محتارة بين الكايين والـq7

[SILVER ROSE]

ناوية ان شاء الله اغير سيارتي على الموديلات اليديدة 2013
ومحتارة بين جيب الكايين او جيب الاودي كيو سفن
ياريت اللي عندها من هالسيارتين تعطيني المميزات والسلبيات
واكون شاكرة لكم :eh_s(7):

 

[{}{}{ سكرة }{}{}]

أنتي مثلي بالضبط


كنت محتارة بينهم


بالنهااية اخترت الكايين ماصارلي شهر تقريبا مطلعته


واااااااااااااااايد حلو وراقي ومريح حيل


طبعا كاسم وشكله بالشارع الكايين ارقى


وحتى يبقى سعره فيه مو مثل الاودي بسرعة يطيح


ولما سويت تست درايف للاودي حسيته كبير يميل للعائلي


لقيت الكايين احلى حييييل


بس ترى في فرق سعره بينهم 4 الاف


الكايين اغلى بالنسبة للعادي


انا خذيت الاس طلع علي 25 الاف بدون كاميرا وبصمة طبعا معاهم يوصل 28 الف


الاودي فل اوبشن وكاااااامل من كل شي ما يوصل 20 الف تقريبا كان 19.200 الف



نصيحة من وحدة مجربة الكايين وانتي مغمضه

 

[الباسمه]

والله حبيبتي الناس أذواق وانتي طلبتي راينا
اأنا عني لما أشوف الأودى Q7 مادري شيصير فيني صج فخر الصناعه وترى اللي يتعود على سواقه الأودي مستحيل يغيرها هذا بشهاده أخوي وعيال عمي ٢
الكايين Gts عند اختي اذا ركبته بدون مبالغه جني راكبه قاري نازل حيل والسياره اساسا رياضيه
يعني حسب امكانياتج وحسب متطلباتج
بالتوفيق واستخيري

 

[الشيخة@]

رفع لعيونش

 

[newchlin]

نو لا تاخذين كايين

اغلب الي يسوقون كايين غشيميين بالسياقه وماكو ذوق

 

[SILVER ROSE]

شكرا لكل البنات اللي عطوني من خبرتهم
وين بنات الكايين والاودي

 

[أمواج البحر]

انا عندي كايين و وايد مرتاحه

عموما انتي ركبي السيارتين وشوفي نفسج فيهم وباي سياره ترتاحين اخذيها

موفقه

 

[أمواج البحر]

وبالنسبه للسلبيات ولله الحمد ماكو سلبيات شفتها بالكايين

 

[SILVER ROSE]

والله البنات شجعوا الكايين
مافي احد جرب الاودي؟