محتارة بين دكتورين عفية ساعدوني باسرع وقت من خلال خبراتكم

[falfola-falfola]

بنات انا بسوي عملية تكبير صدر
وقريت عن اشطر الدكاترة صارلي شهرين وانا ابحث

يمدحون دكتور كروز ودكتور عبد الناصر خلاف

وهم بعد دكتور ريزا بافيان بس سمعت انه حيييل غالي فهونت عنه

بنات بمنو تنصحوني اروح حق تجميل ثدي منو فيهم التوووووب وشغلة حلوو وخياطة نظيق وفاهم

 

[الأميرة جوري]

الله يكتب لج اللي فيه خير لج

 

[سـما]

ما عرف وانا نفس حالتج
الله يكتب لنا التوفيق

 

[falfola-falfola]

قوة بنات توني داقة عالعيادات وحطيت موعدين مع دكنور عبدالناصر باجر موعدي بس ما احس اني مرتاحة
ولا ادق احط موعد عند كروز بعيادة كوزموسيرج رويال حياه رد عندهم طبعا حدددددي انصدمت من السعر قلت للي ردت علي جم يسوي الدكتور العملية قالنلي 2800وفوق وحسب حالتج بعد وشامل كل شي معني قلت لها بس ابي تكبير ثدي اصددددمتني بنات صح كلامها جذي اسعارهم ؟؟؟؟؟ انا رفيجتي مسوية عنه ب 1700 قبل سنتين وكان شامل كل شي تقول قبل غير والحين غير صدددمت عيشتي المهم موعدي معاه يوم سبت

 

[الفك المفترس]

شوفي انا شفت شغل كروز و اقدر اقولج روعة شوي
مادري عن الباجي ماعرف عنهم شي
و صج هذا السعر اللي عطاني حق صدري مو منه من رويال حياه
لمن رحتله ببرج مزايا عطاني سعر حق عملياتي كلها صدري بطني فخوذي و نفخ المؤخرة 4200 او 4300 ناسيه بس وحده من هذيل مو اكثر يسويها بلسلام او بالصفاة

لمن رحتله رويال حياه حسبلي ب 10000 تخيلي !!! عشان يسوون باكج المستشفى شامل كلشي المساجات و الكورسيه و هاللويه و الفحص

هونت خذيت موعد عند ممدوح الضاوي و انشالله خير وايد مدحولياه
لاني ضعييفه حيييل و كرشتي اصلا ماتبين الا تحت اللبس !! اذا لابسه بطني سيده
عمليتي ميني تمي تاك مو الكبيره اللي خط عود لا نفس خط قيصريه
و ابي اتفخ صدري و المؤخره و حرام وحده بوزني بالاربيعينات
اقط على روحي عشر الاف
بس حيل خاطري بكروز و لمن اتصلت على مزايا سالتهم اذا بيرجعلهم قالو لا ​

 

[falfola-falfola]

انا نفسج ضعيفة 49 وزني بس صدر ماااااكو دلاغات لما انام عالحنب لحم فاااااضي يفشل وبخاطري كروز واليوم اخذت قرض قررن اسوي العملية عنه هذا صدر مو لعبة فبروح من البداية لاحسن دكتور بس خايفا من شي واااااااحد اني مو متزوجة الريال باجر بيتقبل هلشي ؟؟؟؟ وهل اصارحه واقولإ ولا اخش عنه ؟؟؟؟خصوصا انه السلكون سمعت كل عشر سنين يتبدل

 

[falfola-falfola]

موعدي مع دكتور كروز يوم سبت العصر استشارة 30 دينار والله كريم

 

[falfola-falfola]

بنات بسالكم في شي احاتيه بعد اذا سويت العملية شلووون عالدوام ؟؟؟ الدكتور يعطيني راحة ؟؟؟؟ وجم يووووم اللي اعرفه اقل شي شهر عملية الصدر جم يوم يعطون راحة ؟؟؟

 

[الفك المفترس]

شوفي حبيبتي عمليه الصدر سهالات ماتحتاج راحه وايد
و الدكتور كروز زين توكلي و استخيري قبل و الله يسهلجياها اذا فيها خيره لج
و بالنسبه لزوج المستقبل خشي عنه افضل
لان اصلا بعد فنره بيصير صدرج طبيعي كشكل و ملمس ماراح يبين فمالاداعي تقوليله يعني شي صار و اتنتهى و قبل ما تتزوجين ​

 

[الفك المفترس]

اسبوع - 10 ايام كافي تكفيج
انا امي سوتها و ثاني يوم عادي ساقت سيارة و تطلع و تروح و ترد عادي
بس في ناس بلذات اذا اهي ضعيفه حيل و الحجم كبير عليها و على ظهرها تتعب بس مو اكثر من 10 ايام يعني
و على حسب الجسم طبعا بس اللي اسالهم بعد اسبوع يمارسون حياتهم الطبيعيه و يمكن اقل​

 

[الفك المفترس]

و أي عندي نصيحة لمن تسوينها اشتريلج بجامة تصير بلوزتها سحاب و لا زراير اسهلج من انج تفصخينها لي فوق و ترفعين ايدج مجرد نصيحه حبيت افيدج فيها نا جذي بسوي​