرين بعينه

 

[حجيه هيونه]

مثل ماقالت لج الي قبلي خلاص نطروا الوظيفة واول مايكتب ربج خل يتقدم دايركت


والله يوفقكم

 

[أم نواف غير]

ماشالله علي البنات كفو وووفو والله يوفقج حبيبتي

 

[بـخور الدواسـر]

(زوجوهم فقراء يغنيهم الله )
اختي الزواج والعيال يجلبون الرزق والله العظيم عن تجربه شخصيه اخوي سنيين بدون وظيفه وحالته حاله
وزوجناه وهو مو متوظف وسبحان الله قبل لايتم على زواجهم سنه الا هو متوظف احسن وظيفه
سبحان الله ربج له حكمه
اقنعي اهلج يساعدونكم بأول حياتكم وبعدين الله بيرزقكم
بس انتوا خافوا الله علاقتكم محرمه ابدي حياتج صح عشان ربي يوفقج انتي وياه ويجمعكم تحت سقف واحد ( ومن يتقي الله يجعل له مخرجاً ويرزقه من حيث لايحتسب )

 

[قمرهم كلهم }..]

اختي خليه يشتغل وبعدين خليه يتقدم لج واذا كنتي حابه تساعدينه مثل قبل خليه يتواصل بالرسايل بس

لا تقطعين علاقتج فيه مره وحده ولا تخلين الحبل على الجرار يعني شوفي ليش للحين مايشتغل؟؟

 

[أم ساروني]

السلام عليكم ( وعليكم السلام )

بنات انا مشكلتي ان في واحد يبيني بس ناطرين الوظييييييفه

والمشكله احس مافيني صبر مو مشفوحه عالزواج لا ( دام مو مشفوحه على الزواج انتظري نصيبج )

المشكله ان مابي اكلمه احس اللي نسويه غلط ( اهم شي انج عرفتي اللي تسوينه غلط ليش تسوينه والا لما تنقرصين )

مع ان لما احاجيه مابينا الا احترام ودايما نسولف عن بيتنا وعيالنا وشبنسوي والخ ( لحظه لحظه انا قاعده استوعب اللي تقولينه والا فاهمتج غلط تقولين مابيننا الا احترام ونسولف عن بيتنا وعيالنا وشبنسوي انتوا تسولفون عن المستقبل مخططه معاه بيت واعيال جذي وصلتوا لمستقبل اعيالكم )

بس ياربي مايقدر يكلم اهلي لازم يكون متوظف لان تدرون الاهل لما ايي واحد مو متوظف

سيده ينرفض مايعترفون بخطبه ولا بطيخ ( اللي كاتبه ربج يبي يصير لو ماعنده خبز انا اكلمج اعتبرج مثل اختي)


بنات انا مابي احد يحس واطيح من عينهم وصعبه اصارحهم ان واحد يبيني ( اللي يحبج صح يطق الباب مو من الدريشه واكيد ماتبين احد يحس لان اللي قاعده تسوينه غلط)

مع ان والله لو الاهل يتفهمون اقولها لان انا نيتي زينه مو قاعده العب وافكر بالحلال (سبحان الله يالغاليه انا عايشه بين عماني واخواني وكبرت واتزوجت وعرفت ان البنت نيتها صافيه وان الولد عمره ماصار قلبه ابيض على البنت .. انتبهي على نفسج )

بلييز بنات نصحوني

واذا بتقولولي قطعي العلاقه شلون اقطعها بيحس اني تخليت عنه وما ابيه ( الله يكشف لج حقيقته لويبيج ويحبج يتقدم لج )

لان وقفت وياه وايد وعلى اخر شي اقوله خلاص روح (انا فهمت عليج يعني ساعدتيه اوكي انتي اللي وقفتي معاه مواهو مافيها شي هذا حال الدنيا الناس للناس والكل فالله )

لو يسويها فيني بحس انه ظلمني ( تبين تعرفين انه يحبج ويحترمج اعطيج طريقه بس توعديني تسوينها راح يرتاح ضميرج وبالج ؟؟؟ )

ادعوووولي اتزوج

((الله يوفقج وتتزوجين بالزوج الصالح وتفرحين ويرزقج بالذريه الصالحه ))

 

[غلآوي .~]

اذا هو يبيج صج خليه يخطبج من اهلج عشان يعرفون ان في احد يبيج وان جا احد ثاني ما يوافقون عليه على اساس ان ناطرينه يتوظف وتملجون على خير ... وكل تأخيرهـ فيهآ خيرهـ عسى الله يوفقج ويرزقج : )

 

[أمانيQ8]

ماتدرين شالصالح فيه...

عسالله يعطيج كل ماتتمنين يارب

 

[عاشقة هواك]

البنات ما قصروا

 

[أم توتو]

خلي اهلج يصيرون على بينه يجي يخطب وامه تقول بس خطبه لين ولدي يتوظف وبعدين يحلها ربج احسن ماقاعده جذيه لااهو جا يخطب ولا توظف وشوفي الريال مستحيل يتزوج وحده كان على علاقه فيها بالتليفون لان حتى لو تزوجتيه بيصير شكاك من تكلمين واساله ملها اخر فاذا لج نصيب فيه بتاخذينه واذا ماصار نصيب فهذا خير لج

 

[PINKEIA]

خلاص نطري لا توظف يتقدم لج
اذا هذا العذر الوحيد اللي مانعه يخطبج الحين
وكل تأخيره فيها خيره
الله يكتب الي في الخير
ويوفقج

 

[~ بنت الهدى ~]

حبيبتي اذا بس هذا عذره انتظريييييه من صجج تكلمينه و اهوا ماخطبج مايصير شتسوى عليج اذا اهلج او اهله دروا...

الله يوفقج و مايصير الا المكتووب

 

[زينب العقيلة]

بنات انا اعرف اهلي مستحيل يرضون بهالشي يتشرطون وايد

واهو عنده رقم الوالده واخته العوده مكلمها وكل شي


ام ساروني بكلمج خاص


شكرا كلكم بنات

 

[زينب العقيلة]

شكرا بنات بس اهلي مايرضون جذي انا ادري مالي الا الصبر

 

[زينب العقيلة]

ام ساروني قوليلي اهني الطريقه لانج يديده ماتقدرين ترسلين لي رساله خاصه

 

[زينب العقيلة]

يوم قلتله امي تشك ومادري شنو يقولي عيارة بنات مو مصدقني

وانا احترت بينهم قعدت ابجي وقلتله خلاص مابي اكلمك قالي متأكده قلتله اي انت ادل بيتنا

جان يقول انا بيتكم خلاص ماني ياي حافظج الله



حسبي الله عليهم اثنينهم اهما يوقفون نصيبي واهو مافهمني

انانيين


الله لا يوفقهم زين