محتارة بين التربية الاساسية وجامعه الكويت التربية! !!

[ام مشعل المطيري]

انا تخرجت هالكورس وحاطة ببالي اقتصاد منزلي تربية اساسبة واسلامية التربية الاساسية او جامعه الكويت بس بعرف شنو الفرق بينهم وشنو الافضل
والدراسة والسهالات شنو تنصحوني :yaaaaaarb:




اتمنى تجاوبون وترودووووون

 

[لذة شقاوه]

حبيبتي التربيه الاساسيه اسهل لان مافيها انجليزي وايد وتدرسين ابتدائي
اما التربيه ثانويه ومتوسطه وانجليزي بعض موادها
حسب ما فهمت لان هم انا خريجه ومبروووك التخرج

 

[حنطاويه عسل]

التربيه الاساسيه

فيها اقتصاد منزلي ورسم وبدنيه وتصميم داخلي ورياض اطفال واسلاميه وعربي وانجليزي ومكتبات

وتكنلوجيا تعليم وعلوم ورياضيات وحاسوب والحين افتحوا لفه فرنسيه

والاساسيه بس ادرسين ابتدااءي وبعض التخصصات يصير ادرسين ثانوي مثل الاقتصاد والرسم والتصميم الداخلي والحاسوب وبدنيه

اما تربيه الجامعه فيها فلسفه وعلم نفس وتاريخ وجغرافيا واجتماعيات واسلاميه وعربي وانجليزي ورياض اطفال

وادرسين بس ثانوي ومتوسط

ومن ناحيه المعاش والشهاده الاثنين نفس الشي ماكو فرق والي يقولج في فرق غلطااان انا عندي من اهلي

٢ وحده خريجه تربيه اساسيه والثانيه جامعه الكويت ونفس المعاش والشهاده

والتربيه الاساسيه تدخلين بالتخصصص على طول عكس الجامعه يبيلج سنه على ماتتخصصين

وتخلصين ب ٤ سنين واذا خذيتي صيفي ب٣ سنين ونص اما الجامعه اخت رفيجتي تخرجت ب٦ سنين

 

[حنطاويه عسل]

والله يوفقج يارب واذا عندج اي سؤال انا حاضره لا يردج الاالكيبورد p;

 

[ام مشعل المطيري]

الله يجزاج خير ع الرد بس بسألج انا ابي احط رغبات اقتصاد واسلامية ورياض اطفال بس الاسلامية ورياض اطفال شنو مساندهم

 

[حنطاويه عسل]

حبيبتي ولو ماسويت شي اسلاميه مسانده عربي

ورياض اطفال مسانده علم نفس والاقتصاد مسانده علوم

 

[Miss Eteket]

^^

ماا قصصرت

 

[نبراس الكرامة]

حبيبتي ولو ماسويت شي اسلاميه مسانده عربي

ورياض اطفال مسانده علم نفس والاقتصاد مسانده علوم

تخصّصي ريآض أطفال - كليَّةة التَّربيةة الأسآسيًّةة

مقرَّرآت التخصّص = علم نفس + الأصول

المُسآند = موسيقى ، فنيَّةة ، بدنيَّةة

 

[قطعة حلا2]

الف الف الف مبرووووووووووووووووك ام مشعل انا وياج بقروب المسائي وابشرج تخرجت ونسبتي 80 ونفسج محتاره بين الفنيه بالتربيه الاساسيه او الشريعه جامعه الكويت.......

بنات شرايكم بتخصص الفنيه فيدونا عنه..........التسجيل يوم الاحد مابقى شيء

 

[أحلى البشر]

بناااات اللي نسبتها تدخل الجامعه خل تدش الجامعه اكيد في فرق يكفي اسمج جامعيه ولايزعلون بنات الاساسيه بس وحده يابت نسبه تدخلها الجامعه وتدش اساسيه ماعندها سالفه !

 

[قطعة حلا2]

هلا باحلى البشر زين الجامعه مافيها تخصص اقتصاد ولا فنيه....وبسالج انتي شنو اسهل تخصص في الجامعه للقسم الادبي ....فيديني اختي

 

[ام مشعل المطيري]

قطعه حلا مبرووووووووك حبيبتي انا نفس نسبتج الله يوفقنا ونلاقي التخصص الافضل انا محتارة

 

[~عيون الحب~]

ماشاءالله ام مشعل ألف مبروووووووك

اذكرررج قبل سنه راسلتيني بالخاص وكنتي تقولين بتعيدين رابعه

فرحتلج الصراحه

وماقدر افيدج بالتربيه الاساسيه

الله يوفقج يارب

 

[قطعة حلا2]

الله يبارك بعمرج يا ام مشعل وسبحان الله نفس النسبه ونفس الحيره......ام مشعل تخصص الفنيه ترى اسهل واحلى لكني محتاره بينه وبين الشريعه ابي اعرف شنو الافضل .....للعلم ان كميه الحفظ عندي مو ذاك الزود وودي بشيء دراسته سهله ودكاتره متفاهمين....يعني مو متشددين حييييل

 

[حنطاويه عسل]

بناااات اللي نسبتها تدخل الجامعه خل تدش الجامعه اكيد في فرق يكفي اسمج جامعيه ولايزعلون بنات الاساسيه بس وحده يابت نسبه تدخلها الجامعه وتدش اساسيه ماعندها سالفه !

ياعمري منو قالج بنات التربيه الاساسيه مو جامعيات شهادتهم بكالريوس وتربيه الجامعه بكالويوس

قوليلي شنو الفرق وليش الي نسبتها ادخلها الجامعه وتدخل الاساسيه ماعندها سالفه

في بنات يبون تخصصات سهله مثل الفنيه والبدنيه والموسيقا وتصميم ووااايد تخصصات غيرهم

وارد واقول الاثنين جامعيات ونفس المعااش وقبل جم شهر قالوا بينقلون التربيه الاساسيه العارضيه

وبيغيرون اسمها لي جامعه جابر وبعد ثلاث سنين بيضيفون معاها هندسه وعلوم اداريه وحقوق

وهذا تووضيح حق الي يقولون في فرق بينهم

 

[فـــخـــر]

بناااات اللي نسبتها تدخل الجامعه خل تدش الجامعه اكيد في فرق يكفي اسمج جامعيه ولايزعلون بنات الاساسيه بس وحده يابت نسبه تدخلها الجامعه وتدش اساسيه ماعندها سالفه !

+ 1


معاها الا اذا كنتِ تبين اقتصاد / فنيه /ديكور / بدنيه / موسيقى

لانه موجوده بالاساسيه بس مو موجوده بجامعة الكويت


* ما اقصد اقلل من طلبة الاساسيه بس علشان اذا صار بخاطرج تحولين

تقدرين من غير سحب اوراق .. الخ ولا بالنهايه كلكم مدرسات نفس الدرجه

نفس المعاش


* في بنات ذكروا انه بالجامعه بس تدرسين متوسط + ثانوي بس هالكلام غلط

هذي ميزه لـ كلية التربيه جامعة الكويت لج حرية الاختيار للمرحله اللي تبينها


* يقال والعهده ع الراوي انهم سكروا تخصص رياض اطفال لـ وجود فائض بخريجين هالتخصص

بصراحه مو متأكده اذا سكروه ولا لا ! بس انتبهي علشان ماتحطينه رغبه ويكون مغلق


* انصحج بالاقتصاد صعب بالدراسه بس راحه بالنهايه

 

[Nor..]

انا متخرجه السنه الي طافت وكنت علمي ونسبتي عاليه واقدر ادش فيها جامعه !
رفيجاتي الحين كلهم جامعه انا بروحي بالاساسيه
والله من وجهة نظري انصحج بالاساسيه
الجامعه تعب حيل وماتتخرجين بسرعه
والاساسيه والله احس فرق وراحه وتقدرين تتخرجين ب 3 سنين
وادرسين ابتدائي !! يعني حدا حدا راحه
عن نفسي انصحج بالاساسيه . موفقه ;*

 

[عسل سل]

الله يبارك بعمرج يا ام مشعل وسبحان الله نفس النسبه ونفس الحيره......ام مشعل تخصص الفنيه ترى اسهل واحلى لكني محتاره بينه وبين الشريعه ابي اعرف شنو الافضل .....للعلم ان كميه الحفظ عندي مو ذاك الزود وودي بشيء دراسته سهله ودكاتره متفاهمين....يعني مو متشددين حييييل

مالج الا الفنيه الاسلاميه حلو ويفيد بالحيااه حتى
لكن الفنيه اسسسسهل هذا الي اعرفه بس يقولون يبيله واااسطه
غير واسطه ماضنتي تدشين الفنيه :eh_s(4)::eh_s(22)::eh_s(1):
واستخيييررررري

وماكو فرررق ابدااا بين تربيه الاساسيه والجامعه كلهم نفس المستوى والشهاده والمعاش والاساسيه اسهل من الجامعه
هذا الي اعرفه :eh_s(22):

 

[همسات شقاوي]

نصيحححة لوجه الله اذا تبين الراحة والدكاتر المتفاهمين اخذذذي الاساسية نفس الشهادة والوظيفة والمعاش ..الجامعة اقل شي تتخرجين 4 سنين ونص ومع صيفي بعد صرراحة لو كان في الاساسية تدريس متوسط وثانوي جان دشيته بس انا ما استحمال الجهاال ابي ادرس ثانوي

 

[kndora]

عسى ربي يختارلج الطيب

صلي استخاره