محتارة ابغي رايكم ابني ملحق والا لا ؟

[أم سيف وسلطان]

السلام عليكم

بدخل في الموضوع اسمحولي

القصة وما فيها اني ساكنة ويا اهل ريلي وقبل كنت في غرفة صغيرة مع حمامها وبعد فترة لما يبت عيال 2 الله

يحفظهم ظاقت عليه الغرفة وبغيت اطلع فكانت في غرفة في الدور الاول كبيرة ووسيعة كانت لاخوه الكبير بس بنا ملحق وطلع من هاذي الغرفة

فخواته شجعوني اني آخذها لانها اوسعلنا فخذناها والغرفة الي كنا فيها خذاها اخوه الي اصغر من ريلي المهم الحين احس بنفس الضيق الي قبل صايرلي

لاني اصلا كنت ابغي غرفة مع صاله المهم شاورت ريلي انه يبني ملحق في بيتهم مكون من غرفتيتن وصالة ومطبخ صغير يمشي الحال اوسعلنا واشرح

ومن صوب افكر ليش اخسر في شي مب بيتي يمكن يطلعلنا بيت مع انه الحين عدنا موقفين توزيع البيوت يعني مافي شي لمدة سنتين تقريبا

فعشان جيه قلت خلاص الله يعلم كم بصبر وانا في هاي الحجرة خلني اوسع على عمري الواحد ما يستخسر في راحته
وفي نفس الوقت ارد اتردد انه خساير خصه انا خسرنا في الغرفة الي فيها كل شي يديد وحلو واني اصبر عمري في هاذي الغرفة

فقلت ماشي غير أني أشاور خواتي منتدى كويتيات ماابا يقصرون فشوروا عليه مع ذكر السبب ......... خخخخخخخخخ

فانتظاركم

 

[كويتيه nice]

لاتخسرين بشي مو بيتج اصلا الملحق على مايخلص من البني وتجهيزات يبيله سنه او اكثر
صبرتي وايد ماراح تصبرين سنتين اهم شي تكون الغرف اللي ساكنه فيها مرتبه ونظيفه وتكونين مرتاحه مع ريلج هذا اهم شي


حياتي صبري الصبر مفتاح الفرج

 

[أم سيف وسلطان]

لا الملحق مب كبير والبنى بس يباله بالكثير شهرين ويجهز من مجاميعه

ومب اكيد سنتين ويطلعلنا بيت انا بس اخمن يعني يمكن 6 سنين الله واعلم لانه اخوه الكبير متزوج اكثر من 13 سنه وما طلعله شي

وفي الاخير بناله ملحق عقب مااستوو عياله كبار

وأخاف تمر علينا السنين ونحنا مضيقين على عمارنا بدل ما نفرج على عمرنا بملحق على قدنا

فعشان جي انا حيرانه

 

[LuLiTa]

انزين اختي ما تقدرووون تطلعوون بشقة بروحكم ؟؟,,,,

يعني الملحق خساارة البنيااان و البيت مو لكم اصلا ,,, و فوق هذا هم بعد المكااان بيكون صغير ,,,,

و بنفس الوقت الغرفة هذي مو مكفيتكم ,,, يعني طلعتوو من غرفة و رحتوو لغرفة ,,, و البيت مطول على ما يطلع لكم ,,,

عل الاقل الشقة اتكوون وسيعة و لكم خصوصياااتكم و تاخذين راحتج في المكااان ,,,,

 

[LuLiTa]

انزين اختي ما تقدرووون تطلعوون بشقة بروحكم ؟؟,,,,

يعني الملحق خساارة البنيااان و البيت مو لكم اصلا ,,, و فوق هذا هم بعد المكااان بيكون صغير ,,,,

و بنفس الوقت الغرفة هذي مو مكفيتكم ,,, يعني طلعتوو من غرفة و رحتوو لغرفة ,,, و البيت مطول على ما يطلع لكم ,,,

عل الاقل الشقة اتكوون وسيعة و لكم خصوصياااتكم و تاخذين راحتج في المكااان ,,,,

 

[أم سيف وسلطان]

أختي لوليتا مشكورة على الرد بس الفلوس الي بنعقها على الشقة كل شهر ابركلنا نبني فيها ملحق

وبدال خساير الصرف في الشقة والالتزامات والمير بنفتك منها في ملحقنا لانا بنكون عايشين وياهم وكل شي عليهم عرفتي

انوفر على عمارنا وايد من هاذي النا حية حتى التأثيث

فما أ عرف شو أسوي

 

[أم سيف وسلطان]

وينكم خوات

 

[القرآن ربيع قلبي]

يااختي ناس اجار وتبني وتقط
هذا بيت الوالد والد زوجج مافيه خساره لكم ان شاء الله
على الاقل تحسون نفسكم ببيتكم وتبعدون عن مشاكل الاجار
وتحسون بالامان
وتوسعون على نفسكم
نصيحه اخت توكلوا على الله وابنوا وسعوا على نفسكم واستانسوا
والمستقبل الله اعلم فيه والله يرزقكم ان شاء الله

 

[أم متيح]

ماشوف فيها شي ابني حبيبتي
وتوسعي

 

[أم سيف وسلطان]

يزاكن الله خير على الرد

بس بعدني حيرانه ماادري ليش

 

[% HoooR %]

توكلي على الله وابني

ما في احلا من السعه

 

[بمبة المفترسة]

انا اقوول اجروا شقة احسن
بنيان وعباله والعمال يبون مجابل دووخة

 

[أم سيف وسلطان]

اختي الشقة مب حل بدفع فالسنه اكثر مااببني

وبعد ما فيها حوش حق العيال

 

[عصفورة كويتيات]

نصيحة من اخت مجربة الضيق لمدة 15 سنة بالضيق وبالاخر طلع لنا بيت حكومي من الحكرة خذيناه عايشة انا وعيالي 5 بغرفتين ومطبخ وحمام وكان يبي يبني بس انا مو راضية علشان اطلع بشقة وهو موراضي اطلع بشقة بس بالاخر تعبت من النفسية والضيق لا والله ابدأ ماعليج راحتج واحسن لج من الاجار موخسارة خاصة انج بتوفرين للسفر والعيال والوناسة ماراح يضيق عليج بشي والبنيان جم شهر وبس وخسارة شي بسيط مو نفس الاجار.................................