مرحبا كويتيات
بدخل الموضوع لان من جد محتارة وابيكم تساعدوني من بعد الله اناتزوجت وعمري 19 سنة ولي 6 سنوات متزوجة وعندي 3اولاد الحمدالله
المشكلة ان من تزوجت من اول يوم بدت المشاكل لان انا في بيت اهله سكنت من امه واخته وحريم اخوانه بس يدقون على راسة من السوالف الجذب ويصدقهم وانا صابرة وكله مشاكل ماعرفت شهر العسل ولا حسيت اني عروس مثل البنات وكنت ادرس اول سنه كلية وحملت بعد الزواج ب4 اشهر ولدت المشكله ولدي صار معاه نقص اكسجين وقمت اسافر من دولة لدولة وتعبت حيل معاه وانحبست عن العالم كله مراجعات ومستشفيات الحمدالله على كل حال والمشكلة ماقدر ظروفي هو واهله انا اداوم من الساعة 6الصبح لغاية 6المغرب واول مارجع اشوف ولدي واعطيه علاجاته وامتحانات انتم تعرفون المشكله امه فوق الظروف تقول ليش ماتنزل ليش ماتشتغل وتسوي العشا وصبرت 5سنوات على الحال قلت يمكن يتعدل وانا والله مافي اطيب مني معاهم ولا مع زوجي واللي ذابحني زوجي معاهم مو مقدر التعب اللي انا فيه المهم تخرجت وتوظفت وزوجي انسجن بسبب الدين من قبل الزواج عليه رحت من غير مافكر واخذت له قرض وسددت دينه وهم مافاد فيه والله يابنات اني زواجي 6سنوات اغلبها عند اهلي زعلانه لدرجة انشهرت بالناس كله زعلانه واذا راضاني ارجع معاه اقول مايخالف علشان عيالي واخر مرة قلت بطلع بشقة بستقرمايصير حياتي كلها مشاكل مع اهلك المهم طلعت بشقة والبيه(زوجي) ماتعدل الا صار اخيس من اول :rgewrg:لان انا طلعت على حسابي الشقة والاثاث لان عذرة ماعندة شي مايقدر يطلع عن اهله وفوووق هذا معاشه تعدل وصار يلعب فيه وعلى فكرة انا شريت له سيارة لان سيارته سحبوها الشركة اللي تطلبه والله بنات ماقصرت فيه وتالي طيبي معاه يخوني وكل ماصيدة يحط عذره انتي مقصرة معاي لان كله يسهر برة مايجي الا الساعة 3الفجر قلت لها اذاتبيني تعال امبجر انا وراي ولد مريض ودوام من الصبح مايصير هم بعد مايفتهم ومايحترمني نهائيا وبعض المرات يصير لي حلو والبعض لا احس فيه انفصام شخصية والله واللحين حياتي معاه جحيم كله مشاكل واذا ابي شي لازم اتهاوش علشان يجيبه حتى معاش الخدامة بالموت يدفعه وكذا مرة اقوله مايصير اللي قاعد تسويه يقول انتي تعدلي وبعدين اتعدل مايبيني اكلمه عن سهراته برة للفجر يبي على كيفه ويبي يخون وانا اسكت ,,, تكفون بنات شنو اسوي له ؟؟؟انا افكر اتطلق لان فوق كل صبري وطيبتي له وتضحياتي مو مقدرني ولامحترمني حتى اهلي مايحترمهم والله والله تعبت واللي يشوفني يعطيني اكبر من عمري اذا صبرت عليه وظليت عنده راح اموت والا يصير معاي ضغط واذا تطلقت اخاف احرم عيالي من ابوهم وبعدين يلوموني تكفون شنو اسوووي >>>ادري قرقت واجد بس من النار اللي بقلبي فوق هم ولدي المريض همه كل شي سويت له مانفع وياه
واسففففففة اذا ضايقتكم:eh_s(2)::eh_s(2):
