محتاجه مساعدتكم منو الي صار معاها جذيه

[Koka_alotaibi]

السلام عليكم ورحمة الله وبركاته

بنات واللي يعافيكم انا حامل بالشهر الخامس ومعاي الم في الظلووع وذابحتني حييييييل

وحاليا اشكي من ضيق التنفس مع العلم اني ما ابذل اي مجهود

لان اساساً حالتي ماتسمح باي مجهود والدكتور ناصحني بعد الاجهاد


بنات الامر طبيعي ولا في مشكله ومشكوره



وعسى الله يرزق كل من ترد علي وتريحني

 

[زين ودلال]

وعليكم السلام

انا اشوفه طبيعي لان بكل حمل لي يصيرلي جذيه والحمدلله ماكو الا العافيه

بس اذا انتي خايفه بمراجعتج سألي الدكتوره عشان ترتاحين

الله يتمم ويسهل عليج ان شاء الله

 

[وحده حامل]

حبيبتي الالم ممكن تنامين او تسترخين كثير وانتي مو متعوده ف تحسين بالم فضيييع بجسمك

او انا صار لي الم بضلوووعي لكن بالثامن بولدي قالت لي اللي بالسونار ان اليااهل متكي ع صدري وقلت فدوووه ههههه

الله يطمنك يارب ومافي مثل زيارة الطبيب

 

[الأميرة جوري]

عادي اختي وحاولي تنامين علي جنب علشان البيبي يضغط علي الصدر

 

[Koka_alotaibi]

زين ودلال الله يطمن قلبج حبيبتي وان شاء الله بسأل دكتوري


وحده حامل تهقين الجاهل متكي على ظلوعي خخخخخخ وي تو الناس انا بالخامس
مشكوره يقلبي على الرد عسى الله يرزقج ان شاء الله

الاميره جوري فديتج حبيبتي على الرد بس المشكله لما انام على جبني يعورني اكثر احس على ظهري اريح بس جد طمنتوني



فديتكم كلكم ماتقصروووووون

 

[sosowaty]

وعليكم السلام

حبيبتي بالحمل توقعي الغير متوقع

بس انتي تقولين عظامج صح

جدا جدا عااااادي كل حامل تشتكي من عظامه لان البيبي يمص من عظاامج​

 

[ملاك ^ الحب]

سالي الدكتوره

بس اهو شي عادي وخصوصا اذا اول حمل لج

لان الجسم مو متعود وبعدين البيبي ياخذ كل شي من صحتج

 

[عيون^^زوجها]

حبيبتي ان شاءالله طبيعي بسبب كبر حجم البيبي

 

[*kim*]

انا نفسج واذا نمت على ظهري ارتاح بس هم نومت الظهر مو زينه

الله يسهل علينا

 

[Koka_alotaibi]

Sosowaty
لا يقلبي موعظامي احس ضلوعي كنه تتوسع مادري اختي تقول لان البيبي يكبر ويرتفع فيضغط على الضلوع واهو الي يسبب عوار الله يهونها

ملاك الحب
فعلاً اول حمل لي وصدقتي توني بالخامس واحس كل يوم طالعه بشغله الله يعين ويهونها يارب

عيون زوجها
ماقصرت يالغلا والله يهونها ان شاء الله

*kim*
صاجه حبيبي قالوي ان نومة الظهر كثرتها موزينه بس والله من الالم الله يعين
ويسلهااا علينا ياااارب



فديتكم بنات ماقصرتوا الله يرزقكم ويسر لكم اموركم

 

[جنة هلي]

شربي حليب كامل الدسم ع الاقل ب اليوم مرتين


وعادي جداً اللي يصير
الله يسهل علينا ي رب

 

[عسل حدي]

للرفع

 

[بنت الاحلام]

انا نفسج بالضبط ولح الحين معاي بس اذا انسدح يهون

 

[بنت الرحاب]

بالخامس بدري عوار الضلووع مايمدي الحمل بين عليج انصحج راجعي المستشفي طواري النسا لايكون لاسمح الله ماي متجمع عالصدر لانه يصير مع الحوامل واقري عنه بقووقل والله يتمم لج حملج ويسرلج امرج

 

[أأأميرة الورد]

الله يهون عليج

 

[KOKO_284I]

شوفي حبوبه هذا طبيعي والكلام اللي بكتبه دكتورتي بالكويت قالته لي ويوم سافرت لبنان نفس الحجي قالته الدكتوره

الام الظهر طبيعي واتوقعي ان يزيد ما ينقص كل ما يكبر البيبي

الاما الضلوع لان البيبي اسمالله عليه كبير وقاعد يكبر فيضغط الرئه واتحسين بضيق النفس

الحل انج اتحطين ورا ظهرج مخاد وايد بالنوم يعني يكوون مستوى صدرج مرفوع عشان تروح الضيقه نوعا ما نفس سراسر المستشفيات

والنومه عالظهر مو زينه للبيبي لان لاحتمال لكبير يلتف الحبل السري حوالين البيبي واسلم نومه علي جنب .

وحطي ابالج انها ايام وتزول هالعوارض مجرد ما اتشوفين البيبي ؛ )

انا بجري جذي صار معاي ووالحين حامل بالثامن والحاله مبلشه معاي من الرابع

الله يسهل عالجميع

 

[monyy]

عادي لا تحاتين
اهم شي لا تنامين على ظهرج لان مو زين لا عليج و لا على البيبي
على طول خلج نايمه على جنب
و عوار الظلوع عادي

 

[Koka_alotaibi]

جنة اهلي باخذ بتصيحتج تسلمين يقلبي على الرد

حدي عسل تسلمين يقلبي على الرفع

بنت الاحلام الله يهون علينا يااااااااارب

بنت الرحاب ماقصرتي يالغاليه على الرد الصراحه خوفتني خخخخخخ الله يستر ان شاء الله واكيد بقرا عنه وعلى موعدي ان شاء الله راح اشيك

اميرة الورد ماقصرتي يالغاليه لاهنتي

 

[Koka_alotaibi]

Koko_2841
تسلمين يالغاليه الصراحه ردج طمني حييييييييييل
الله يرزقج ويهون عليج


monyy
تسلمين يالغايه ومشكوره على النصيحه

 

[Koka_alotaibi]

لكل الي ردوا الله يرزقكم ويوسع عليكم دنيا واخره
لانكم ريحتوا عبالي ونصيحتكم كانت بمثابة نصيحة خوات

والله يجزاكم خير