محتارة بفنادق شرم الشيخ .. اشتنصحوني فية ؟؟

[الكويتية28]

شلونكم بنات وشخباركم .
انا انشالله ناوية اروح شرم الشيخ بس ودي تقولولي شنو افضل فندق فيها قريب من خليج نعمة ؟؟
وشرم فيها محجبات او بس مفاصيخ ؟؟ اخاف اطلع شاذة بينهم . فاللي راح لشرم ياريت يفيدني ضروري الله يجزاكم خير

 

[Om Ghalia]

ماريوت ونوفوتيل وموفنبيك حلو،،، وفيها محجبات ..... ويتسبحون بعد ......

 

[الكويتية28]

الله يجزاج خير والله طمنتيني

 

[كويتيه ذربه]

ماريوت الشاطىء
لان في واحد ثاني ماريوت الجبل

وعادي في متحجبات

 

[ام عبدالمحسن]

ماريوت الشاطيء وحمدلله احنا متحجبات وساتر الله علينا

 

[Lady Zayoona]

يمدحون Jolli Ville جريب وااايد يم نعمه و نظيف و عائلي .انا سكنت بهيلتون زين بس شوي اثاثه قديم بس كله اجانب ..
المكان حده سهل حق المتحجبات حتي امهات العبي شفت وحده تسبح و اطلعت البست عباة مع زوجها

 

[الكويتية28]

ماقصرتو يا الغالياتوشكلي بسكن ماريوت البحر لان وااااااااايد يمدحونة

 

[كويتيه ذربه]

اي انصحج فيه الصراحه انا رحت شرم الشيخ قبل شهر ونص وسكنت فيه والله ارتحت له انا خذيت الغرف اللي تطل على الاحواض باتجاه البحر مكانه روعه



قاعده احاول ادزلج الصورة بس مو راضيه تطلع

 

[نمله متلثمه]

جراند روتانا روعه

 

[Tender Heart]

انا مارحتلها بس اختي احت لها بعطله العيد الوطني وسكنت موفنبيك وتمدحه

 

[أماسي22]

قراند روتانا رووووووعه بس عيبه انه بعيد عن خليج نعمه
وافضل شي انك تسوي بحث عن الفنادق بقوقل وبيطلع لك كل شي عن اي فندق تبيه
وبالنسبه للمحجبات كثاااار وفيه منقبات بعد يعني نسبة العرب كثيره
بس صراحه انها رحله روووعه لشرم الشيخ اهنيك على الأختيار ان شاء الله تتونسي
والله يوفقك يالغاليه

 

[السنعه]

والله انا شهر 5 اللي فات رحت وسكنت في نوفتيل الصراحه انصحج فيه ويبعد تقريبا عن خليج نعمه مشي تقريبا 10 دقايق بس والله عجيب

 

[أم حمادين]

انا بروح ان شالله وحجزنا بماريوت