محتارة واااااايدافكر

[قهرني]

نار زوجي والاجنة اهلي

بنات انا زوجي ع ابسط كلمة يعصب علي ويمد ايده يضربني ضرب مب طبيعي مرة ومرتين وثلاث رحت بيت اهلي وانا عقب ارد بنفسي ليشششششششششششششش انا اقولكم ليش لان اهلي ( قبل مااتزوج مافية طلعة ولا سفرة ولا ولا ولا الخ يعني وايد اشياء يمنعونها من البنت إذا تزوجتي خلي ريلج اهواللي يوديج ويسفرج وووو المهم بعد ماتزوجت مرت علي ايام حلوة وايام مرة بختصر الموضوع بنات انا اهلي مومتحملين اعيالي تخيلوا لارحت بيت اهلي يقولون يوووووووة ثانية مرة سيري بروحج لاتجيب اعيالج خليهم عند اهلهم واخوي يقول اعيالج موزعجييييين ويسبهم انا اعيالي صغار بس وربي يحسون من يحبهم ومن يكرهم مايحبنون مرت ابوي ويخافون منها ويموتون في امي
وغير مرت ابوي بس اتشوفنا جايبين تقول اف جاو اللحين بيخربون البيت وووو بنات غير امس اخوي الكبيركان يتعشا شاف ولدي وقاله يالله روح لامك ولدي كان يطالع الاكل والا فنفس الوقت دش ولدي اخوي فاخوي قاعد يرحب فية ويقول يالله تعال بعشيك انا انقهرت هاذولا شنو اعقولهم ولدي كسر خاطري والله شوي وبصيح .. بنات من يومين زوجي ضرب ولدي ضرب لانه كت الحليب ومت من الصياح ويقول جب انا بربيه مب انتي ادلعين انا قلت خلاص ذبحني وتبي تذبح اعيالي طلقني انا كرهت ووو قالي اذلفي ولااشوفجراجعة لي واخذي اعيالج معاج ( انا مستحيييييل اخلي اعيالي) المشكلة اهلي مب متحملينهم :yaaaaaarb: ياااااااااارب فرجها والله دست ع كرامتي وذليت نفسي وايد عشان خاطر اعيالي وقعدت فبيتي وقلت فطقاق فريلي بقعد فبيت اعيالي ولابيني وبينة اي شي اهم شي مابي اشوف دمعة اعيالي ولا ابي احد يهاوشهم.
بنات ادري موضوعي مب مرتب بس مستعيلة

يامتزوجات شرايكم باللي سويتة .... واللي ماعندها رد ع الاقل ترفع الموضوع بدعوة انا الله يسخرلي قلب زوجي ويحن قلبة علي و اعيالي​

 

[كنوشة 2009]

الله يعينج
انا اقول قعدي في بيتج وعسى الله يسخر لج زوجج ويهديه
وعليج بقيام الليل مع الدعاء والاستغفار
والمثل يقول شنو حادك على المر قال اللي امر منه
انت اذا شفتي معصب سكتي عنه ولا تناقشينه
والله يهديه

 

[مناير ...!]

حبيبتي الله يكون بعونج
والله يسخر لج ريلج ويخلي لج عيالج

 

[طبعي حلو]

وانا اقول اقعدي ببيتج واصبري وادعي ربج ان الله يهديه ويسخره لج

واكثري من الاستغفار بالاستغفار دواء لتفريج الهموم وتيسر الامور

وان شاء الله ما بعد الضيق الا الفرج

 

[FeShinGoOo]

وتتوقعين عيالج بيتربون فبيئه مناسبه وماراح يتعقدون لما يشوفون امهم تنطق من ابوهم عالطالعه والنازله ..!!

حبيبتي قعدتج فبيت ريلج صح

وتجاهليه بس سالفة الطق لازم تحطينلها حد ..!!!

 

[غززلان]

الله يكووون بعووونك ،،، وعليك بالدعاا والاستغفااار .. والله يفررج همك وجميع المهموووممين يااارب ،،،.



















​‏​‏​‏​‏​سُبحّآن آللّہ ۈ بحّمدِه ،
.. عدّد خّلقہ ۈ رضّآ نفّسہ ،*
...ۈ زِنـۃ عّرشِہ ، ۈ مِدّآدَ گلِمآتَہُ .

 

[! بــدويه وآآيــد !]

،


اول شي لاتتضايقين عشان مرت ابوج واخوانج من ابوج لان اخوانك من ابوك مثل القوم لاعادوك كلهم جذي تقريبا الله لايوفقهم انا منقرصه منهم وقطعت علاقتي فيهم اقطعي علاقتج فيهم او اذا هاوشوا عيالج زفيهم
والي يقولج في بيت ابوج عيالج وعيالج قولي لي بالبيت مثل مالكم وحطي لج غرفه لج ولعيالج والي يزفهم زفيه خلي لج هيبه واخوانج من ابوج وقفيهم عند حدهم


وزوجج شكله مو هامه شي وبايع وقفيه عند حده او دخلي احد حكيم بينكم بس اخاف يزفج ! ولاتعيشين عيالج بجو امهم تنطق وابوهم يطقهم راح يتعقدون

الله اييسر امورج يارب

 

[do0o0o0de]

اولا الله يسخر لك ولنا الزوج الصالح
حبيبتي انتي حالك مثل حالي اذا رحت بيت اهلي حسيت ينقصني الكثير
ولكن اجلسي في بيتك وحاولي تتقربين من زوجك حتى لو منتي راضيه عنه ولكن لاتخلينه يدوسلك على طرف اذا جا يضربك وقفيه عند حده
ولا تحسسينه انك منتي مرتاحه في بيت اهلك
كذاااااا بينبسط ويعرف انه مهما سوى فيك راح ترجعيله ولاتقدرين تستغنين عنه

 

[*ريما*]

الله يهدي الحال

 

[روووح المطر]

بجد الله يعينج

وين عايشين احناا لكن اصبري واحتسبي الاجر بس لاتسكين عن حقج احنا بديرة حق انا مستغربه منج ليش مكسوره من اخوانج اللي يطق ولدي اطقه بعشره واللي يرميه بالورد ارميه بالدم >>> جني مجرمه


بس نصيحه لج مع ريلج

لي جاء البيت حاولي تبعدين اليهال عنهم وحطيهم بدار مختصه بس للعب لهم من تلفزون والعاب يلتهون فيها وياكلون

واذا شافهم خليه يشوفهم بزينه ومو معاهم شي يتحجج الاب انهم بيكتونه بالارض

وريلج مهما كان حاولي تكسبينه باسلوبج وبطريقة لبسج غيري نفسج ١٨٠ درجه

لان اختي الكبيره مثل قصتج بالضبط مانفعها غير انها العبت تلعب على ريلها والله كان يطردها بنص الليل هي وعيالها لكن اصبرت

واللحين يحلف براسها لان كل خميس مسويه له بارتي وحركات حتى المساج له يوم متخصص لان المساج يطرد العصبيه والجنون اللي فيهم

واليهال قليل مايشوفهم حوله وصار هو يدورهم بالبيت اشتاق لهم

والاهم

لا تغدينه مع اليهال خلي ياليهال اول قبل لا يجي ويكونون انظاف وبغرفتهم يلعبون بعيد عنه
بس لي جاء تغدوا مع بعضكم بروحكم


وعسى الله يهدي لج ويسخره لج بس هلله هلله بالنصايح والله الوحده لازم تضحي علشان اليهال


والله يوفقج انشاءلله

 

[وافرر]

ياعمررى كسر خاطرى الياهل الله يكون يعوونك
ويحنن قلب زوجك

 

[دلع العتبان]

عسى الله يفرج عليج اللهم امين

 

[توايلا]

بجد الله يعينج

وين عايشين احناا لكن اصبري واحتسبي الاجر بس لاتسكين عن حقج احنا بديرة حق انا مستغربه منج ليش مكسوره من اخوانج اللي يطق ولدي اطقه بعشره واللي يرميه بالورد ارميه بالدم >>> جني مجرمه


بس نصيحه لج مع ريلج

لي جاء البيت حاولي تبعدين اليهال عنهم وحطيهم بدار مختصه بس للعب لهم من تلفزون والعاب يلتهون فيها وياكلون

واذا شافهم خليه يشوفهم بزينه ومو معاهم شي يتحجج الاب انهم بيكتونه بالارض

وريلج مهما كان حاولي تكسبينه باسلوبج وبطريقة لبسج غيري نفسج ١٨٠ درجه

لان اختي الكبيره مثل قصتج بالضبط مانفعها غير انها العبت تلعب على ريلها والله كان يطردها بنص الليل هي وعيالها لكن اصبرت

واللحين يحلف براسها لان كل خميس مسويه له بارتي وحركات حتى المساج له يوم متخصص لان المساج يطرد العصبيه والجنون اللي فيهم

واليهال قليل مايشوفهم حوله وصار هو يدورهم بالبيت اشتاق لهم

والاهم

لا تغدينه مع اليهال خلي ياليهال اول قبل لا يجي ويكونون انظاف وبغرفتهم يلعبون بعيد عنه
بس لي جاء تغدوا مع بعضكم بروحكم


وعسى الله يهدي لج ويسخره لج بس هلله هلله بالنصايح والله الوحده لازم تضحي علشان اليهال


والله يوفقج انشاءلله

رايي من راي الاخت روح المطر

 

[الزيـــــ^^ـــــن]

!!

مهما يكووون الوحده مردهآ لزووجهآ واهو بينفعهآ

انتي لاعصب عليج امتصي غضبه ولا تجادلينه

حاولي تغيرين من نفسسج،،، وانصحج خليج فبيتج

وشوفي احد فاهم بالعايله يكلم زوجج عالطق
والله يسخره لج ويهديه

 

[ام _خلودي]

الله يعينج تحملي وصبري والله يسخره لج

 

[love love]

حبيبتي تدرين لي رحتي بيت اهلج بتردين بيتج يعني تدرين روحتج بس جذيه وهم تدرين اهلج صعب العيشه وياهم

ليش اول مره لما طقج طلعتي حق بيتكم؟؟؟؟؟

اهو استهان ودرى انج بتردين فخلاص مافي شي يوقفه

وبعدرين الابو له الحق يربي الولد وانتي من حقج تعارضين بس طريقتج كانت غلط


الحين عليج تقعدين مكانج وتتحاشينه وقدمي حقوقه كله لا زياده ولا نقصان وانشغلي بنفسج
وادعي بكل صلاه الله يهديه