محتارة نظام انجلييزي ولا امريكي

[Love \ Hate]

مرحبا امهات :eh_s(7):

شلونكم ؟؟

بليز من خبرتكم ... شنو افضل النظام الانجليزي \ البريطاني او النظام الامريكي ؟؟

من حيث المدارس اتكلم .. محتاره بين هالنظامين ومادري شنو عيوبهم ومميزاتهم ؟؟

وشنو اقوى المدارس بالنظامين وخصوصا التاسيس .. بليز اللي عندها خبره تفيدني

واختياراتي :

النظام الانجليزي :
كويت انجلش سكول \ كويت برتش سكول

النظام الامريكي :
البيان \ اميركان سكول ان كويت

واللي تعرف مدارس نظام امريكي وقوية بليز تقوللي

 

[أنهار الكويت]

اذا تبين نضيحتي والمعروف بعد ان النظام الانجليزي اقوووووى وتأسيس عددددددل عدددل بعدين عالصف الرابع او الخامس حولي امريكي عشان السهوله واحتمال ينزلونه سنه اذا عمره كان صغير عن الصف اللي اهو فيه بس اذا ناويه عقب حكووومي
اصلن الانجليزي لاتفكرين بغيره لان حاليا الحكومه مناهجهم بريتش
وبشكل عام الانجليزي اشمل واقوى حتى الامريكان معترفين بهالشي
واحسن مدارس الانجلش اهي
نيو انجلش سكول بالجابريه
المدرسه الانجليزيه(الانجلش سكول) اظن بصباح السالم
والانجلش سكول ان كويت( المدرسه الانجليزيه في الكويت)
هذول اشهر من نار على علم
والله يووووفقج يارب
عاد انا سجلت بنتي بالمدرسه الانجليزيه الوطنيه لان سجلت متتأخر وماحصلت بالمدارس اللي قتلج عنهم
اذا سامعه عن الوطنيه شي فيديني سوء شي زين او شين

 

[أنهار الكويت]

مدرسه الكويت الوطنيه الانجليزيه knes
هذا اسم مدرسه بنتي

 

[Little House]

اعتقد الامريكي احسن نظام مرن

 

[أنهار الكويت]

مرررن وسههل بس مو تأسيس
اقووولج اكبر دليييل انا بنات عمي من عمرهم عشر سنين راحوا امريكا وعاشوااا هناك وردوا الكويت الوحده فيهم عمرها ١٧ و١٦
يعني صاروااا بلبل باللغه والاكسنت حقهم اتحداج اذا تقدرين تميزينهم الامريمان المهم يوم ردواا قدموا عالمدرسه الانجليزيه في الكويت اللي بسلوى ( هالحچي صارله٧سنين) المهم عطوهم اختبار قبول اول شي صار قبلوا اللي١٧ وام ١٦ لاااا وثاني شي اللي اقبلوها عقب ماخلصت السنه اللي درستها تقول النظاام الانجليزي وايد اقوى واحس البنات اللي دارسين فيها عندهم حصييييله كلمات بكميه كبيره( تقصد الثروه اللغويه حقت الانجليزي) شلون احنا عندنا باللغه العربيه الكلمه ومرادفها بالعربي اهم نفس الشي بس بالنجليزي تقووول وايد عندهم امور تأسس عدل
يعني تخيلوااا اهي اللي دارسه بامريكااا وامهم امريكيه واصلن ردوا كلامهم العربي مكسسسر يضحك مايعرفون يتحچون الا انجليزي ماقدرت تقاااايش بنات الانجليزيه اهي بعظمة لسانها قالت هالكلام
مو معناته اهي ماتعرف شي لا اهي بعد حيييل قويه بعد عاشت نص عمرها هناك ومن النوع الشاطره بعد بس اعترفت ان النظام الانجليزي اقوى تأسيس والامريكي وايد لعب
اذا انتي ادورين السهوله وناويع تكملين للثنوي روحي امريكي بس خوفج من الجامعه بعدين
واذا ادورين التأسس انجليزي
الله يوووفق الجميع

 

[A boss]

ais هم قوية امريكية و عندج ges امريكية قوية و الي قلتيلهم وايد زينين

 

[A boss]

سوري ges انجليزية , حتى الامريكي زين بس شخص عن شخص قدراته تفرق

 

[حلم الطفولة]

عيالكم أمانه من رب العالمين ،، ياريت تتحرون المكان الإسلامي أو المحافظ والغير مختلط ،،

عموما يالغاليه إذا هذي خياراتج فأكيد البيان سكول ماحاجه تحتارين..

موفقه

....................................